કાલે CM પટેલ રાજકોટમાં

સવારે 10:30 વાગે એરપોર્ટથી ડી.એચ. કોલેજ સુધી મુખ્યમંત્રીનો રોડ શૉ

4 કલાક સુધી શહેરના હાર્દ સમા રેસકોર્સથી યાજ્ઞિક રોડ સુધીના તમામ રસ્તા બંધ કરાવાશે
મુખ્યમંત્રી સુપરસ્પ્રેડર બનશે તો જવાબદાર કોણ ? એવો કૉંગ્રેસ દ્વારા આક્ષેપ કરવામાં આવ્યો

એરપોર્ટથી ધર્મેન્દ્ર કોલેજના રૂટ પર પુષ્પવર્ષાથી સ્વાગત કરાશે : દેશભક્તિના ગીતો ગુજશે: ડી. જે. આકર્ષક ફલોટ અને હોર્ડિંગ્સથી શણગાર : શહેર ભા.જ.પ. દ્વારા તડામાર તૈયારી

ખાસ-ખબર સંવાદદાતા
રાજયના મુખ્યમંત્રી ભુપેન્દ્રભાઈ પટેલ આગામી તા.31 ડીસેમ્બરના રોજ સુશાસન પર્વના રાજય કક્ષાના સમાપન સમારોહમાં મુખ્યમંત્રી બન્યા બાદ પ્રથમ વખત રાજકોટ ખાતે આવી રહ્યા છે ત્યારે ભારતીય જનતા પાર્ટી, દ્વારા મુખ્યમંત્રીનું ભવ્ય સત્કાર કરવા રોડ-શો સુધીના વિવિધ કાર્યક્રમોનું આયોજન કરવામાં આવેલ છે. મુખ્યમંત્રીના સત્કાર કાર્યક્રમોના આયોજન માટે શહેર ભાજપ પ્રમુખ કમલેશ મિરાણી, મહામંત્રી જીતુ કોઠારી, કિશોર રાઠોડ, નરેન્દ્રસિંહ ઠાકુરના માર્ગદર્શન હેઠળ વિવિધ કમિટીની રચના કરવામાં આવી હતી. રાજયના મુખ્યમંત્રી ભુપેન્દ્રભાઈ પટેલનું રાજકોટ મહાનગર ખાતે ભવ્યાતિભવ્ય સન્માન અને રોડ-શો કાર્યક્રમ એરપોર્ટથી ધર્મેન્દ્ર કોલેજ સુધીના રૂટ પર મુખ્યમંત્રીનું પુષ્પવર્ષા અને ફુલોની પાંખડીથી સ્વાગત કરાશે તેમજ સમગ્ર રૂટ ઉપર દેશભક્તિના ગીતો, ડી.જે., બેન્ડની સુરાવલિઓ, આકર્ષક ફલોટ, હોડીંગ્સ, પાર્ટીના ઝંડા-ઝંડીથી શણગારવામાં આવશે. આ કાર્યક્રમમાંં સમગ્ર રૂટ ઉપર શહેર ભાજપના વિવિધ સેલના આગેવાનો, વિવિધ મોરચાના હોેદારો-કાર્યર્ક્તાઓ તેમજ વિવિધ સમાજના શ્રેષ્ઠીઓ, સામાજીક-સ્વૈચ્છિક સંસ્થાના હોેદારો-પ્રતિનિધિઓ બહોળી સંખ્યામાં ઉપસ્થિત રહીને મુખ્યમંત્રીનું સન્માન કરશે.

Contents

સવારે 10:30 વાગે એરપોર્ટથી ડી.એચ. કોલેજ સુધી મુખ્યમંત્રીનો રોડ શૉ 4 કલાક સુધી શહેરના હાર્દ સમા રેસકોર્સથી યાજ્ઞિક રોડ સુધીના તમામ રસ્તા બંધ કરાવાશે મુખ્યમંત્રી સુપરસ્પ્રેડર બનશે તો જવાબદાર કોણ ? એવો કૉંગ્રેસ દ્વારા આક્ષેપ કરવામાં આવ્યો એરપોર્ટથી ધર્મેન્દ્ર કોલેજના રૂટ પર પુષ્પવર્ષાથી સ્વાગત કરાશે : દેશભક્તિના ગીતો ગુજશે: ડી. જે. આકર્ષક ફલોટ અને હોર્ડિંગ્સથી શણગાર : શહેર ભા.જ.પ. દ્વારા તડામાર તૈયારી