ચાર આરોપીઓને ચોરાઉ ડીઝલ ભરેલા કેરબા સાથે ઝડપી લેતી આરપીએફ
ટ્રેનની ડીઝલ ટેંકનું ઢાંકણું ખોલી પાઇપથી ડીઝલના કેરબા ભર્યા હતા
ખાસ-ખબર ન્યૂઝ રાજકોટ
રાજકોટ ડિવિઝનના રેલવે પ્રોટેક્શન ફોર્સએ રાજકોટ યાર્ડમાં ટ્રેનના ડીઝલ એન્જિનમાંથી 425 લીટર ડીઝલની ચોરી કરનાર ચાર આરોપીઓની ધરપકડ કરી છે.
તાજેતરમાં રાજકોટ રેલ્વે સ્ટેશન યાર્ડમાં ટ્રેનના ડીઝલ એન્જીનમાંથી ડીઝલની ચોરી થયાની માહિતી ટ્રેનના લોકો પાયલોટ દ્વારા આરપીએફ સ્ટાફને આપવામાં આવી હતી. જે મુજબ અજાણ્યા શખ્સો સામે ગુનો નોંધવામાં આવ્યો હતો દરમિયાન આરપીએફ સ્ટાફ દ્વારા ઘટના સ્થળની આસપાસના વિસ્તારની તપાસ કરી હતી અને મળેલી માહિતીના આધારે રાજકોટ પોસ્ટના આરપીએફ સબ ઈન્સ્પેક્ટર અતુલકુમાર સિંઘ, આશિષ બિરલે, નરેન્દ્ર ગૌતમ, ક્રાઈમ બ્રાન્ચ રાજકોટના સબ ઈન્સ્પેક્ટર નિકુંજ પટેલ, રમેશ ચૈયા અને હેમંત ભાઈ તથા હેડ કોન્સ્ટેબલ રઘુવીર જોગરાણા અને આજુભાઈએ ચોરીમાં સંડોવાયેલ ચાર વ્યક્તિઓ ફિરોઝ અયુબભાઈ જામ ઉ. 28, સાહિલ યુનુસભાઈ ઉ.27, ફૈઝલ ફિરોઝભાઈ ઉ.29 અને સગીરની ધરપકડ કરી પૂછતાછ કરતાં પોતે જ ચોરી કર્યાની કબૂલાત આપી હતી મોડી રાત્રે અન્ય મિત્ર મોહસીન સાથે રાજકોટ રેલ્વે સ્ટેશન યાર્ડની લાઈન નંબર 8 પર ઊભેલા રેલ્વે ડીઝલ એન્જિન ની ડીઝલ ટાંકીનું ઢાંકણું ખોલીને રબરની પાઇપની મદદથી ડીઝલની ચોરી કરી હતી.
તેઓએ ચોરેલુ ડીઝલ પ્લાસ્ટિકના નવ કેરબામાં ભરીને ઓટો રીક્ષા અને ટુ-વ્હીલર સુઝુકી એક્સેસમાં મુકી મદ્રાસી ખાડા આજી નદી પાસેની ઝાડીઓમાં સંતાડી દીધું હતું શંકાસ્પદ આરોપીએ આપેલી બાતમીના આધારે આરપીએફ સ્ટાફે આજી નદી પાસેની ઝાડીઓમાંથી સ્થળ પરથી ડીઝલ ભરેલા પ્લાસ્ટીકના 09 નંગ કેરબા કબજે કર્યા હતા
- Advertisement -
આરપીએફએ ચોરીમાં વપરાયેલ સુઝુકી એક્સેસ વાહન અને 425 લિટર ડીઝલ સહિત કુલ રૂ. 1.28 લાખની કિંમતી વસ્તુઓ જપ્ત કરી લીધી છે અન્ય ફરાર આરોપી મોહસીનની શોધ ચાલુ છે રાજકોટ ડિવિઝનના ડિવિઝનલ રેલ્વે મેનેજર અશ્ર્વની કુમાર અને ડિવિઝનલ સિક્યુરિટી કમિશનર કમલેશ્વર સિંઘે આરપીએફ દ્વારા ઝડપી કાર્યવાહીની પ્રશંસા કરી છે.
