ટ્રાયલ કોર્ટના બે-બે વર્ષની સજા અને રૂ. 2,88,00,000ના દંડના હુકમ યથાવત રાખ્યો
નિખીલ પુજારાની બંને અપીલો સેશન્સ અદાલતે રદ કરી
હાઈકોર્ટના હુકમ સામે નિખિલ પુજારાએ કરેલી સ્પેશ્યલ લીવ ટુ અપીલ સુપ્રિમ કોર્ટે ફગાવી દીધી હતી
ચેકની રકમના 40% રકમ જમા કરાવવાનો હાઈકોર્ટનો હુકમ મોડીફાય કરવા કરેલી અરજીમાં હુકમ થાય તે પહેલા પરત ખેંચી
- Advertisement -
ખાસ-ખબર ન્યૂઝ રાજકોટ, તા.16
ટ્રાયલ કોર્ટ સમક્ષ ચાલુ ટ્રાયલ દરમ્યાન આરોપી તરફેથી કુલ 12 રીવીઝન અરજીઓ કરવામાં આવી હતી જે નામદાર હાઈકોર્ટ સુધી સૌરાષ્ટ્રના ચર્ચાસ્પદ 1 કરોડ 44 લાખના ચેક રીર્ટન કેસમાં આરોપી નીખીલ પુજારાને 4 વર્ષની કેદ સાથે ચેકની રકમનો ડબલ 2 કરોડ 88 લાખનો દંડ ફટકારવામાં આવ્યો હતો. આ હુકમો સામે નિખીલ દયાળજી પુજારાએ રાજકોટની સેશન્સ અદાલતમાં દાખલ કરેલી બંને અપીલો ચાલી જતા નામદાર સેશન્સ અદાલતે ટ્રાયલ કોર્ટના હુકમો કાયમ રાખી બંને અપીલો નામંજુર કરી હતી અને તે બંને હુકમો નામદાર હાઈકોર્ટમાં પડકારવામાં આવતા હાઈકોર્ટે અગાઉ ચેકની રકમના 25% રકમ નિખિલ પુજારાએ જમા કરાવી હતી તે ઉપરાંત 40% રકમ જમા કરાવવા કરેલી હાઈકોર્ટના હુકમો નિખિલ પુજારાએ સુપ્રિમ કોર્ટમાં પડકારતા નિખિલ પુજારાની સ્પેશ્યલ લીવ ટુ અપીલ(ક્રિમીનલ) સુપ્રિમ કોર્ટે નામંજુર કરતો હુકમ ફરમાવ્યો હતો ત્યારબાદ હાઈકોર્ટના 40% રકમ જમા કરાવવાના હુકમમાં મોડીફાય કરી આપવા નિખિલ પુજારાએ કરેલી અરજીમાં ઓર્ડર થાય તે પહેલા જ પીટીશન પરત ખેંચી લીધી છે.
