સહિયર ક્લબમાં ખેલૈયાઓનો મહાસાગર! : ‘હાઉસફુલ’ સહિયરમાં ડાકલા, ટીમળી, ગરબી અને છકડા પેટર્નના રાસે જમાવ્યો રંગ

મોરબીના ધારાસભ્ય કાંતિભાઈ અમૃતિયાએ કરી આદ્યશક્તિની આરતી, માલધારી ગ્રુપ બન્યું બેસ્ટ ગ્રુપ

શનિવારે ‘સફેદ પરી’ થીમ રાખવામાં આવી છે. આ થીમ અંતર્ગત ખેલૈયાઓ વિશેષ વેશભૂષામાં ગરબાની રમઝટ બોલાવશે.

નવરાત્રીના પાવન પર્વ દરમિયાન રાજકોટમાં યોજાઈ રહેલા સહિયર ક્લબના રાસોત્સવમાં ખેલૈયાઓનો ભારે ઉત્સાહ જોવા મળી રહ્યો છે. નવલા નોરતાની પાંચમી રઢિયાળી રાત્રે સહિયર ક્લબ ખેલૈયાઓથી છલોછલ ભરાઈ ગયું હતું. ભાતીગળ ગરબા, પરંપરાગત રાસની વિવિધ શૈલીઓ, જાણીતા ગાયકોના સુમધુર કંઠ અને સુવ્યવસ્થિત આયોજનના સંગમથી સહિયર મહોત્સવ ખેલૈયાઓ તેમજ મહેમાનો માટે આકર્ષણનું કેન્દ્ર બન્યો હતો. સહિયર ક્લબમાં ઉમટી પડેલી જનમેદની વચ્ચે આયોજકોની મહેનત રંગ લાવતી જોવા મળી હતી. સહિયર ક્લબના મેદાનમાં હૈયે હૈયું દળાય તેવી ભીડ વચ્ચે ખેલૈયાઓએ વિવિધ પરંપરાગત રાસની શૈલીઓમાં મન મૂકીને ગરબા રમ્યા હતા. ડાકલા, ટીમળી, ગરબી અને છકડા પેટર્નના રાસે ખાસ આકર્ષણ જમાવ્યું હતું. પરંપરાગત લોકસંસ્કૃતિની ઝલક સાથે ખેલૈયાઓના ઉત્સાહે સમગ્ર વાતાવરણને ગરબામય બનાવી દીધું હતું. સમગ્ર મંચ પર શબ્દ સંચાલન તેમજ સંગીત સંચાલનની જવાબદારી ‘જીલ એન્ટરટેઈનમેન્ટ’ દ્વારા સંભાળવામાં આવી રહી છે.

સહિયર ક્લબના પ્રેસિડેન્ટ સુરેન્દ્રસિંહ વાળા, ક્રિષ્નાપાલસિંહ વાળા, ચંદુભા પરમાર, કૃષ્ણરાજસિંહ જાડેજા, યશપાલસિંહ જાડેજા, વિજયસિંહ જાડેજા, જયદીપ રેણુકા, પ્રકાશભાઈ કણસાગરા, સમ્રાટભાઈ ઉદ્દેશી તથા ધૈર્ય પારેખ સહિતના આયોજકોના આમંત્રણને માન આપીને મોરબીના ધારાસભ્ય કાંતિભાઈ અમૃતિયા ખાસ ઉપસ્થિત રહ્યા હતા. તેમની ઉપસ્થિતિમાં આદ્યશક્તિની આરતી કરવામાં આવી હતી. સહિયર ક્લબના આયોજનને બિરદાવવા યુવા સાંસદ અને રાજવી કેશરિદેવસિંહ જાડેજા, ધારાસભ્ય ડો. દર્શિતાબેન શાહ, શહેર ભાજપ પ્રમુખ ડો. માધવભાઈ દવે, પૂર્વ મંત્રી ગોવિંદભાઈ પટેલ, ગોંડલના યુવા આગેવાન જ્યોતિરાદિત્યસિંહ જાડેજા (ગણેશભાઈ, ગોંડલ), શહેર મહામંત્રી વલ્લભભાઈ દુધાત્રા, યોગેન્દ્રસિંહ જાડેજા, લલિતભાઈ વાડોલીયા, પૂર્વ પ્રમુખ મુકેશભાઈ દોશી, પૂર્વ ઉપપ્રમુખ રાજદીપસિંહ જાડેજા (વાવડી), યુવા મોરચાના જયકિશનસિંહ ઝાલા, તીર્થરાજસિંહ ગોહિલ, પી.એસ.આઈ. વનરાજસિંહ ગેડિયા, સમીરભાઈ કોટડિયા, માર્કેટ યાર્ડના ઉપપ્રમુખ ધર્મેન્દ્રસિંહ જાડેજા (ગોંડલ), અરજણભાઈ કેશવાલા, પૂર્વ ડેપ્યુટી મેયર નરેન્દ્રસિંહ જાડેજા અને પૂર્વ દંડક મનીષભાઈ રાડિયા સહિતના મહાનુભાવો ઉપસ્થિત રહ્યા હતા. સહિયર ક્લબના પ્રેસિડેન્ટ સુરેન્દ્રસિંહ વાળા દ્વારા વિડા (હીરો) ઈવુટરના પ્રતિનિધિઓ અશોકભાઈ પટેલ, રોહિત શર્મા અને ચિંતન દવે તેમજ દિલ્હીથી ઉપસ્થિત બેઈ પ્રોડક્શનના ફાઉન્ડર કરન મદનજીનું ભાતીગળ ઉપવસ્ત્ર અર્પણ કરીને સન્માન કરવામાં આવ્યું હતું. મહોત્સવમાં મહેમાનોની ઉપસ્થિતિએ કાર્યક્રમની શોભામાં વધારો કર્યો હતો.

વિજેતાઓને મહાનુભાવોના હસ્તે ઈનામો અપાયાં
ગરબા મહોત્સવ દરમિયાન વિવિધ સ્પર્ધાઓમાં વિજેતા બનેલા ખેલૈયાઓને મહાનુભાવોના હસ્તે ઈનામો અર્પણ કરવામાં આવ્યાં હતાં. આ પ્રસંગે ગરબા કિંગ ગાયક રાહુલ મહેતા, કૃષ્ણસિંહ જાડેજા, પિયુષભાઈ રૈયાણી, પ્રકાશભાઈ કણસાગરા, નરેન્દ્રસિંહ જાડેજા, દિવ્યરાજસિંહ જાડેજા, રવિભાઈ આડેસરા, ભરત વ્યાસ, કોર્પોરેટર ધૈર્યભાઈ પારેખ, ખુશ્બુબેન, જયભાઈ પારેખ, નિરાલીબેન, રવિરાજસિંહ ચુડાસમા, જયભાઈ શુકલ, ઋતુરાજસિંહ જાડેજા, હરદિપસિંહ જાડેજા, મોનજભાઈ ચાવડા અને ધવલભાઈ ચતવાણી સહિતના મહાનુભાવોના હસ્તે વિજેતાઓને પુરસ્કાર આપવામાં આવ્યા હતા. આ ઉપરાંત, બેસ્ટ ગ્રુપનો એવોર્ડ માલધારી ગ્રુપને એનાયત કરવામાં આવ્યો હતો. ક્રિષ્નાપાલસિંહ વાળાના હસ્તે માલધારી ગ્રુપને પ્રાઈઝ અર્પણ કરવામાં આવ્યું હતું. એવોર્ડ વિતરણથી ખેલૈયાઓમાં ઉત્સાહ જોવા મળ્યો હતો.