રાજકોટના માધવરાવ સિંધિયા ગ્રાઉન્ડ પર ‘ખાસ-ખબર’ કપમાં ખેલાયો હાઈ-વોલ્ટેજ ડ્રામા
રિબડાના ઓનર શક્તિસિંહ જાડેજા દ્વારા અનિકેત ભોઈ માટે ખાસ રોકડ પુરસ્કારની જાહેરાત કરી હતી
- Advertisement -
જિમ્મી દરબારની વિસ્ફોટક બેટિંગ: ક્વાર્ટર ફાઇનલમાં ડીસી બાલાજીને હરાવી રિબડાએ જીત મેળવી
ખાસ-ખબર ન્યૂઝ રાજકોટ
રાજકોટના આંગણે ખાસ ખબર ન્યૂઝ પેપર દ્વારા આયોજીત ’ખાસ ખબર કપ 2026’ રાત્રિપ્રકાશ ટેનિસ ક્રિકેટ ટુર્નામેન્ટ હવે તેના નિર્ણાયક અને રોમાંચક તબક્કે પહોંચી ગઈ છે. માધવરાવ સિંધિયા ઇન્ટરનેશનલ ક્રિકેટ ગ્રાઉન્ડ પર રમાયેલા 13મા દિવસે રમત પ્રેમીઓને ચોગ્ગા-છગ્ગાની હેલી જોવા મળી હતી. દિવસના સૌથી મહત્વના પ્રથમ ક્વાર્ટર ફાઇનલ મુકાબલામાં આર.આર. રિબડાએ ડીસી બાલાજી જેવી મજબૂત ટીમને હરાવીને સેમીફાઇનલમાં પહોંચનારી પ્રથમ ટીમનું બહુમાન મેળવ્યું હતું. ડીસી બાલાજીએ પ્રથમ બેટિંગ કરતા સિકંદર ભટ્ટી અને કૃષ્ણા પવારના પાવર-પેક પરફોર્મન્સની મદદથી 106 રન બનાવ્યા હતા, પરંતુ આર.આર. રિબડાના જિમી દરબારે તોફાની બેટિંગ કરી મેચને પોતાની તરફ ખેંચી લીધી હતી. ટુર્નામેન્ટમાં અન્ય પ્રી-ક્વાર્ટર મુકાબલા પણ એટલા જ રસાકસીભર્યા રહ્યા હતા. છ9 એ દર્શન-11 ને પરાસ્ત કરીને આગલા રાઉન્ડમાં પ્રવેશ કર્યો હતો, જ્યારે ડીસી બાલાજીએ શ્રી મુરલીધર ઇલેવન સામે 157 રનનો જંગી સ્કોર ખડકીને ક્વાર્ટર ફાઇનલમાં એન્ટ્રી કરી હતી.
- Advertisement -
મહેમાનોએ ખેલાડીઓને ઈનામ વિતરણ કરી પ્રોત્સાહિત કર્યા
ટુર્નામેન્ટમાં દરેક પ્લેયર ઓફ ધ મેચને ખાસ ખબર, ઉમિયા મોબાઇલ, VNS પરફ્યુમ, આઇ.કે.સિલેકશન, એપ્ટસ ફાર્મા અને જાફર ટી તરફથી આકર્ષક ઇનામો આપવામાં આવ્યા
ટુર્નામેન્ટમાં હાજર મહાનુભાવોએ દરેક ખેલાડીઓની પ્રશંસા કરી
ટુર્નામેન્ટમાં ખેલાડીઓનો ઉત્સાહ વધારવા માટે રાજકીય અને સામાજિક ક્ષેત્રના અનેક મહાનુભાવો હાજર રહ્યા હતા. જેમાં સંજયસિંહ પરમાર, ચંદુભા જાડેજા, એજાજ મુલતાની (ઇમજુ રેડ ચીલી પાઉડર), અજયસિંહ જાડેજા, વિજયસિંહ જાડેજા, પરેશભાઈ ચગ (નવરંગ એકેડમી અને અકિલા પરિવાર), પ્રતિપાલસિંહ ગોહિલ, યુવરાજસિંહ જાડેજા, પુષ્પરાજસિંહ જાડેજા (માખાવાડ), રઘુભા વાઘેલા, નિકુંજભાઈ પટેલ, યોગીભાઈ ડોડીયા, મનીષભાઇ અગ્રાવત, દેસરાજ ચૌહાણ, ધર્મેન્દ્રસિંહ વાઘેલા, ઓમદિપસિંહ ગોહિલ અને ક્ષત્રિય અગ્રણી હકુભા ખાસ ઉપસ્થિત રહ્યા હતા. તેમજ સ્ટાર ખેલાડીઓને ઇનામો આપી સન્માનીત કર્યા હતા.‘ખાસ ખબર’ના ખઉ પરેશભાઈ ડોડિયા અને તેમની ટીમ રાજુ કીકાણી, રાજભા પરમાર, દિપકભાઈ સાપરીયા, લખનભાઈ સોમૈયા (ક.ઊં.