કેસની હકીકત જોઈએ તો, બેન્કે એકવાયર કરેલી પ્રોપર્ટી સાડા સોળ કરોડમાં અપાવી દેવા વિશ્વાસમાં લઈ રૂપિયા દોઢ કરોડ ફરીયાદી પાસેથી મેળવી હતી. તેમજ વીસ દિવસમાં કામ પૂર્ણ કરવા વચન આપ્યુ હતુ પરંતુ કામ પૂર્ણ ન કરતા રકમની ઉઘરાણી કરતા લક્ષ્મીવિલાસ બેન્કનો બનાવટી લેટર આપ્યો હતો અને લેણી રકમ ચુકવવા ચેકો આપી ફરીયાદી પાસેથી બેન્ક સાથે વ્યવહાર કરવા લીધેલા કોરા સહી સિકકાવાળા લેટરપેડમાં રકમ ચુકવાઈ ગયેલનું ફોર્જ લખાણ કર્યું હતુ. ત્યારે ફોર્જરી આચર્યા સબંધેની રાજકોટ બી-ડીવીઝન પોલીસ સ્ટેશનમાં પેડક રોડ ઉપરના રહેવાસી ભરતભાઈ નાગજીભાઈ તળાવિયાએ સિધ્ધાર્થ ઓટો જંકશનના માલીક નિખિલ દયાળજી પુજારા તથા અભિષેક ઉર્ફે આનંદ નિખિલ પુજારા વિરૂધ્ધ ફરીયાદ નોંધાવી હતી અને આરોપી નિખિલ પુજારાએ ફરીયાદી પાસેથી લીધેલી રકમ પરત ચુકવવા આપેલ બોંતેર-બોંતેર લાખના બે ચેકો પણ રીટર્ન થતા તે સબંધે ફરીયાદી ભરત તળાવીયાએ આરોપી નિખિલ પુજારા વિરૂધ્ધ બંને ચેકો રીટર્ન સબંધે બે ફરીયાદો દાખલ કરી હતી, જે કેસો ચાલી જતા ટ્રાયલ કોર્ટે બંને કેસોમાં આરોપીને બે-બે વર્ષની સજા અને ચેકની રકમનો ડબલ દંડ ફરમાવતો ઐતિહાસિક ચુકાદો સૌ પ્રથમ રાજકોટની ટ્રાયલ કોર્ટ દ્વારા આપવામાં આવ્યો હતો. જે બંને હુકમો અપીલોના માધ્યમથી રાજકોટની સેશન્સ અદાલતમાં પડકારવામાં આવતા અપીલો ચાલી જતા ટ્રાયલ કોર્ટના હુકમો કાયમ રાખી નિખિલ પુજારાની અપીલો રદ કરવામાં આવી હતી અને જે સેશન્સ અદાલતના બંને હુકમોને નિખિલ પુજારાએ નામદાર હાઈકોર્ટમાં પડકાર્યા હતા. જેમા નિખિલ પુજારાએ અગાઉ ચેકની રકમના 25% રકમ જમા કરાવ્યા ઉપરાંત વધુ 40% રકમ જમા કરાવવા અને તે ફરીયાદીને આપવા હાઈકોર્ટે ફરમાવેલો હુકમો નિખિલ પુજારાએ સુપ્રિમ કોર્ટમાં પડકાર્યો હતો તે પણ નામંજુર થતા ચેકની રકમના 40% રકમ જમા કરાવવાના હાઈકોર્ટના હુકમમાં ઘટાડો કરવા મોડીફાય કરી આપવા અરજી કરી હતી.
નામદાર હાઈકોર્ટ દ્વારા દલીલો પર વિચાર કર્યા પછી નામદાર સુપ્રિમ કોર્ટમાં પડકારવામાં આવેલી નામદાર હાઈકોર્ટનો હુકમ યથાવત રાખી આરોપીની સ્પેશ્યલ લીવ ટુ અપીલ રીજેક્ટ કર્યાની હકીકતો આરોપીએ સપ્રેશ કરેલ હોય તેવી ફરીયાદીના એડવોકેટ દ્વારા કરવામાં આવેલ રજુઆત ધ્યાને લઈ નામદાર હાઈકોર્ટ આરોપીની અરજી હેઠળ કોઈ હુકમ ફરમાવે તે પહેલા જ આરોપીએ બંને અપીલના કામે ચેકની રકમના 40% રકમ જમા કરાવવાના હુકમમાં મોડીફાય કરી રકમ ઘટાડી આપવા કરેલી અરજીઓ પરત ખેંચી લીધી હતી.
ઉપરોક્ત કામમાં ફરીયાદી ભરતભાઈ તળાવીયા વતી રાજકોટના એડવોકેટ સુરેશ ફળદુ, ભુવનેશ શાહી, કૃણાલ શાહી, ચેતન ચોવટીયા, યુવરાજ વેકરીયા, ભાવીન ખુંટ, જસ્મીન દુધાગરા, જય પીઠવા, તથા મદદમા નીરવ દોંગા, આર્યન કોરાટ, જયમલ મકવાણા, રાહીલ ફળદુ તથા હાઈકોર્ટના આશીષ ડગલી રોકાયા હતા.
