તાલાલા પાસેના ખાનગી ફાર્મ હાઉસમાંથી ચાર ઇસમો દારૂની મહેફિલ માણતા ઝપટે

ખાસ-ખબર સંવાદદાતા
તાલાલા સાસણ આસપાસ તહેવારોની મજા માણવાની સાથે દારૂની મહેફીલ માણતા ચાર ઇસમો ગીર-સોમનાથ ક્રાઇમ બ્રાંચની ઝપટે ચઢ્યા. પોલીસમાંથી મળતી વિગત મુજબ તાલાલા પાસે આવેલ ભોજદે ગામના ગીર-સોમનાથ ફાર્મ હાઉસ ખાતે કપીલ ચોવટીયા, અક્ષયસિંહ રાઠોડ, ભાવિન ગોહેલ, યશપાલસિંહ મોરીને દારૂની મહેફીલ માણતા ઝડપી લેવામાં આવ્યા હતા. તેની પાસેથી દારૂની બોટલ સહિત મુદ્દામાલ કબ્જે કરીને પ્રોહિબીશન એક્ટ હેઠળ ધોરણસરની કાર્યવાહી કરી તાલાલા પોલીસ સ્ટેશનમાં ગુનો નોંધી વધુ તપાસ હાથ ધરી છે.