કોઈપણ સ્થળે દુર્ઘટનામાં AIIMSની મોબાઈલ હોસ્પિટલ તુરંત પહોંચશે, AIIMSમાં 4 ઓપરેશન થિયેટરની સુવિધા
ખાસ-ખબર સંવાદદાતા
ગુજરાતની પ્રથમ AIIMS રાજકોટમાં જામનગર હાઇવે પર પરાપીપળિયા ગામ ખાતે 1200 કરોડથી વધુના ખર્ચે આકાર લઈ રહી છે. જેમાં બે વર્ષથી કાર્યરત OPD સેવા બાદ IPD સેવા પણ આગામી 26 ફેબ્રુઆરીથી શરૂ કરી દેવામાં આવશે. આ માટે 25 ફેબ્રુઆરીના રોજ પ્રધાનમંત્રી નરેન્દ્ર મોદી રાજકોટ આવી 250 બેડની તૈયાર IPDનું લોકાર્પણ કરી રાજકોટ AIIMSના OPD વિભાગને ખુલ્લું મૂકશે. આ સાથે દેશભરમાં કાર્યરત 23 AIIMS પૈકી માત્ર રાજકોટ અને ભુવનેશ્વર એઇમ્સને ક્ધટેનર હોસ્પિટલ પ્રયોગ માટે મંજૂરી આપવામાં આવી છે અને આ માટે જગ્યા પણ નક્કી કરી દેવામાં આવી છે. ઉલ્લેખનીય છે કે, IPD સેવા શરૂ થતાની સાથે જ સૌરાષ્ટ્રભરના દર્દીઓને સારામાં સારી સારવાર મળી રહેશે અને તેમાં 15 જેટલી સ્પેશિયાલિસ્ટ સારવારનો પણ સમાવેશ કરવામાં આવશે. જ્યારે આ પછી નજીકના સમયમાં તબક્કાવાર મલ્ટિસ્પેશિયાલિટી સારવાર સહિત કુલ 23 જેટલી સારવાર ઉપલબ્ધ કરવામાં આવશે.
વડાપ્રધાન નરેન્દ્ર મોદી દ્વારા 31 ડિસેમ્બર 2020ના રોજ વર્ચ્યુલી જોડાઈને રાજકોટ એઇમ્સનું ખાતમુહૂર્ત કરવામાં આવ્યું હતું. રાજકોટ AIIMS ગુજરાતની પ્રથમ એઇમ્સ છે અને તે વડાપ્રધાન નરેન્દ્ર મોદીનો ડ્રિમ પ્રોજેક્ટ માનવામાં આવે છે. છેલ્લા બે વર્ષથી રાજકોટ AIIMSમાં ઘઙઉ સેવા કાર્યરત છે અને હવે IPD સેવા પણ ટૂંક સમયમાં નજીકના દિવસોમાં શરૂ થવા જઇ રહી છે. આગામી 25 તારીખના રોજ પ્રધાનમંત્રી નરેન્દ્ર મોદી દ્વારકાથી સીધા રાજકોટ AIIMS ખાતે તૈયાર હેલિપેડમાં ઉતરશે અને તેઓ પોતાના ડ્રિમ પ્રોજેક્ટનું લોકાર્પણ કરશે. અહીંયા આવી તેઓ રાજકોટ AIIMSના અલગ અલગ વિભાગની મુલાકાત પણ લેશે. રાજકોટ AIIMSમાં હાલ કુલ બે બિલ્ડિંગ સંપૂર્ણ તૈયાર છે અને બિલ્ડિંગ અ ખાતે ઇમર્જન્સી અને ટ્રોમા સેન્ટર રાખવામાં આવ્યા છે. અહીંયાં પ્રથમ ગ્રાઉન્ડ ફ્લોરમાં ઇમર્જન્સી વિભાગ આવેલો છે જેમાં રેડ, ગ્રીન, અને યલો એમ ત્રણ ઝોન રાખવામાં આવ્યા છે. ઈમર્જન્સીમાં આવતા દર્દીઓ પૈકી સૌથી ક્રિટિકલ કન્ડિશનમાં કોઈ દર્દી આવે તો તેને રેડ ઝોનમાં સારવાર આપવામાં આવશે. તેના કરતાં ઓછી ક્રિટિકલ સ્થિતિ હોય તો તેને યલો ઝોનમાં સારવાર આપવામાં આવશે. અને તેનાથી ઓછી એટલે કે કોઈ દર્દી ચાલીને સારવાર કરાવવા આવી શકે એમ હોય તો તેને ગ્રીન ઝોનમાં સારવાર આપવામાં આવશે. તેનાથી આગળ ઈંઈઞ રૂમ છે જેમાં કુલ 25 બેડની સુવિધા રાખવામાં આવી છે.
