જૂનાગઢ મહાનગરપાલિકાનાં આહીર સમાજનાં કોર્પોરેટરનું સન્માન કરાયું

જૂનાગઢ જિલ્લા આહીર યુવક મંડળ દ્વારા આયોજન

ખાસ-ખબર સંવાદદાતા

જૂનાગઢ જિલ્લા આહીર યુવક મંડળ દ્વારા જ્ઞાતિ રત્ન સન્માન સમારોહ યોજાયો હતો. જેમાં જૂનાગઢ મનપાનાં આહીર સમાજનાં કોર્પોરેટરનું સન્માન કરવામાં આવ્યું હતું.

જૂનાગઢ જિલ્લામાં આહીર સમાજ દ્વારા જુદા જુદા કાર્યક્રમનું આયોજન કરવામાં આવે છે. ત્યારે જૂનાગઢ જિલ્લા આહીર યુવક મંડળ દ્વારા જ્ઞાતિ રત્ન સન્માન સમારોહનું આયોજન કરવામાં આવ્યું હતું. આ કાર્યક્રમ ભવનાથમાં આવેલા મંગનાથબાપુની જગ્યામાં યોજાયો હતો.આ કાર્યક્રમમાં મોટી સંખ્યામાં જ્ઞાતિનાં આગેવાનો હાજર રહ્યાં હતાં. આ કાર્યક્રમમાં ચૂંટાયેલા જનતાનાં પ્રતિનિધીઓનું સન્માન કરવામાં આવ્યું હતું. જેમાં જૂનાગઢ મહાનગર પાલીકાની ચૂંટણીમાં ચૂટાયેલા આહીર સમાજનાં કોર્પોરેટર કીરીટભાઇ (મુનાભાઇ) ભીંભા, ધરમણભાઇ ડાંગરનું સન્માન કરવામાં આવ્યું હતું. જોકે આ કાર્યક્રમમાં મનપાનાં કોર્પોરેટર કીરીટભાઇ (મુનાભાઇ) ભીંભાનું ખડિયા અને વધાવી ગામનાં આહીર સમાજનાં આગેવાનો દ્વારા વિશિષ્ટ સન્માન કરવામાં આવ્યું હતું.