ભુજના હેત રોડવેઝના માલિક અને રાજભા ભાલની ઓડિયો ક્લિપ વાયરલ
હેત રોડવેઝના ટ્રક પર છેલ્લાં બે દિવસમાં બે વખત હુમલો, શખ્સોએ બીયર અને પથ્થરોના ઘા કરી કાચ તોડ્યા
- Advertisement -
ખાસ-ખબર સંવાદદાતા
હપ્તા ઉઘરાવવાના નામે ટ્રકમાં આવારા તત્વોએ તોડફોડ કરી હોય તેવી ઘટના સામે આવી છે. કચ્છના ભુજમાં આવેલા હેત રોડવેઝ નામે ટ્રાન્સપોર્ટ ચલાવતા કાનજીભાઈ આહીરે ખાસ ખબર સાથેની વાતચીતમાં જણાવ્યું હતું કે, ભાવનગરમાં નિરમા કંપનીમાં મારા કોલસાના ટ્રક ચાલે છે જેમાં કોઈ ભાવનગરમાં જ રહેતા રાજભા ભાલ નામના શખ્સે મને ફોન કરીને નિરમામાં ટ્રક ચલાવવો હોય તો હપ્તા ભરવા પડશે તેવી ધમકી આપી હતી. જે મુદ્દે ભાવનગર અને રાજકોટ પોલીસ સ્ટેશનમાં રાજભા ભાલ વિરુદ્ધ ધમકી આપ્યાની ફરિયાદ નોંધાવી છે.
નિરમા કંપનીમાં ચાલતા કોલસાના ટ્રકમાં તોડફોડ, ધમકી આપનારે હપ્તાની માંગણી કરી
મળતી માહિતી મુજબ ભુજથી ભાવનગર જતાં હેત રોડવેઝના કોલસાથી ભરેલા ટ્રકમાં છેલ્લા બે દિવસથી કેટલાક આવારાતત્વો તોડફોડ કરતા હોય તેવો બનાવ સામે આવ્યો છે. અને આ તોડફોડ ફોન પર રોડવેઝના માલિક કાનજીભાઈ આહીરને ધમકી આપનાર રાજભા ભાલ તરફ શંકા ઉપજી છે. ગઈકાલે રાત્રે ભુજથી ભાવનગર જતા ૠઉં12 ઇડ5319 અને ૠઉં12 અઞ8619 નંબરના ટ્રક પર લાખાપર ગામ પાસે નંબર વગરની કારમાં આવીને ચારથી પાંખ શખ્સોએ ખાલી બીયરની બોટલ અને મોટા પથ્થરો ઘા કરીને ગાડીના કાચ તોડી નાખ્યા છે. જે મુદ્દે રાજકોટ આજીડેમ પોલીસ સ્ટેશનમાં અરજી પણ કરવામાં આવી છે. ભુજમાં હેત રોડવેઝ ચલાવતા કાનજીભાઈ આહીર અને ભાવનગરના રાજભા ભાલની ઓડિયો ક્લિપ વાયરલ થઈ છે. જેમાં રાજભા ભાલ નિરમા કંપનીમાં ટ્રક ચલાવવા માટે હપ્તાની ઉઘરાણી કરે છે. અને તે ના પાડતા તેના જ ચાલતા ટ્રકમાં તોડફોડ કરી હેરાન કર્યાનું સામે આવ્યું છે. હેત રોડવેઝના ૠઉં12 અણ1816 અને ૠઉં12અણ4005માં ભાવનગરના નારી ગામ પાસે તોડફોડ કરતા તેના ડ્રાઈવરે વેળાવદર પોલીસ ચોકીમાં અજાણ્યા શખ્સો વિરુદ્ધ અરજી કરી છે. જેની તપાસ કરતા માલૂમ પડ્યું કે, ટ્રકના માલિક કાનજીભાઈ આહીરને ધમકી આપતો એક કોલ આવ્યો હતો. જેમાં રાજભા ભાલે ટ્રક ચલાવવા માટે હપ્તાની ઉઘરાણી કરી હતી. જો કે, આટલેથી ન અટકતા ગઈકાલે રાત્રે બે વાગ્યે ભૂજથી રાજકોટ જતા ૠઉં12 ઇડ5319 અને ૠઉં12 અઞ8619 નંબરના ટ્રક પર અજાણ્યા શખ્સોએ પથ્થરમારો કરતા વિવાદ વકર્યો છે. હેત જ માલિકના ટ્રક પર બે દિવસમાં તોડફોડની ઘટના બનવાથી કોલ પર ધમકી આપનાર રાજભા ભાલ વિરુદ્ધ શંકા ઉપજી છે. ઓડિયો ક્લિપમાં રાજભા ભાલ નામનો શખ્સ નિરમા કંપનીમાં ટ્રક ચલાવવા માટે ખંડણીની ઉઘરાણી કરી રહ્યા છે. જેમાં પોતે કહી રહ્યા છે નિરમામાં ટ્રક ચલાવવો હોય તો મને હપ્તો આપવો પડશે. જેના જવાબમાં હેત રોડવેઝના માલિક કાનજીભાઈ આહિર કહે છે કે, હું છેલ્લા ઘણા વર્ષોથી અહીં ટ્રક ચલાવું છું મારે શેના પૈસા ભરવાના…? જેના પ્રપ્યુતરમાં પણ રાજભા ભાલે કહ્યું કે, હપ્તો ઉઘરાવવાનું ચાલુ જ છે અને તમારે રેકોર્ડિંગ કરવું હોય તો પણ કરી લેજો તેવો રૂઆબ પણ દેખાડ્યો હતો. અને તમારી ગાડી ડેઈલી આવશે તો અમારો હપ્તો લાગશે. હું ભાવનગર રહેતો હોય અને મારી ગાડીમાં કોલસો ન ભરાય તો. એવું પણ રાજભાએ કહ્યું હતું. ભાવનગરમાં ગમે તેને કહેજો એટલે રાજભા ભાલને ઓળખી જશે.
- Advertisement -
ધમકી આપતો હોય તેવી ઓડિયો ક્લિપ વાયરલ
હેત રોડવેઝના માલિક કાનજીભાઈ આહીર અને રાજભા ભાલ વચ્ચે થયેલી વાતચીતની ઓડિયો ક્લિપ વાયરલ થઈ છે. જેમાં સ્પષ્ટપણે સાંભળી શકાય છે કે, નિરમા કંપનીમાં ગાડી ચલાવવા માટે રાજભા ભાલ હપ્તાની ઉઘરાણી કરી રહ્યા છે. અહીં ગાડી ચલાવવી હોય તો તમારે હપ્તો આપવો જ પડશે.
નંબર વગરની ગાડીમાં આવેલા શખ્સો દ્વારા તોડફોડ
ગઈકાલે રાત્રે રાજકોટ પાસે ટ્રક પર અજાણ્યા શખ્સોએ તોડફોડ કરી હતી. ત્યારબાદ તેઓ નાસી ગયા હતા ટ્રકના ડ્રાઈવર વિનોદભાઈએ કહ્યું હતું કે, બીયરની ખાલી બોટલો અને મોટા પથ્થરોથી હુમલો કર્યો હતો અને તેઓ નંબર વગરની સ્વિફ્ટમાં આવ્યા હતા.
પોલીસ કમિશનરને ટ્રાન્સપોર્ટ એસો. દ્વારા ફરિયાદ
ટ્રક ચલાવવા માટે ખંડણીની માંગણી કરતા રાજભા ભાલ વિરુદ્ધ ટ્રાન્સપોર્ટ એસોસિએશને પોલીસ કમિશનરને ફરિયાદ કરી છે ભાવનગરમાં નિરમા કંપનીમાં ટ્રક ચલાવવો હોય તો પૈસા આપવા પડશે તેવું કહીને ફોન પર ધમકી આપી હતી. જે મુદ્દે ટ્રાન્સપોર્ટ એસોસિએશનને રાજભા ભાલે આપેલી ધમકીના આધારે ફરિયાદ કરી છે.
આવારા તત્વો વિરુદ્ધ પોલીસનો સકંજો ક્યારે?
આવી રીતે ફોનમાં ધમકી આપનાર આવારા તત્વો પર ક્યારે સકંજો કસાશે તે એક મોટો સવાલ છે. અવારનવાર આવારાતત્વો પૈસા ઉઘરાવવા માટે વેપારીઓને ધમકી આપતા હોય છે. જેના વિરુદ્ધ ફરિયાદ કે અરજી જ થાય છે પરંતુ કોઈ કોઈ નક્કર પગલા નથી લેવાતા. ત્યારે આ કેસમાં પણ ભાવનગરના રાજભા ભાલ વિરુદ્ધ શંકાની સોય તાકવામાં આવે છે. ત્યારે જોવું રહ્યું કે, પોલીસ કોઈ નક્કર પગલા લેશે કે નહીં…?
હેત રોડવેઝના માલિક અને રાજભા ભાલની વાયરલ થયેલી ઑડિયો ક્લિપ સાંભળવા અહીં ક્લિક કરો…