સરગમ લેડીઝ કલબ ઉપક્રમે D.H.કોલેજ ગ્રાઉન્ડમાં યોજાશે ગોપી રાસ

સરગમ લેડિઝ કલબનું ધમાકેદાર આયોજન

3 થી 12 ઓક્ટોબર સુધી મોટી સંખ્યામાં બહેનો ઝૂમી ઉઠશે : મુંબઈ અને રાજકોટના સિંગરો ધૂમ મચાવશે

ખાસ-ખબર ન્યૂઝ રાજકોટ

સરગમ લેડિઝ કલબે ફરી આ વખતે ધૂમધમાકા સાથે ગોપી રાસોત્સવના આયોજનની જાહેરાત કરી છે. બહેનોના ગરબા માટે ફેવરિટ એવા યાજ્ઞિક રોડ ઉપર આવેલી ધર્મેન્દ્ર કોલેજ (ડી.એચ.) ના મેદાનમાં દસ દિવસ માટે મોટી સંખ્યામાં બહેનો ઝૂમી ઉઠશે. બધે મોંઘવારીની અસર હોવા છતાં માત્ર ટોકન ફીમાં જ સિઝન પાસ આપવામાં આવશે.

આ અંગે વિશેષ જાહેરાત કરતાં સરગમ લેડીઝ કલબના ડો. ચંદાબેન શાહ, નીલુબેન મહેતા, ડો. માલાબેન કુંડલિયા જણાવ્યુ છે કે, તા. 03/10/24 થી 12/10/24 સુધી ડી.એચ.ના મેદાનમાં સુંદર વ્યવસ્થા વચ્ચે ગોપી રાસોત્સવ યોજાશે. આ વખતે પણ સિઝન પાસ માટે ટોકન ફી રાખવામા આવી છે. સરગમ પરિવારના લેડિઝ સભ્ય હોય તેના માત્ર 10 દિવસના ફક્ત 400/- રૂપિયા અને સભ્ય ન હોય તેવા બહેનોના ફક્ત 10 દિવસના સીઝન પાસના 500/- રૂપિયા ફી રાખવામા આવી છે. આ રાસોત્સવમાં સરગમ કલબના સભ્ય ન હોય તેવા રાજકોટના કોઈ પણ બહેનો 15 વર્ષથી ઉપરના જોડાઈ શકે છે.

તેમણે જણાવ્યુ છે કે, આ ગોપી રાસોત્સવના ફોર્મનું વિતરણ શરૂ થઈ ગયું છે. આ ફોર્મ આમ્રપાલી લાઈબ્રેરી – આમ્રપાલી મેઈન રોડ પોલીસ ચોકી ઉપર, મહિલા કોલેજ લાઈબ્રેરી – મહિલા કોલેજ ચોક પોલીસ ચોકી ઉપર, એવરેસ્ટ લાઈબ્રેરી (શાસ્ત્રી મેદાન પાસે એવરેસ્ટ બિલ્ડીંગ – 101 ), કેનાલ રોડ સેન્ટર – દેના બેંકની બાજુમાં કેનાલ મેઈન રોડ , સરગમ ભવન (જામટાવર રોડ જી.ટી. શેઠ હોસ્પિટલ પાસે) અને સરગમ ક્લબ ઓફીસ જાગનાથ મંદિર ચોક (યાજ્ઞિક રોડ) સરગમ ક્લબ નાગેશ્વર આરોગ્ય સેન્ટર (જૈન નાગેશ્વર દેરાસર મંદિરની બાજુમાં) ખાતેથી મળી શકશે અને ફોર્મ તથા ફી ત્યાં જ જમા કરાવવાના રહેશે. આ રાસોત્સવમાં રોજેરોજ 25 પ્રિન્સેસ અને વેલડ્રેસ ઇનામો આપવામાં આવશે.

ડી.એચ. કોલેજના મેદાનમાં આ રાસોત્સવ માટે સુંદર બેઠક વ્યવસ્થા રાખવામા આવશે અને જડબેસલાક સિક્યુરીટી પણ ગોઠવવામાં આવશે. આ વખતે મન્સુર ત્રિવેદી પ્રસ્તુત મ્યૂઝિકલ મેલોડી કલર્સ ઓરકેસ્ટ્રા ધૂમ મચાવશે. કીબોર્ડમાં તુષાર ગોસાઇ અને રીધમમાં રીલેશ પરમાર આ સંગીત સાથે મુંબઈના સિંગર હેમંત પંડ્યા ઉપરાંત, પ્રિયા જોશી (અમદાવાદ), અને નિલેષ પંડ્યા (રાજકોટ) ડો. પ્રીતી ભટ્ટ (રાજકોટ) એલાઉન્સર દિનેશભાઈ બાલાસરા માતાજીનાં ગરબા રજૂ કરશે.
અત્રે ઉલ્લેખનીય છે કે, માત્ર બહેનો માટે જ યોજાતા ગોપી રાસ બહેનોમાં ઘણા લોકપ્રિય છે અને દર વખતે મોટી સંખ્યામાં બહેનો રમવા માટે આવે છે. આ રાસોત્સવ નિહાળવા માટે મોટી સંખ્યામાં લોકો આવે છે. આ રાસોત્સવ ને સફળ બનાવા સરગમ પરિવારના માર્ગદર્શક અને કર્ણાટકના પૂર્વ રાજ્યપાલ વજુભાઈ વાળા તથા સરગમ ક્લબ પ્રમુખ ગુણવંતભાઈ ડેલવાળા, મૌલેશભાઈ પટેલ, સ્મિતભાઈ પટેલ, પ્રભુદાસભાઈ પારેખ, નાથાભાઈ કાલરીયા, જગદીશભાઈ ડોબરિયા, જીતુભાઈ બેનાણી, ખોડીદાસભાઈ પટેલ, હરેશભાઈ લાખાણી, રાકેશભાઈ પોપટ, ગિરધરભાઈ દોંગા, કિરીટભાઈ આદ્રોજા, જીતુભાઈ ચંદારાણા, સુરેશભાઈ નંદારાણા, યોગેશભાઈ પુજારા, બિપીનભાઈ હદવાણી, મનીષભાઈ માડેકા, એમ.જે. સોલંકી, હરેશભાઈ લાખાણી, રાજદીપસિંહ જાડેજા (રાજાભાઈ વાવડી), શૈલેશભાઈ માંકડિયા, રાજનભાઈ વડાલિયા, રવિભાઈ રાત્રોજા, નિખીલભાઈ પટેલ, નીરજભાઈ આર્ય, હેતલભાઈ રાજ્યગુરુ, શૈલેષભાઈ પાબારી, અશોકભાઈ વૈશ્નાની આ તમામ મહાનુભાવો નો ગોપીરાસ માં સહયોગ મળેલ છે.

