મા અમૃતમ યોજનાના અધિકારીઓની અન્યાયી નીતિ સામે નેફ્રોલોજીસ્ટ તબીબોની હડતાળ

તા.14થી 16 ઓગસ્ટ સુધી ડોક્ટરો મા યોજના હેઠળની ડાયાલિસિસની સેવા બંધ રાખશે

મા યોજના હેઠળની તમામ સારવારના ખર્ચમાં વધારો કર્યો જ્યારે ડાયાલિસિસનો ખર્ચ ઘટાડી દેવાયો

ડાયાલિસિસ ફિલ્ટર સિંગલ ટાઈમ યુઝ કરવાનો નિયમ આવતા હોસ્પિટલોને ખર્ચ આશરે રૂા.400 વધ્યો છે

ખાસ-ખબર સંવાદદાતા
છેલ્લા થોડા વર્ષોમાં કિડનીના ડાયાલિસિસ દર્દીઓમાં ગંભીર વધારો થતા અને સરકારી ડાયાલિસિસ યુનિટોની સંખ્યા ઓછી હોવાને કારણે સરકાર દ્વારા બિનસરકારી તબીબો, પ્રાઇવેટ, કોર્પોરેટ અને ટ્રસ્ટ હોસ્પિટલો સાથે ભાગીદારી કરી ગુજરાત રાજ્યમાં ઙખઉંઅઢ ડાયાલિસિસ યોજના શરૂ કરવામાં આવેલ, જેમાં લાખો દર્દીઓ તેનો લાભ લઈ પ્રાઇવેટ હોસ્પિટલો માં ફ્રી ડાયાલિસિસ સારવાર સારી ગુણવત્તા સાથે લઇ રહ્યા છે. ગુજરાત રાજ્યમાં એક વર્ષ માં 1.3 કરોડ ઙખઉંઅઢ ડાયાલિસિસ સારવાર થાય છે, જેમાંથી 1.02 કરોડ 78 ટકા ઙખઅઉંઢ ડાયાલિસિસ પ્રાઇવેટ હોસ્પિટલો દ્વારા કરવામાં આવે છે. સરકાર દ્વારા જે નક્કી કરેલ રકમ પ્રાઇવેટ હોસ્પિટલોને ચુકવાતી તે છેલ્લા આઠ વર્ષથી યથાવત હતી. જેમાં ભાવ વધારો કરવા અસંખ્યવાર રજૂઆતો કરવામાં આવી, પરંતુ કોઇ વધારો આજ દિન સુધી કરાયો નહી. અધુરામાં પુરુ, તાજેતરમાં ઙખઉંઅઢ દ્વારા અન્ય વિવિધ સારવારો માટે ખુબ મોટો ભાવ વધારો મંજૂર કરાયો જેમાં, આશ્ચર્ય વચ્ચે ડાયાલિસિસનો ખર્ચ ઘટાડવામાં આવ્યો!!! આ અન્યાયી નીતિ સામે ગુજરાતભરના નેફ્રોલોજીસ્ટ ડોકટરો અને હોસ્પિટલો દ્વારા આગામી તા. 14 થી 16 ઓગષ્ટ દરમ્યાન મુખ્યમંત્રી અમૃતમ (માં) હેઠળ ડાયાલિસિસ સેવા બંધ રાખી હડતાલનું શસ્ત્ર ઉગામશે.

