ગાંધીનગરથી ટિપ આવી ને સુરતની રેવ પાર્ટીમાં CID ત્રાટકી

એન્જિનિયર, જમીન દલાલ યુવકો, સિક્કિમ-નેપાળની યુવતીઓ સહિત 14 જણા ડ્રગ્સ, ગાંજો, દારૂની પાર્ટી કરતા ઝડપાયા

ખાસ-ખબર ન્યૂઝ સુરત

સુરતના મગદલા ગામ વિસ્તારમાં આવેલા એક ઘરમાં ઈઈંઉ ક્રાઇમ દ્વારા રેડ પાડવામાં આવી હતી. બાતમીના આધારે આ રેડ પાડવામાં આવતા ડ્રગ્સ, ગાંજો અને દારૂ સાથે ચાલતી પાર્ટી પકડી પાડવામાં આવી હતી. સીઆઈડી ક્રાઈમ દ્વારા થાઈ ગર્લ સહિત 9 યુવતી અને 5 યુવાનની અટકાયત કરવામાં આવી છે. જેમાં એન્જિનિયર, જમીન દલાલ યુવકો સામેલ છે. તેમજ યુવતીઓ સિક્કિમ અને નેપાળની છે.

આ તમામના સુરત સિવિલમાં મેડિકલ ટેસ્ટ માટે સેમ્પલ લેવાયાં છે. તમામ આરોપીઓને ઈઈંઉ ક્રાઈમની ઓફિસ લઈ જવામાં આવ્યા છે. સીઆઈડી ક્રાઇમ દ્વારા ડ્રગ્સનો ગુનો નોંધવામાં આવ્યો છે. મેડિકલ પરીક્ષણ બાદ આગળની કાર્યવાહી હાથ ધરવામાં આવી છે. આ અંગે મળતી માહિતી પ્રમાણે, સુરત શહેરના મગદલ્લા ગામમાં આવેલા મહોલ્લાના એક મકાનમાં રાત્રે સ્પા ગર્લ અને ડ્રગ્સ સાથે પાર્ટી ચાલતી હોવાની બાતમી મળી હતી. જેથી સીઆઈડી ક્રાઈમની ટીમે મકાનમાં રેડ કરી હતી. આ દરમિયાન ડ્રગ્સ, ગાંજો અને દારૂની સાથે ચાલતી પાર્ટી પકડી પાડવામાં આવી હતી. સ્પામાં કામ કરતી ગર્લ સહિત નવ મહિલા ઝડપાઈ હતી. આ સાથે જ પાંચ જેટલા યુવાનો પણ મળી આવ્યા હતા. આ તમામની અટકાયત કરવામાં આવી છે.

ડ્રગ્સ, ગાંજો અને દારૂ સાથે પાર્ટી કરી રહેલા 14 પૈકી એક આરોપી અમિતકુમાર યાદવના ઘરમાં આ પાર્ટી કરવામાં આવી રહી હતી. આ પાર્ટી કરી રહેલા નોકરિયાત, એન્જિનિયર, હીરા દલાલ, ડેટા પ્રોસેસર્સ, જમીન દલાલને ઝડપી પાડવામાં આવ્યા છે. આ પાર્ટીમાં નવ જેટલી મહિલાઓ પકડાઇ છે તે તમામ નોર્થ ઇન્ડિયાની રહેવાસી છે. આ સાથે જ આ તમામ મગદલ્લા ગામમાં જ રહીને સ્પામાં નોકરી કરી રહી છે.સીઆઈડી ક્રાઇમ દ્વારા ડ્રગ્સનો ગુનો નોંધી આ તમામ સામે કાર્યવાહી હાથ ધરી છે. હાલ તો આ તમામ 14 આરોપીઓને સુરત સિવિલ હોસ્પિટલ ખાતે લઈ જવામાં આવ્યા છે, જ્યાં તેમનું મેડિકલ પરીક્ષણ કરવામાં આવી રહ્યું છે. મેડિકલ પરીક્ષણ થઈ ગયા બાદ આગળની કાર્યવાહી હાથ ધરવામાં આવશે. હાલ તો પ્રાથમિક રીતે આ તમામ વિરુદ્ધ ડ્રગ્સનો ગુનો નોંધાયો છે. જોકે, આગળ કાર્યવાહીમાં જે સામે આવશે તે પ્રમાણે વધુ કાર્યવાહી થશે.સૂત્રો પાસેથી મળતી માહિતી પ્રમાણે, આ પાર્ટીમાંથી નવ ગ્રામ એમડી ડ્રગ્સ, 22 ગ્રામ ગાંજો અને સાત દારૂની બોટલ જપ્ત કરવામાં આવી છે. ગાંધીનગર સીઆઇડી ક્રાઈમને ડ્રગ્સની બાતમી મળી હતી. જે આધારે રેડ પાડવામાં આવતા પાર્ટી ચાલતી હતી તે પણ મળી આવી હતી.