કોંઢ-સરા માર્ગ પર ચક્કાજામ કરી ખેડૂતોનો વિરોધ, અનેક ખેડૂતોની અટકાયત
ખાસ-ખબર ન્યૂઝ સુરેન્દ્રનગર, તા.4
- Advertisement -
ધ્રાંગધ્રા તાલુકાના કોંઢ ગામે પાવરગ્રીડ કંપની દ્વારા ચાલી રહેલી કામગીરીના વિરોધમાં ખેડૂતો દ્વારા મંગળવારે રસ્તા રોકો આંદોલન કરવામાં આવ્યું હતું. ખેડૂતો દ્વારા કોંઢ-સરા ગામને જોડતા મુખ્ય માર્ગ પર ચક્કાજામ કરી પાવરગ્રીડ કંપની, પોલીસ તંત્ર અને સરકાર સામે રોષ વ્યક્ત કરવામાં આવ્યો હતો. છેલ્લા એક અઠવાડિયાથી પાવરગ્રીડ કંપની પોલીસ બંદોબસ્ત સાથે ખેડૂતોના ખેતરોમાં વીજ ટ્રાન્સમિશન લાઇન માટે વીજપોલ ઉભા કરવાની કામગીરી કરી રહી છે.
ખેડૂતોનો આક્ષેપ છે કે તેમની વિવિધ માંગણીઓ અને યોગ્ય વળતરની બાબતોનો નિકાલ કર્યા વિના જ કંપની દ્વારા કામગીરી હાથ ધરવામાં આવી રહી છે. ખેડૂતોના જણાવ્યા અનુસાર, પોલીસ પ્રોટેક્શનના આધારે કંપનીના કર્મચારીઓ ખેતરોમાં પ્રવેશી રહ્યા છે તેમજ ઊભા પાકવાળા ખેતરોમાં જેસીબી સહિતના સાધનોનો ઉપયોગ કરીને પાકને નુકસાન પહોંચાડી રહ્યા છે. ખેડૂતોનું કહેવું છે કે પૂરતું અને યોગ્ય વળતર ચૂકવ્યા વગર તેમની માલિકીની જમીનમાં પ્રવેશ કરીને કામગીરી કરવી અન્યાયપૂર્ણ છે. આ મુદ્દે અગાઉ પણ ખેડૂતો દ્વારા વિરોધ નોંધાવવામાં આવ્યો હતો અને વિરોધ કરનારા કેટલાક ખેડૂતોની અટકાયત કરવામાં આવી હોવાનું જણાવાયું છે.
જેના પગલે ખેડૂતો દ્વારા આંદોલનનો માર્ગ અપનાવી કોંઢ-સરા માર્ગ પર રસ્તા રોકો કાર્યક્રમ યોજાયો હતો. આંદોલનને કારણે માર્ગ પર ટ્રાફિક જામની સ્થિતિ સર્જાઈ હતી. રસ્તા રોકો આંદોલનની જાણ થતાં સ્થાનિક પોલીસ કાફલો સ્થળ પર પહોંચ્યો હતો અને માર્ગ અવરોધ દૂર કરવાની કાર્યવાહી હાથ ધરી હતી. દરમિયાન રસ્તો રોકી વિરોધ પ્રદર્શન કરી રહેલા ખેડૂતોની અટકાયત કરવામાં આવી હતી. ખેડૂતોની માંગણીઓનો સંતોષકારક ઉકેલ નહીં આવે અને યોગ્ય વળતર ચૂકવવામાં નહીં આવે તો આગામી સમયમાં વધુ ઉગ્ર આંદોલનની ચીમકી ઉચ્ચારાઇ હતી.
અટકાયત કરેલા ખેડૂતો
(1) પઢીયાર વિપુલભાઈ ભાડુભાઈ
- Advertisement -
(2) અર્જુનસિંહ રાજેન્દ્રસિંહ ઝાલા
(3) દેવેન્દ્રસિંહ બટુકસિંહ ઝાલા
(4) અર્જુનસિંહ શક્તિસિંહ ઝાલા
(5) મેહુલસિંહ વિક્રમસિંહ ઝાલા
(6) યોગેન્દ્રસિંહ બળવંતસિંહ ઝાલા
(7) અક્ષયસિંહ અશ્વિનસિંહ ઝાલા
(10) દશરથભાઈ મેરૂભાઈ ભાટીયા
(11) રઘુવીરસિંહ અજીતસિંહ ઝાલા
(12) હરપાલસિંહ ગજેન્દ્રસિંહ ઝાલા
(13) વાઘજીભાઈ અજુભાઈ ડોડીયા
(14) હથુભાઈ જીવાભાઇ ભાટિયા
(15) પૂર્વરાજસિંહ અશોકસિંહ ઝાલા
(16) બુટાભાઈ રેવર
(17) ભીમાભાઇ ચૌહાણ
(18) હરદીપસિંહ નાગજીભાઈ અસવાર
(19) કુલદીપસિંહ રાજભા ભાટીયા
(20) ગજેન્દ્રસિંહ ડાયુભા ટાક
(21) યશપાલસિંહ પ્રવિણસિંહ ટાંક
(22) કરણસિંહજીભાઈ ડોડીયા
(23) બળદેવભાઈ ધીરુભાઈ ખેલાડીયા
