મહિલાઓની નકલી હોસ્પિટલમાં ડિલિવરી થતી, હેલ્ધી-નબળાં બાળકો માટે અલગ-અલગ કોડ
અત્યાર સુધીમાં પાંચ આરોપીઓની ધરપકડ
ખાસ-ખબર ન્યૂઝ રાજકોટ
- Advertisement -
રાધનપુર બાળતસ્કરીમાં આરોપી નકલી ડોક્ટર સુરેશ ઠાકોર અને શિલ્પા ઠાકોર રિમાન્ડ પર છે. ત્યારે વધુ એક બાળકના વેચાણનો ખુલાસો થયો છે. જોકે, પોલીસ રિમાન્ડ દરમિયાન ખૂલેલી હકીકત બાદ બાળકીની લાશની બનાસ નદીના તટમાં શોધખોળ કરાઈ હતી. જોકે, કચ્છના આડેસરના બોગસ ડોક્ટરે વેચેલી એ બાળકી ક્યાંય મળી ન હતી અને માત્ર મીઠું જ મળ્યું હતું. સૂત્રો દ્વારા મળતી માહિતી મુજબ લાજ બચાવવા ડોક્ટરના હવાલે કરી ગયેલી માતા લોકલાજથી બચી ગઈ પણ એ માસૂમ દીકરીને મોતને હવાલે કરી ગઈ એ એને પણ ખબર નહીં હોય…તો આવો પાટણના બે કેસથી સમજીએ ગુજરાતમાં બોગસ ડોક્ટર દ્વારા ચાલતા બાળતસ્કરીના ખેલને…
રાધનપુર આસપાસમાં બાળતસ્કરીના નેટવર્કના એક બાદ એક પત્તાં ખૂલી રહ્યાં છે. સૂત્રો દ્વારા મળતી માહિતી મુજબ પહેલા એક બાળકનું બનાસકાંઠાના થરાની હોસ્પિટલથી બાળકની ડિલિવરી કરી વેચાયાનું ખૂલ્યું હતું. ત્યારબાદ બીજા એક જિલ્લા એવા કચ્છમાંથી પણ બાળતસ્કરી ખૂલી છે. કચ્છના આડેસરથી બોગસ ડોક્ટરે એક લોકલાજથી બચવા માગતી મહિલાની ડિલિવરી કરીને બાળકીને વેચી દીધી હતી. પરંતુ એ બાળકી કોઈના ઘરે કિલકિલાટ કરે એ પહેલાં જ 7 લાખમાં થનારો સોદો ફોક થતાં પાટણના દવાખાનેથી નાસેલા નકલી ડોક્ટરની બેદરકારીને કારણે મરી ગઈ હતી. જોકે, તેને મારી નખાઈ હતી કે મરી ગઈ તે પોલીસ તપાસ કરી રહી છે. જોકે, 1 ડિસેમ્બરે પોલીસે આરોપીઓને સાથે રાખીને બાળકીની લાશ બનાસ નદીના પટમાં શોધવા પ્રયાસ કર્યા હતા. મળતી માહિતી મુજબ બાળકી મરી જતાં તેનો નિકાલ નકલી ડોક્ટર સુરેશ અને શિલ્પા ઠાકોરે કર્યો હતો. આડેસરની બોગસ ક્લિનિકમાં નરેશ દેસાઈએ બાળકીની ડિલિવરી કરાવી હતી. તેની જાણ ધીરેન ઠાકોરને કરી હતી. જેથી સુરેશ અને નરેશ બંને વચ્ચે ધીરેને કોન્ટેક્ટ તેણે કરાવ્યો હતો. નરેશે ધીરેન ઠાકોરને કહ્યું કે એક બાળક બે નંબરિયું આવ્યું છે. બે નંબરિયું હોય તો બે નંબરિયું કોડ હતો, બે નંબરની વસ્તુ આવી છે. એમના કોડ હતો, મરેલા બાળકને બગડી ગયું એમ કહેતા.
