ધ્રાંગધ્રા માર્કેટિંગ યાર્ડ બંધ થતા ખેડૂતોને જણસી વેંચાણ માટે 30 કિમીના ધક્કા

માર્કેટિંગ યાર્ડના સત્તાધીશો અને વેપારીઓ વચ્ચે સંકલનનો અભાવ હોવાનો આક્ષેપ

ખાસ-ખબર ન્યૂઝ સુરેન્દ્રનગર, તા.25

ધ્રાંગધ્રા માર્કેટિંગ યાર્ડ અનિશ્ચિત મુદ્દત માટે બંધ થતા ખેડૂતોને ભારે હાલાકીનો સામનો કરવો પડી રહ્યો છે. માર્કેટિંગ યાર્ડ બંધ થતા ખેડૂતોને ખેતરમાંથી નીકળેલા પાકને વેચાણ કરવા માટે અન્ય માર્કેટિંગ યાર્ડમાં જવું પડે છે. જેથી સમયની સાથે આર્થિક માર સહન કરવો પડી રહ્યો છે.
ધ્રાંગધ્રા માર્કેટિંગ યાર્ડ નિર્માણ થયું ત્યારે ધ્રાંગધ્રા પંથકના ખેડૂતોએ ખુશી વ્યક્ત કરી હતી કારણ કે જે ખેડૂતોને પોતાની જણસી વેચાણ માટે અન્ય માર્કેટિંગ યાર્ડમાં જવું પડતું હતું અને કલાકો સુધી લાઇનોમાં ઊભું રહેવું પડતું હતું તેનાથી છુટકારો મળ્યો હતો. પરંતુ ધક્કા ગાડીની માફક ચલાવતા માર્કેટિંગ યાર્ડમાં ખોટા બણગા ફૂંકાતા સત્તાધીશો અને ડિરેક્ટરોના વચનો ખોટા સાબિત થયાનો ખુલાસો એક દાયકામાં જ થઈ ચૂક્યો હતો. હાલ માર્કેટિંગ યાર્ડની કામગીરી શુક્રવારથી બંધ રાખવામાં આવી છે જેમાં કહેવાય છે કે યાર્ડમાં વેપારીઓને ઉપરથી પેમેન્ટ નહીં આવ્યું હોવાના લીધે યાર્ડની અર્થવ્યવસ્થા ખોરવાઈ ચૂકી હોવાના લીધે યાર્ડને બંધ રાખવાનો નિર્ણય લેવાયો છે પરંતુ ખરેખર માર્કેટિંગ યાર્ડ નિર્માણ થયું તે બાદ થોડા સમયમાં જ બંધ થાય તેવી સ્થિતિ હતી પરંતુ આબરૂ જવાના ડરથી અંતે ધક્કા ગાડીની માફક યાર્ડની કામગીરી ચાલુ રખાવી હતી જેને લઇ હવે અંતે છેલ્લા બે દિવસથી યાર્ડમાં હરાજીની કામગીરી સદંતર બંધ થતા કરોડોના ખર્ચે નિર્માણ કરેલ માર્કેટિંગ યાર્ડ હોવા છતાં પણ ખેડૂતોને ખેતરમાંથી કાઢેલા પાકને વેચાણ માટે અન્ય જિલ્લા અથવા તાલુકામાં વેચાણ માટે જવું પડે સ્થિતિ ઉદ્ભવ થઈ છે. આ તરફ સ્થાનિક ખેડૂતો દ્વારા માર્કેટિંગ યાર્ડની સ્થિતિ માટે સત્તાધીશોના એકબીજાની માથાકુટ અને વેપારી સાથે સંકલનનો અભાવ હોવાનું જણાવે છે. જેના લીધે ખેડૂતોની મુશ્કેલીમાં વધારો થતો નજરે પડે છે. આ અંગે સ્થાનિક ખેડૂત મહેશભાઈ પટેલ દ્વારા જણાવ્યું હતું કે ” ધ્રાંગધ્રા માર્કેટિંગ યાર્ડના સત્તાધીશો અને વેપારીઓ વચ્ચે સંકલનનો અભાવ છે. જેમાં માર્કેટિંગ યાર્ડના સત્તાધીશોને શેષ ફી સિવાય કોઈ રસ દાખવતા નથી હાલમાં જ બનેલા બનાવમાં કમિશન એજન્ટ વેપાર કરતો હતો તેને કાયદાકીય પ્રક્રિયામાં પોલીસ ઉઠાવી ગઈ હતી જેથી આખાય યાદની વ્યવસ્થા ખોરંભે ચડી છે પરંતુ કમિશન એજન્ટ છતાં જણસી ખરીદ વેચાણ થાય તેનું ધ્યાન માર્કેટિંગ યાર્ડના સત્તાધીશોને તકેદારી રાખવી જોઈએ