સ્ટાર), રજની પટેલ (ડાયરેક્ટર ખાસ ખબર), સંજયસિંહ પરમાર, સમીર દોશી, ધર્મેશ જોશી, (ડાયરેક્ટર ખાસ ખબર), દિપક ચંદારાણા દ્વારા આ સમગ્ર ટુર્નામેન્ટનું આયોજન કરવામાં આવ્યુ છે. તેમજ સર્વેશ્વર ચેરીટેબલ ટ્રસ્ટના દિલિપસિંહ જાડેજા, રામદેવસિંહ જાડેજા, ચેતનસિંહ ખવડ, જતીન માનસતા, જીણુભા, વિજય ગોહેલ, ગુલાબસિંહ જાડેજા, વલ્લભભાઇ સોરાણી, કુમારભાઇ ચૌહાણ, હિતેષભાઇ મહેતા, અમીનભાઇ રાજ્યગુરુ, કલપેશભાઇ દસાડીયા, શૈલેષભાઇ પરમાર, રાજેશભાઇ મજેઠીયા, પરીદીતસિંહ જાડેજા, અશોકભાઇ સૌમેયા, પુષ્પરાજસિંહ જાડેજા, સુધીરસિંહ જાડેજા, અતુલભાઇ કોઠારી, મનીષભાઇ તન્ના અને હિતેષભાઇ કારીયા સહિતના સભ્યો આ ટુર્નામેન્ટને સફળ બનાવવા જહેમત ઉઠાવી રહ્યા છે.
ખેલાડીઓના ઐતિહાસિક પરર્ફોમન્સથી પ્રેક્ષકો મંત્રમુગ્ધ, સ્ટેડિયમ રોમાંચથી ગૂંજી ઉઠ્યું
13મા દિવસના ચાર મેચના પરિણામ
RAR રિબડા Vs ડીસી બાલાજી
પ્રથમ ક્વાર્ટર ફાઇનલમાં ડીસી બાલાજીએ ટોસ હારીને પ્રથમ બેટિંગ કરતા 10 ઓવરમાં 106 રન બનાવ્યા હતા. ટીમ વતી કૃષ્ણા પવારે 32 રન અને સિકંદર ભટ્ટીએ આક્રમક રમત દાખવી હતી. જવાબમાં આર. આર. રિબડા તરફથી જિમી દરબારે વિસ્ફોટક ઇનિંગ રમીને ટીમને વિજયના દ્વાર સુધી પહોંચાડી હતી. જિમી દરબારને ’પ્લેયર ઓફ ધ મેચ’ જાહેર કરાયા હતા. રિબડાના ઓનર શક્તિસિંહ જાડેજા દ્વારા અનિકેત ભોઈ માટે ખાસ રોકડ પુરસ્કારની જાહેરાત કરવામાં આવી હતી.
R9 Vs દર્શન-XI
પ્રી-ક્વાર્ટર મેચમાં દર્શન-XIએ પ્રથમ બેટિંગ કરતા સાગર રાજપૂતના શાનદાર 54 રન (અડધી સદી) ની મદદથી 98 રન બનાવ્યા હતા. લક્ષ્યાંકનો પીછો કરવા ઉતરેલી R9ની શરૂઆત સારી રહી હતી. જયપાલસિંહ વાઘેલા (JD)એ 36 રન અને ધારદાર બોલિંગની મદદથી ટીમને રોમાંચક જીત અપાવી હતી. જયપાલસિંહને ’મેન ઓફ ધ મેચ’ એવોર્ડથી નવાજવામાં આવ્યા હતા.
ડીસી બાલાજી Vs શ્રીમુરલીધર XI
ડીસી બાલાજીએ પ્રથમ બેટિંગ કરતા નિર્ધારિત 10 ઓવરમાં 157 રનનો વિશાળ સ્કોર બનાવ્યો હતો. સિકંદર ભટ્ટીએ મેદાનની ચારેય બાજુ ફટકાબાજી કરી અડધી સદી ફટકારી હતી. જવાબમાં શ્રી મુરલીધર ઇલેવનના સુમિત સરવૈયાએ લડાયક બેટિંગ કરી હોવા છતાં ટીમ 34 રનથી હારી ગઈ હતી. સિકંદર ભટ્ટીને તેમની આક્રમક બેટિંગ માટે ’પ્લેયર ઓફ ધ મેચ’ અપાયો હતો.
RAR રિબડા Vs સનશાઈન સુરેન્દ્રનગર
સનશાઈન સુરેન્દ્રનગરની ટીમ પ્રથમ બેટિંગ કરતા માત્ર 56 રનમાં સમેટાઈ ગઈ હતી. આર.આર. રિબડાના બોલરોએ શિસ્તબદ્ધ બોલિંગ કરી વિરોધી ટીમને રન બનાવવા દીધા ન હતા. રિબડાએ આ લક્ષ્યાંક ખૂબ જ સરળતાથી પાર પાડીને પ્રી-ક્વાર્ટરમાં જીત મેળવી હતી.
