યોગમાં વિશ્વગુરુ : અમદાવાદમાં પ્રથમ વર્લ્ડ યોગાસન ચેમ્પિયનશિપ, ભારત ૧૦૨ મેડલ સાથે નંબર ૧

પ્રથમવાર યોજાનાર વર્લ્ડ યોગાસન ચેમ્પિયનશિપમાં ૭૮ દેશના ૫૦૦ ખેલાડી જોડાયા

ખાસ ખબર ન્યૂઝ અમદાવાદ

અમદાવાદના કાંકરિયા વિસ્તારમાં આવેલા એકા એરેનામાં પ્રથમ વર્લ્ડ યોગાસન ચેમ્પિયનશિપનું આયોજન કરવામાં આવ્યું હતું, જેનું સોમવારે સમાપન થયું છે. વર્લ્ડ યોગાસન દ્વારા આયોજિત આ પાંચ દિવસીય સ્પર્ધા (૪ થી ૮ જૂન)નું ઉદ્ઘાટન પ્રધાનમંત્રી નરેન્દ્ર મોદીએ વર્ચ્યુઅલ માધ્યમથી કર્યું હતું. ભારતે ૧૨૨ ખેલાડીઓની ટીમ ઉતારી હતી, જેમાં અભય બર્મન અને રિતુ મંડલ જેવા ખેલાડીઓએ શાનદાર પ્રદર્શન કર્યું હતું.
આ ચેમ્પિયનશિપમાં ભારત 102 મેડલ સાથે ટોચ પર રહ્યું છે, ત્યાર પછી જાપાન 11 અને આર્જેન્ટિના 5 મેડલ સાથે ત્રીજા ક્રમે રહ્યું છે. પાંચ દિવસની વર્લ્ડ યોગાસન ચેમ્પિયનશિપમાં 78 દેશના 500થી વધુ એથ્લિટ્સે ભાગ લીધો હતો. ભારતને 102 ગોલ્ડ, 9 સિલ્વર અને 3 બ્રોન્ઝ મેડલ મળ્યા હતા.
યોગાસનને ઓલિમ્પિક સુધી પહોંચાડવાના ઉદ્દેશ્યથી આ સ્પર્ધામાં પ્રથમવાર આધુનિક ઇલેક્ટ્રોનિક સ્કોરિંગ સિસ્ટમનો ઉપયોગ કરવામાં આવ્યો હતો. અમદાવાદમાં યોજાયેલી આ સફળ વર્લ્ડ ચેમ્પિયનશિપના કારણે ભારતમાં અને ખાસ કરીને ગુજરાતમાં યોગાસન રમતને એક નવી ઓળખ અને મોટું પ્રોત્સાહન મળશે તે ચોક્કસ છે.

જાપાન બીજા-આર્જેન્ટિના ત્રીજા સ્થાને રહ્યું
રેન્ક    દેશ                ગોલ્ડ        સિલ્વર         બ્રોન્ઝ         કુલ મેડલ
1      ભારત                 102             9                   3                  114
2     જાપાન                3                 3                   5                   11
3     આર્જેન્ટિના         2                 3                  0                    5
4     સિંગાપોર            2                2                   3                    7
5     નેપાળ                 1                36                15                  52