બાળકોથી લઈ મોટેરાઓએ લીંબુ-ચમચી, કોથળા દોડ સહિતની રમતોની મજા માણી
રાજકોટ મ્યુનિસિપલ કોર્પોરેશન અને મિશન સ્માર્ટ સીટી ટ્રસ્ટ ચિત્રનગરી દ્વારા ત્રણ વર્ષ બાદ આજથી ફરીવાર ફનસ્ટ્રીટનો પ્રારંભ કરવામાં આવ્યો હતો. જે અંતર્ગત રાજકોટ શહેરના રેસકોર્સ ખાતે બાળકોથી લઈ મોટેરા સુધીના અંદાજે ત્રણેક હજાર લોકોએ લીંબુ ચમચી, કોથળા દોડ સહિતની જૂની વિસરાયેલી 40 જેટલી રમતોની મજા માણી હતી. આ તકે સૌકોઈમાં ભારે ઉત્સાહનો માહોલ જોવા મળ્યો હતો.
- Advertisement -
પ્રાપ્ત વિગત મુજબ ચિત્રનગરી દ્વારા ત્રણેક વર્ષ પહેલાં દર રવિવારે ફનસ્ટ્રીટનું આયોજન કરવામાં આવતું હતું. જેમાં હજારો લોકો ભાગ લેતા હતા. જોકે કોરોનાકાળ દરમિયાન ફનસ્ટ્રીટ વર્ષ-2020 બાદ ફનસ્ટ્રીટ બંધ કરાઇ હતી. ત્યારબાદ આજે પ્રથમ વખત ફનસ્ટ્રીટનું આયોજન થતા શહેરીજનોમાં ભારે ઉત્સાહનો માહોલ જોવા મળ્યો હતો અને નાના બાળકો, યુવાનો તેમજ વૃદ્ધો પણ ફનસ્ટ્રીટમાં જૂની વિસરાઈ ગયેલી રમતો રમવા ઉમટી પડ્યા હતા.