ટ્રમ્પએ ટિમ કૂકનાં ભારતમાં આઈફોન ઉત્પાદન નિર્ણય પર નારાજગી વ્યક્ત કરી; કહ્યું ભારત તેની સંભાળ રાખી શકે છે!

“ભારત પોતાની સંભાળ રાખી શકે”: ટ્રમ્પ

અમેરિકન રાષ્ટ્રપતિ ડોનાલ્ડ ટ્રમ્પે એપલના સીઈઓ ટિમ કૂકને કહ્યું છે કે તેઓ નથી ઇચ્છતા કે તેઓ “યુએસ બજાર માટે આઈફોન ભારતમાંથી આયાત કરે.” અને “ભારત પોતાની સંભાળ રાખી શકે”.

દોહામાં એક બિઝનેસ ઇવેન્ટમાં, યુએસ રાષ્ટ્રપતિએ કહ્યું કે તેમને ટિમ કૂક સાથે “થોડી સમસ્યા” છે. “મેં તેમને કહ્યું, મારા મિત્ર, હું તમારી સાથે ખૂબ સારો વ્યવહાર કરી રહ્યો છું. તમે $500 બિલિયન લઈને આવી રહ્યા છો, પરંતુ હવે મેં સાંભળ્યું છે કે તમે આખા ભારતમાં ઉત્પાદન કાર્ય કરી રહ્યા છો. હું નથી ઇચ્છતો કે તમે તે ભારતમાં કરો. જો તમે ભારતની સંભાળ રાખવા માંગતા હોવ તો તમે ભારતમાં ઉત્પાદન વધારી શકો છો. પણ ભારત દેશ પોતે તેની સંભાળ રાખી શકે છે. ભારત વિશ્વના સૌથી વધુ ટેરિફ દેશોમાંનો એક છે, તેથી ભારતમાં વેચાણ કરવું ખૂબ મુશ્કેલ છે,” યુએસ રાષ્ટ્રપતિએ કહ્યું.

ટ્રમ્પે એવો પણ દાવો કર્યો હતો કે નવી દિલ્હીએ વોશિંગ્ટન ડીસીને સોદો ઓફર કર્યો છે અને કહ્યું છે કે તે યુએસ માલ પર કોઈ ટેરિફ વસૂલશે નહીં. ભારતે હજુ સુધી આવી કોઈ જાહેરાત કરી નથી. “તેઓએ (ભારતે) અમને એક એવો સોદો ઓફર કર્યો જેમાં મૂળભૂત રીતે તેઓ અમારી પાસેથી કોઈ પણ પ્રકારનો ટેરિફ વસૂલવા સંમત થયા છે. મેં કહ્યું કે ટિમ, આપણા વચ્ચે ખૂબ સારો વ્યવહાર રહ્યો છે, અમે વર્ષોથી ચીનમાં બનાવેલા બધા પ્લાન્ટ્સ સાથે કાર્ય કરીએ છીએ. અમને તમારા ભારતના નિર્માણમાં રસ નથી. ભારત પોતાનું ધ્યાન રાખી શકે છે,” ટ્રમ્પે કહ્યું.

એપલ, જેના આઇફોન અને મેકબુક વિશ્વભરમાં માંગમાં છે, તેનું યુએસમાં ઉત્પાદન વધારવા માટે તૈયાર

ડોનાલ્ડ ટ્રમ્પનો એપલને ભારતમાં ઉત્પાદન સામેનો આ સંકેત એવા સમયે આવ્યો છે જ્યારે આઇફોન નિર્માતા ટ્રમ્પ વહીવટીતંત્રના ટેરિફ પગલાનો સામનો કરવા માટે તેના ભારતમાં ઉત્પાદનને વિસ્તૃત કરવા અને તેના ઉત્પાદનને ચીનથી દૂર ખસેડવાની યોજના બનાવી રહ્યા છે.

આ મહિનાની શરૂઆતમાં, AFP ના અહેવાલ પ્રમાણે, ટિમ કૂકે કહ્યું હતું કે તેમને અપેક્ષા છે કે “યુએસમાં વેચાતા મોટાભાગના આઇફોન્સનો મૂળ ભારત દેશ હશે”. એપલના હાલમાં ભારતમાં ત્રણ પ્લાન્ટ છે, બે તમિલનાડુમાં અને એક કર્ણાટકમાં. આમાંથી એક ફોક્સકોન દ્વારા સંચાલિત છે, અને બીજા બે ટાટા ગ્રુપ દ્વારા. બે વધુ એપલ પ્લાન્ટ પાઇપલાઇનમાં છે.

માર્ચમાં પૂરા થયેલા છેલ્લા નાણાકીય વર્ષમાં, એપલે ભારતમાં $22 બિલિયનના મૂલ્યના આઇફોન એસેમ્બલ કર્યા હતા, જે પાછલા નાણાકીય વર્ષની સરખામણીમાં ઉત્પાદનમાં 60 ટકાનો વધારો દર્શાવે છે. હાલ એપલે કહ્યું છે કે કોવીડ પછી શરૂ કરાયેલ રોકાણ યોજનામાં કોઈ ફેરફાર કરવામાં આવશે નહીં. ચીન ઉપરાંત અન્ય દેશોમાં પણ ઉત્પાદન કાર્ય ચાલુ રહેશે. ટ્રમ્પના નિવેદન બાદ માત્ર અમરિકાને આઈફોન સપ્લાઈ કરવા માટેના નિર્ણય પર ફરી વિચાર મુકવામાં આવશે.