આ હડતાલ અનુસંધાને નેફ્રોલોજી ફોરમ ગુજરાતના રાજકોટ ચેપ્ટર સાથે સંકળાયેલા સિનિયર નેફ્રોલોજીસ્ટ ડોકટરોની ટીમ રાજકોટના મિડિયા હાઉસને તેમની વેદના જણાવતા કહ્યું હતું કે, સરકાર દ્વારા જયારે વધતી કિડની ડાયાલિસિસના દર્દીઓની સંખ્યાને પહોંચી વળવા માટે પ્રાઇવેટ, કોર્પોરેટ અને ટ્ર્સ્ટની હોસ્પિટલો અને ડોકટરોનો સંપર્ક કરાયો ત્યારે સમાજ સેવાના ઉદ્દેશથી તમામ લોકોએ સરકારનો સાથ આપ્યો. ગુજરાત માં મોટા ભાગના ડાયાલિસિસ ના દર્દીઓ ઙખઉંઅઢ યોજના અંતર્ગત જ પ્રાઇવેટ હોસ્પિટલમાં ડાયાલિસિસ કરાવે છે. આ યોજના હેઠળ ચાલતા પ્રાઇવેટ સેન્ટર માં ડાયાલિસિસની સાથે-સાથે દવાઓ અને ઇન્જેકશનો, લેબોરેટરીના રીપોર્ટસ, સેન્ટ્રલ એસી ની સુવિધા,ખાવાપીવાની સુવિધા, આવા જવા ના રુ.300 અને કિડનીના નિષ્ણાત ડોકટરો દ્વારા તપાસ આ બધું જ મફત આપવામાં આવે છે.
બે વર્ષ પહેલા સરકારે એવો નિયમ દાખલ કર્યો કે, ડાયાલિસિસ ફિલ્ટર સિંગલ ટાઈમ યુઝ કરવા. જેનો ખર્ચ આશરે રુ. 400 જેટલો પ્રાઇવેટ હોસ્પિટલોને વધારે થવા લાગ્યો, જેના માટે પણ ઘણી રજૂઆતો કરી પણ તે બહેરા કાને અથડાઇ પરત આવી. અન્ય રાજયો અને મિનિસ્ટ્રી ઓફ હેલ્થ એન્ડ ફેમિલી વેલ્ફેર ઇન્ડિયાની ડાયાલિસિસ ગાઇડલાઇન પણ આ ફિલ્ટર રી-યુઝ કરવાની સલાહ આપે છે. ગુજરાત સિવાય અન્ય બધી જગ્યાએ આ ફિલ્ટર ફરી વાપરવામાં આવે છે, જે સુરક્ષિત પણ છે અને તે વધતા બાયો મેડિકલ વેસ્ટ નિયંત્રણ માટે પણ સલાહ ભર્યું છે. ગુજરાતમાં ઙખઉંઅઢ અંતર્ગત અપાતા ખર્ચમાં અન્ય રાજયો કરતા ઘણી વિસંગતતા પ્રવર્તે છે.
રાજસ્થાન, છત્તીસગઢ, તથા અન્ય રાજ્યો માં ઙખઉંઅઢ ડાયાલિસિસ ના દર રુ.2100 છે. તેમજ ઙખઉંઅઢ માટે ની ગઇંઅ (નેશનલ હેલ્થ ઓથોરીટી) ની ગાઇડલાઇનમાં પણ ડાયાલિસિસ ચાર્જ રુ.2200 (1500 + 700 ઊઙઘ ઈન્જેકશન) ની જોગવાઈ છે. જેમાં આવવા-જવાના ભથ્થા (રુ.300) પણ નથી અપાતું આને ડાયલાઈઝર (ફિલ્ટર) પણ રિયુઝ કરવામાં આવે છે, તો આ તમામ તબીબોનો પ્રશ્ર્ન છે તો પછી ગુજરાત રાજ્યમાં જ આવી અસમાનતા અને વિસંગતતા કેમ છે? આ પરિસ્થિતિ માટે સરકાર જવાબદાર ગણાશે. રાજકોટ નેફ્રોલોજી એસોસીએશન ચેપ્ટરના ડો. સંજય પંડયા, ડો. દિવ્યેશ વિરોજા, ડો. પ્રફુલ ગજ્જર, ડો. મયુર મકાસણા, ડો. ડેનિશ સાવલીયા, ડો. તુષાર ગાંધી ડો. મયુર કપુરીયા, ડો. મહિપાલ ખંડેવાલ અને ડો. પ્રિતેશ શાહે વિગતો જણાવી હતી.V

આરોગ્ય મંત્રીને રજૂઆત કરી છતાં કોઈ ફેરફાર નથી કરાયા
ગુજરાત નેફ્રોલોજી એસોસિયેશન અને હોસ્પિટલ રીપ્રેઝન્ટેટિવ દ્વારા ગુજરાતના આરોગ્ય મંત્રી ઋષિકેશભાઇ પટેલ તેમજ PMJAY ના અધિકારીઓને રજૂઆતો કરવામાં આવી હતી. આરોગ્ય મંત્રી તાકીદે નિવારણ કરવાનું આશ્વાસન પણ આપેલું. દુ:ખ સાથે કહેવું પડે છે કે વારંવાર PMJAY અધિકારીઓને રજૂઆત કરવા છતાં કોઈ જ ફેરફાર કરવામાં આવેલ નથી.