ગૠઘના ચીફ રિયાઝ ફાઝિલ કાઝી દબોચાયો: સાથે કામ કરતી યુવતીઓનું બળજબરી ધર્માંતરણ, યૌન શોષણ અને નમાજ-હિજાબ માટે દબાણના આરોપ
સૌજન્ય ઑપ ઈન્ડિયા, ગુજરાતી
- Advertisement -
નાગપુરના ઉત્તર-પશ્ર્ચિમ વિસ્તારમાં ગરીબ બાળકો માટે કામ કરતા હોવાનો દાવો કરતાં ગૠઘના ચીફ રિયાઝ ફાઝિલ કાઝીને બળજબરીથી ધર્માંતરણ અને યૌન શોષણના આરોપમાં ઝડપી પાડવામાં આવ્યો છે. મંકાપુર પોલીસ સ્ટેશનમાં શનિવારની (18 એપ્રિલ 2026) રાતે લગભગ 10 વાગ્યે નોંધાયેલી ઋઈંછના આધારે કાઝીને તુરંત કસ્ટડીમાં લેવામાં આવ્યો હતો.
માહિતી અનુસાર ઋઈંછમાં અનેક યુવતીઓ સાથે છેડછાડ, બળજબરીથી નમાજ પઢવાની ફરજ પાડવી, આખા શરીરને ઢાંકતા કપડાં પહેરાવવા અને ફેક ઇન્સ્ટાગ્રામ અકાઉન્ટ બનાવીને સ્ટોકિંગ કરવાના આરોપ લગાવવામાં આવ્યા છે. આ મામલાની ગંભીરતાને જોતા મહારાષ્ટ્ર એન્ટી-ટેરરિસ્ટ સ્ક્વોડે (અઝજ) પણ અલગથી તપાસ શરૂ કરી દીધી છે.
ગૠઘનું નામ યુનિવર્સલ મલ્ટીપર્પઝ સોસાયટી છે. આ 2010થી ચાલી રહ્યું છે અને મંકાપુરના સ્લમ વિસ્તારમાં બાળકોની શિક્ષા, આરોગ્ય શિબિરો અને સામાજિક કાર્યો કરતું હોવાનો દાવો કરે છે. પોલીસ હાલમાં સીસીટીવી ફુટેજ, કોલ રેકોર્ડ, સોશિયલ મીડિયા એક્ટિવિટી, અન્ય કર્મચારીઓ અને પરિવારના નિવેદનો તથા ઓડિયો રેકોર્ડિંગની તપાસ કરી રહી છે.
મુખ્ય ફરિયાદી 23 વર્ષીય મહિલા છે, જે સપ્ટેમ્બર 2023થી ગૠઘમાં એડમિનિસ્ટ્રેશન અને ઇંછ હેડ તરીકે કામ કરી રહી હતી. ફરિયાદ મુજબ 18 જુલાઈ 2024ના રોજ તેના જન્મદિવસ પર ઑફિસમાં પાર્ટી પછી કાઝીએ તેને પોતાની કેબિનમાં બોલાવી હતી. ત્યાં કાઝીએ તેને બળજબરી ગળે લગાવી, માથે ચુંબન કર્યું અને કહ્યું હતું કે, આજે હું તને છોડવા માંગતો નથી.
મહિલાએ ડરના માર્યા વિરોધ ન કર્યો. ત્યારબાદ કાઝીએ વારંવાર ગળે મળવાના પ્રયાસ કર્યા અને સીસીટીવી કેમેરા પણ બંધ કરી દીધો. જ્યારે મહિલાએ વિરોધ કર્યો ત્યારે કાઝીનું વર્તન બદલાઈ ગયું. તેમણે એકાંતમાં છેડછાડ પણ કરી અને અન્ય કર્મચારીઓ પાસેથી તેની વ્યક્તિગત માહિતી એકત્ર કરી.
મહિલાની મોટી બહેન નવેમ્બર 2025માં ગૠઘમાં અસિસ્ટન્ટ પ્રોજેક્ટ મેનેજર બની હતી. કાઝીએ તેને ફિલ્ડ વિઝિટ દરમિયાન સુરક્ષિત મુસાફરી માટે ઇસ્લામી પ્રાર્થનાઓ પઢવા, આખા શરીરને ઢાંકતાં કપડાં પહેરવા અને નિયમિત નમાજ માટે મજબૂર કરી હતી. બહેને વિરોધ કર્યો તો કાઝીએ ફરિયાદી વિશે તેની સામે બદનામ કરતી વાતો કહી. બે મહિનામાં બહેને નોકરી છોડી દીધી.
એક 24 વર્ષીય શિક્ષિકા સહિત અન્ય કર્મચારીઓ પણ કાઝીના વર્તનથી ત્રાસીને રાજીનામું આપી ચૂક્યાં છે. તેણે ખરાબ નજરો અને બળજબરીથી મજહબી રીતિ-રિવાજો થોપવાના આરોપ લગાવ્યા છે.
આ જ કેસમાં 13 એપ્રિલ 2026ના રોજ કાઝીએ એક પૂર્વ કર્મચારીની માતાને ફોન કરીને ફરિયાદી, તેની બહેન અને તેમના મિત્રોને ‘કોલ ગર્લ્સ’ અને ‘પ્રોસ્ટિટ્યુટ’ કહીને ‘નાઇટ એક્ટિવિટીઝ’માં સામેલ હોવાનો આરોપ લગાવ્યો હતો. 17 એપ્રિલે આ વાતચીતની રેકોર્ડિંગ સહકર્મીઓમાં શેર કરવામાં આવી. 18 એપ્રિલે જ્યારે પીડિત પક્ષ ઑફિસ પહોંચ્યો ત્યારે તે બંધ મળી. ત્યારબાદ તેમણે પોલીસમાં ફરિયાદ નોંધાવી.
મંકાપુર પોલીસના સીનિયર ઇન્સ્પેક્ટર હારેશ કલસેકરે કહ્યું છે કે, રવિવારના (19 એપ્રિલ 2026) રોજ કાઝીને કોર્ટમાં રજૂ કરવામાં આવ્યો. કોર્ટે 23 એપ્રિલ સુધી પોલીસ રિમાન્ડ આપ્યો છે. અમે દરેક એંગલની તપાસ કરીશું. તેમણે જણાવ્યું કે ત્રણ મહિલાઓ ફરિયાદ નોંધાવવા આગળ આવી છે અને વધુ અનેક નિવેદનો આવવાની સંભાવના છે.
