રાહુલ ગાંધી હાથમાં તિરંગો અને પોસ્ટર લઈને બેરિકેડ્સ પર ચઢ્યા: રાહુલ-પ્રિયંકા આકાશવાણી ભવન સામે ધરણા પર
અખિલેશ, અભિષેક બેનજીર્ની અટકાયત
- Advertisement -
સત્તામાં ટકી રહેવા માટે લોકોના અધિકારો છીનવી રહી છે ભાજપ: મલ્લિકાર્જુન ખડગે
મુખ્ય ચૂંટણી કમિશનર જ્ઞાનેશ કુમારના રાજીનામાની માગને લઈને ૧૯ વિપક્ષી પાર્ટીઓના સેવ ડેમોક્રેસી માર્ચને પોલીસે અટકાવી દીધી છે. પોલીસે રાહુલ-પ્રિયંકાને કસ્ટડીમાં લઈને બસમાં બેસાડયા, તો તેઓ નીચે ઉતરીને આકાશવાણી બિલ્ડિંગમાં ઘૂસી ગયા, પરંતુ થોડા સમય બાદ બહાર આવી ગયા. રાહુલ-પ્રિયંકા આકાશવાણી બિલ્ડિંગની બહાર ધરણા પર બેઠા છે. આકાશવાણીથી ચૂંટણી પંચની ઓફિસ ૨૭૦ મીટર દૂર છે. વિપક્ષે નવી સંસદથી ચૂંટણી પંચ સુધી માર્ચ કાઢી હતી. પ્રદર્શનને અત્યાર સુધી અઢી કલાક થઈ ચૂક્યા છે.
પોલીસે વિપક્ષી સાંસદોને ત્રણ વખત અટકાવ્યા. આ દરમિયાન રાહુલ હાથમાં તિરંગો લઈને બેરિકેડ્સ પર ચઢી ગયા. રાહુલ ‘જ્ઞાનેશ, ઇટ્સ ડન બ્રો’નું પોસ્ટર લઈને જોવા મળ્યા. ચૂંટણી પંચ વિરુદ્ધ દિલ્હી અને મુંબઈમાં છેલ્લા પાંચ દિવસમાં આ સાતમું પ્રદર્શન છે. મલ્લિકાર્જુન ખડગેએ કહ્યું કે આ આંદોલન દેશના યુવાનો, મહિલાઓ, ખેડૂતો અને ગરીબોના અધિકારો સાથે જોડાયેલું છે. તેમણે આરોપ લગાવ્યો કે ભાજપ સત્તામાં ટકી રહેવા માટે લોકોના અધિકારો છીનવી રહી છે અને ચૂંટણી પ્રક્રિયાને પ્રભાવિત કરી રહી છે.
ખડગેએ કહ્યું કે જે રીતે સત્તા હાંસલ કરવામાં આવી હતી, તે યોગ્ય ન હતું અને તેને તાત્કાલિક સમાપ્ત કરવી જોઈએ. તેમણે કહ્યું કે જો દેશમાં નવ રાજ્યોની વિધાનસભાઓ ભંગ કરી શકાય છે, તો અહીંની ગેરકાયદેસર વ્યવસ્થા પણ સમાપ્ત થવી જોઈએ. તેમણે ચેતવણી આપી કે જનતા આ મુદ્દે ચૂપ નહીં રહે. રાહુલ Gen-Z સાથે કનેક્ટ થવા માટેના પ્રદર્શનમાં ‘જ્ઞાનેશ, ઇટ્સ ડન બ્રો’નું પોસ્ટર લઈને પહોંચ્યા હતા. તેમનો હેતુ આ વર્ગને સીધો મેસેજ આપવાનો હતો. દેશમાં આજે દર ચોથો મતદાર જેન-ઝી છે. ચૂંટણી પંચના જણાવ્યા અનુસાર, લોકસભા ચૂંટણી ૨૦૨૪ દરમિયાન દેશના કુલ મતદારોમાં ૧૮-૨૯ વર્ષની વયના મતદારોનો હિસ્સો ૨૨.૭૮% હતો. શિવરાજ સિંહ ચૌહાણે કહ્યું કે આ જનાદેશનું અપમાન છે. આ લોકશાહીની ચિંતા નથી, હારની ખીજ છે. વિપક્ષ જનાદેશનું અપમાન કરી રહ્યો છે.