બે નંબરિયું બાળક આવ્યું એટલે સુરેશ, શિલ્પા અને ધીરેન ગાડી લઇને આડેસર પહોંચ્યાં હતાં. બાળકીને લઈને રાત્રે પાટણમાં દાખલ કર્યું હતું. સવારે જે પાર્ટીને આપવાનું હતું. તેને ડાઉટ પડ્યો કે પાર્ટી કંઈક જાણ કરશે કે નહીં લે. પાંચેક લાખનો સોદો થયો હતો, પણ પોલ ખૂલે એવો ડર હતો. એટલે બાળક લઈ આ ભાગી ગયો હતો અને જતી વખતે બાળકી મરી ગઈ. અહીંયાં એવું કહ્યું કે, ડોક્ટરે રજા આપી એટલે રાધનપુર હોસ્પિટલમાં દાખલ કરવાનું છે. ત્યાંથી અહીં લાવ્યો હતો અને પાછો ત્યાં દાખલ કરવા જાય છે. એટલે શંકા તો જાય. બાળક પણ હેલ્ધી હતું, રાત્રે કોઈ હતું નહીં. એટલે સુરેશ પાટણથી નીકળી ગયો, પછી મારી નાખ્યું હોય કે મરી ગયું હોય એ તપાસ પોલીસ કરી રહી છે. બાળકીને કોઈ લેવાનું ન હતું, એનો 7 લાખમાં સોદો થયો તે કેન્સલ થયો એટલે આ બાળકી કોને આપવી એટલે એને પતાવી દઈએ દફનાવી દીધું હોવાની શક્યતા છે. આ બાળકી દિવાળી પહેલાની હોવાનું જાણવા મળ્યું છે, જેને અંદાજિત દોઢ-બે મહિના થયા હશે.
- Advertisement -
આ એક દિવસની બાળકીને લઈ દિવ્યેશ શાહના ત્યાં લાવ્યો હતો. બે નંબરવાળી મહિલાઓ ડિલિવરી માટે ડોક્ટર પાસે જાય તો બે લાખ ખર્ચ થાય પણ આવા નકલી ડોક્ટરો પાસે જાય તો આબરૂ ના જાય અને બાળક પણ આપી દે. આમ આવી રીતે બે નંબરવાળા લોકો આવા ડોક્ટરની મુલાકાત લેતા હોય છે. મોટી હોસ્પિટલના કોઈ રોલ આમાં હોતા નથી. આ બાળકીને પણ દિવ્યેશ શાહના ત્યાં લઈને આવ્યો હતો, પણ ડોક્ટરને શંકા જતાં આ સુરેશ ઠાકોર રાત્રે બાળકી લઈને ભાગ્યો હતો. રાત્રે બાળકી લઈને આવ્યા હતા.
બાળક તસ્કરી કેસમાં અત્યાર સુધીમાં 5 આરોપીઓની ધરપકડ કરી છે. કેસની તપાસ કરી રહેલી પાટણ એસ ઓ જી પોલીસે અત્યાર સુધીમાં સૌ પ્રથમ સુરેશ ઠાકોર, તે બાદ શિલ્પા ઠાકોર અને તે બાદ રૂપસિંહ ઠાકોરની ધરપકડ કરવામાં આવી હતી અને તે તમામને અત્યારે રિમાન્ડ ઉપર લેવામાં આવ્યાં છે, તો બીજી તરફ આ જ કેસમાં વધુ બે આરોપીઓની ધરપકડ કરવામાં આવી છે. જેમાં આરોપી નરેશ દેસાઈ આડેસરમાં નકલી હોસ્પિટલ ચલાવે છે અને ધીરેન ઠાકોર રાધનપુરવાળાની ધરપકડ કરી લેવામાં આવી છે. વધુ બે આરોપીઓની ધરપકડ કરીને તેમને કોર્ટમાં રજૂ કરી 5 દિવસ રિમાન્ડની માગણી કરવામાં આવી હતી, જેમાં કોર્ટે 4 ડિસેમ્બર સુધીના રિમાન્ડ મંજૂર કરવામાં આવ્યા હતા. ત્યારે આ બાળ તસ્કરીમાં વધુ નામ ખૂલે તેવી સંભાવના સેવાઈ રહી છે. બાળક કોનું હતું? આવા બીજા કોઈ બાળક આપેલાં છે કે કેમ? બાળક હાલ ક્યાં અને કેવી પરિસ્થિતિ છે તે બાબતે પોલીસ દ્વારા 5 દિવસના રિમાન્ડ માગ્યા હતા. જોકે, કોર્ટે 4 ડિસેમ્બર સુધીના રિમાન્ડ મંજૂર કર્યા હતા.
