બેંગલુરુ સીઝનમાં ત્રીજી મેચ હાર્યું: ગુજરાતે 4 વિકેટથી હરાવ્યું

મેચમાં કોઈ ફિફ્ટી નહીં; ગિલે 43 રન બનાવ્યા; અરશદે 3 વિકેટ લીધી

ખાસ-ખબર ન્યૂઝ અમદાવાદ, તા.01

ગુજરાત ટાઇટન્સે ઈંઙકમાં ગુરુવારે રોયલ ચેલેન્જર્સ બેંગલુરુને 4 વિકેટથી હરાવ્યું. ટીમને આ સીઝનમાં પાંચમી જીત મળી છે, જ્યારે છઈઇ ત્રીજી મેચ હારી છે. બેંગલુરુ 12 પોઇન્ટ્સ સાથે બીજા સ્થાને છે, જ્યારે ગુજરાત 10 પોઇન્ટ્સ સાથે પાંચમા નંબર પર છે.અમદાવાદમાં ગુજરાતે ટોસ જીતીને બોલિંગ લીધી હતી. બેંગલુરુ 19.2 ઓવરમાં 155 રન પર ઓલઆઉટ થઈ ગયું. યજમાન ટીમે 156 રનનો ટાર્ગેટ 15.5 ઓવરમાં 6 વિકેટ ગુમાવીને ચેઝ કરી લીધો. રાશિદ ખાને સુયશ શર્માના બોલ પર ચોગ્ગો ફટકારીને ટીમને જીત અપાવી.આ મેચમાં કોઈ પણ બેટર ફિફ્ટી ના ફટકારી શક્યું. ગુજરાતનો કેપ્ટન શુભમન ગિલ મેચમાં ટોપ સ્કોરર રહ્યો. તેણે 43 રન બનાવ્યા. બીજી તરફ, બેંગલુરુના દેવદત્ત પડિકલે 40 રનની ઇનિંગ રમી.ગુજરાત તરફથી અરશદ ખાને 3 વિકેટ ઝડપી હતી. જેસન હોલ્ડર અને રાશિદ ખાનને 2-2 વિકેટ મળી હતી. સિરાજ-રબાડાને એક-એક વિકેટ મળી હતી. એક બેટર રનઆઉટ થયો હતો.
બેંગલુરુ તરફથી ભુવનેશ્વર કુમારે 3 વિકેટ ઝડપી હતી. તેણે જોસ બટલર (39 રન), કેપ્ટન શુભમન ગિલ (43 રન) અને સાઈ સુદર્શન (6 રન)ને પેવેલિયન મોકલ્યા હતા. આ સાથે જ તે સીઝનના ટોપ વિકેટ ટેકર્સની લિસ્ટમાં ટોપ પર આવી ગયો છે.

રજત પાટીદારના કેચનો વિવાદ: વિરાટ કોહલી ભડક્યો
આઠમી ઓવરમાં, અરશદ ખાનના બોલ પર રજત પાટીદારનો શોટ ડીપ ફાઇન લેગ તરફ ગયો, જ્યાં જેસન હોલ્ડરે દોડીને કેચ લીધો. અમ્પાયરોએ કેચને ક્લીન જાહેર કર્યો અને પાટીદારને આઉટ આપ્યો, પરંતુ છઈઇ કેમ્પે વાંધો ઉઠાવ્યો. વિરાટ કોહલી સ્પષ્ટપણે નારાજ હતો અને તેણે સંકેત આપ્યો કે હોલ્ડરે કેચ દરમિયાન જમીન પર બોલને સ્પર્શ કર્યો હતો. તે બાઉન્ડ્રીની બહાર અમ્પાયર સાથે દલીલ કરતો પણ જોવા મળ્યો. જોકે, છઈઇના મુખ્ય કોચ એન્ડી ફ્લાવર નો વાંધો છતાં, નિર્ણય રદ કરવામાં આવ્યો ન હતો. વિવાદાસ્પદ કેચ બાદ વિરાટ કોહલીનો ગુસ્સો સોશિયલ મીડિયા પર ફેલાઈ ગયો. તેની જ્વલંત પ્રતિક્રિયાની તુલના 2019 માં મેદાન પર એમએસ ધોનીની પ્રખ્યાત ઘટના સાથે કરવામાં આવી.