ગોપીરાસ રાસોત્સવના ઇનામ માટે અમોને સહયોગ આપનાર દાતાઓ રોજના ઇનામો રાજદીપસિંહ જાડેજા (રાજાભાઈ વાવડી) તરફથી આપવામાં આવશે. બાન લેબ્સ કું. મૌલેશભાઈ પટેલ તરફથી મુખ્ય સહયોગ મળેલ છે. એન્જલ પંપ – કિરીટભાઈ આદ્રોજા દ્રારા કીટ આપવામાં આવશે. ચોકોડેન તરફથી ગીફ્ટ વાઉચર – સંદિપભાઈ, સુધીરભાઈ પંડ્યા વડાલિયા ગ્રુપ – હાઈબોન્ડ સિમેન્ટ તરફથી રોજની ગીફ્ટ આપવામાં આવે છે. ઓપ્શન શો રૂમ શીલાબેન ચાંદરાણી તરફથી ગીફ્ટ ગીરીકિન્દ્રા ફૂડસ કકઙ કંપની તરફથી કીટ, ગોપાલ નમકીન – બીપીનભાઈ હડવાણી તરફથી કીટ આપવામાં આવશે.

સમ્રગ મંડપ ડેકોરેશન પરમાર કિશોર મંડપ સર્વિસવાળા મધુભાઈ પરમાર, લાઈટીગ ડેકોરેશન પરમાર લાઈટીંગવાલા પરાગભાઈ મહેતા, સમ્રગ માઈકની વ્યવસ્થા અંબિકા સાઉન્ડ એન્ડ ડી.જે. (હિમાંશુભાઈ ચાવડા ) ની છે. આપ જે સંગીત પર ધૂમ મચાવી રહ્યા છો એ 50,000 વોટસની સાઉન્ડ ફોર વે સાઉન્ડ સીસ્ટમ રાખેલ છે.
ગોપિરાસમાં અદ્યતન કેન્ટીનની વ્યવસ્થા પ્રવિણભાઈ પટેલ (જેસ-પર કેફે રેસ્ટોરન્ટ એન્ડ પાર્ટી લોન્સ) તેમજ અધ્યત્ન પાર્કીંગ ની વ્યવસ્થા કરેલ છે જેના સ્કૂટરના પાર્કિંગના 20/- અને મોટર પાર્કિંગના 50/- રૂપિયા ચાર્જ રાખેલ છે.

આ રાસોત્સવને સફળ બનાવવા માટે લેડિઝ કલબના ચેરમેન ડો. ચંદાબેન શાહ તથા પ્રમુખ નિલુબેન મહેતા, મંત્રી ડો. માલાબેન કુંડલીયા, જસુમતિબેન વસાણી, અલકાબેન કામદાર, છાયાબેન દવે, ગીતાબેન હીરાણી, ચેતનાબેન સવજાણી, જયશ્રીબેન વ્યાસ, ભાવનાબેન મહેતા, કાશ્મીરાબેન નથવાણી, હેલીબેન ત્રિવેદી, જ્યોતિબેન રાજ્યગુરુ, જયશ્રીબેન સેજપાલ, શીલાબેન ચાંદ્રરાણી, જ્યોતિબેન ટીલાળા, સુધાબેન ભાયા,
ડો. અલ્કાબેન ધામેલિયા, દેવાંશીબેન શેઠ તથા જેનસ ક્લબમાં ભરતભાઈ સોલંકી, રાજેન્દ્રભાઈ શેઠ, જયસુખભાઇ ડાભી, મનમોહનભાઈ પનારા, કનૈયાલાલ જગેરા, સુરેશભાઇ દેત્રોજા, કૌશિકભાઈ વ્યાસ, રમેશભાઈ અકબરી, અનવરભાઈ ઢેબા તેમજ સરગમ લેડીઝ તથા સરગમ જેંટ્સ ક્લબના બને કમીટી મેમ્બરો જહેમત ઉઠાવી રહ્યા છે.