“કલીન ઇન્ડિયા” અભિયાન અનુસંધાને તા.૦૨/૧૦/૨૦૨૧ થી તા.૩૧/૧૦/૨૦૨૧ દરમ્યાન વિવિધ જનસમુદાયને જોડી સ્વચ્છતા ઝુંબેશ યોજાશે

મચ્છરજન્ય રોગ સામે જનજાગૃતિ કેળવવા મેલેરિયા વિભાગ દ્વારા એન્ટી લાર્વા સહિતની વિવિધ કામગીરી

મેયર ડો. પ્રદીપ ડવ, સ્ટેન્ડિંગ કમિટી ચેરમેન પુષ્કરભાઈ પટેલ અને મ્યુનિ. કમિશનર અમિત અરોરા, સેનિટેશન ચેરમેન અશ્વિનભાઈ પાંભર અને આરોગ્ય ચેરમેન ડો. રાજેશ્વરીબેન ડોડીયાની સંયુક્ત જાહેરાત

ભારતના આઝાદીના ૭૫ વર્ષ નિમિતે ભારતના વિકાસ અને સિદ્વિની ઉજવણીના ભાગરૂપે આઝાદી કા અમૃત મહોત્સવ ઉજવવામાં આવી રહ્યો છે. આ ઉજવણીના ભાગરૂપે મિનિસ્ટ્રી ઓફ યુથ એફર્સ અને સ્પોર્ટસ દ્વારા કલીન ઇન્ડિયા અભિયાન અનુસંધાને જનજાગૃતિ અર્થે તા.૦૨/૧૦/૨૦૨૧ થી તા.૩૧/૧૦/૨૦૨૧ સુધી વિવિધ જનસમુદાયોને સાથે રાખી વિવિધ પ્રોગ્રામનું આયોજન કરવામાં આવેલ છે. આ અન્વયે તમામ નાગરીકો સહભાગી થાય, લોકોમાં સ્વચ્છતા અંગેની જાગૃતિ આવે અને સ્વચ્છતાની ટેવો કેળવાય તે માટે  શહેરમાં જુદીજુદી કામગીરીનું આયોજન કરવામાં આવશે તેમ મેયરશ્રી ડો. પ્રદીપ ડવ, સ્ટેન્ડિંગ કમિટી ચેરમેન પુષ્કરભાઇ પટેલ અને મ્યુનિ. કમિશનર અમિત અરોરા અને સેનિટેશન ચેરમેન અશ્વિનભાઈ પાંભર અને આરોગ્ય ચેરમેન ડો. રાજેશ્વરીબેન ડોડીયાએ સંયુક્ત યાદીમાં જણાવેલ છે.

એક માસ માટે યોજાનાર વિવિધ કાર્યક્રમોની વિગત નીચે મુજબ છે.