જાગરણની રાત્રે છરી સાથે 10 અને દારૂ ઢીંચી નીકળેલા 25 ઝડપાયા

રાજકોટ શહેર અને જિલ્લાના ક્રાઇમના સમાચાર 

રાજકોટ શહેરમાં ગુનેગારો સામે લાલ આંખ : વાહન ચેકીંગ ઝુંબેશ યથાવત

રાજકોટમાં કાયદો અને વ્યવસ્થાની સ્થિતિ જળવાઈ રહે તે માટે શહેર પોલીસ કમિશનર બ્રજેશ ઝાની સૂચના અન્વયે છેલ્લા થોડા દિવસોથી નાઈટ કોમ્બિંગ શરુ કરવામાં આવ્યું છે પ્રથમ દિવસે જ 68 લોકોને છરી સાથે અને 42 લોકોને પીધેલી હાલતમાં પોલીસે ઝડપી લીધા બાદ પણ આ ઝુંબેશ યથાવત રાખવામાં આવી છે ગત રાત્રે જાગરણ હોય તે નિમિતે વિશેષ વાહન ચેકીંગ પ્રક્રિયા હાથ ધરવામાં આવી હતી આ પ્રક્રિયા દરમિયાન પોલીસે છરી એસ્થે 10 શખ્સોને અને દારૂ ઢીંચી નીકળેલા 25 લોકોને પકડી લઇ ગુનો નોંધી ધોરણસરની કાર્યવાહી કરી હતી.

છરી સાથે પકડાયેલા શખ્સોની યાદી
પ્રતાપ કાળુભાઇ સોઢા : ગાંધીગ્રામ પોલીસ સ્ટેશન
અંશ અતુલભાઈ લૂણીયાતર : ગાંધીગ્રામ પોલીસ સ્ટેશન
પ્રવીણ કેશુભાઈ સાદીયા : ગાંધીગ્રામ-2 પોલીસ સ્ટેશન
રાહુલ કિશોરભાઈ વાઘેલા : ગાંધીગ્રામ-2 પોલીસ સ્ટેશન
રાકેશ નારણભાઇ ઠાકરીયા : માલવીયાનગર પોલીસ સ્ટેશન
સંજય રઘુભાઇ ડોડીયા : માલવીયાનગર પોલીસ સ્ટેશન
દેવાંગ સંજયભાઈ પરમાર : માલવીયાનગર પોલીસ સ્ટેશન
પૂરણ નટવરભાઈ દતાણી : માલવીયાનગર પોલીસ સ્ટેશન
વેલશી પાંચાભાઇ રાજપરા : બી ડિવિઝન પોલીસ સ્ટેશન
દિના માનસિંગ બામનીયા : આજી ડેમ પોલીસ સ્ટેશન

દારૂ ઢીંચી નીકળેલા શખ્સોની યાદી
સંજય માત્રાભાઈ મુંધવા : બી ડિવિઝન પોલીસ સ્ટેશન
લાલજી હરજીભાઇ જીંજવાડીયા : બી ડિવિઝન પોલીસ સ્ટેશન
ભલા ગાંડુભાઇ ચૌહાણ : કુવાડવા પોલીસ સ્ટેશન
અજય મનુભાઈ ગોરસવા : કુવાડવા પોલીસ સ્ટેશન
સંજય બાબુભાઇ એંધાણી : કુવાડવા પોલીસ સ્ટેશન
શિવા જયંતીભાઈ જંજવાડીયા : કુવાડવા પોલીસ સ્ટેશન
જાદવ પ્રભાતભાઈ જંજવાડીયા : કુવાડવા પોલીસ સ્ટેશન
ચંદન ખુશિલાલ ચૌહાણ : આજી ડેમ પોલીસ સ્ટેશન
પંકેશ ઉપેન્દ્રભાઈ રાઠોડ : ગાંધીગ્રામ પોલીસ સ્ટેશન
જયેશ કાંતિલાલ જોષી : ગાંધીગ્રામ પોલીસ સ્ટેશન
જેન્તી હીરાભાઈ વાઘેલા : ગાંધીગ્રામ પોલીસ સ્ટેશન
મનોજ કિશનચંદ મોટવાણી : ગાંધીગ્રામ પોલીસ સ્ટેશન
રવિન્દ્ર રામવહર રાજભર : ગાંધીગ્રામ પોલીસ સ્ટેશન
વિજય હમીરભાઇ વાજા : ગાંધીગ્રામ-2 પોલીસ સ્ટેશન
સાગર નાગજીભાઈ બારોટ : ગાંધીગ્રામ-2 પોલીસ સ્ટેશન
લાલજી પોપટભાઈ રાઠોડ : ગાંધીગ્રામ-2 પોલીસ સ્ટેશન
બિક્રમ બીરસિંગ સીંગ : ગાંધીગ્રામ-2 પોલીસ સ્ટેશન
દિનેશ માનબહાદુર સાઉદ : ગાંધીગ્રામ-2 પોલીસ સ્ટેશન
જયેશ જગાભાઈ રાઠોડ : માલવીયાનગર પોલીસ સ્ટેશન
રવિ કલુભાઈ કોળી : માલવીયાનગર પોલીસ સ્ટેશન
કમાન નેનસિંગ રાણા : તાલુકા પોલીસ સ્ટેશન
જયદેવસિંહ ઘનશ્યામસિંહ ચુડાસમા : તાલુકા પોલીસ સ્ટેશન
જાવેદ રહીમભાઈ ખોખડ : તાલુકા પોલીસ સ્ટેશન
ધર્માગ પરેશભાઈ સોલંકી : તાલુકા પોલીસ સ્ટેશન
લાખા જીવાભાઈ ભરડા : આજી ડેમ પોલીસ સ્ટેશન

રાજકોટમાં આડેથી પેટ્રોલ લઈ જનાર શખ્સને ટપારનાર મહિલા વકીલને મારી નાખવાની ધમકી : તૂ વકીલ હોય તો તારા ઘરની અમને બીક નથી કહી ધમાલ : માતા-પૂત્ર સામે પ્રનગરમાં ફરિયાદ

રાજકોટના રેલનગરમાં છત્રપતિ શિવાજી ટાઉનશીપમાં રહેતા અને વકીલાતનો વ્યવસાય કરતા હિરલબેન હસમુખભાઈ જાનીએ અજાણ્યા પુરુષ અને તેની માતા સામે પ્રનગર પોલીસમાં ફરિયાદ નોંધાવી છે. ફરિયાદમાં જણાવ્યું હતું કે આજ રોજ સવારના આસરે સવા દસેક વાગ્યાના અરસામા હુ ઘરેથી રાજકોટ કોર્ટમા કામકાજ અર્થે જવા નીકળી હતી અને વિવેક ફ્યુલ નામના પેટ્રોલપંપ રેલનગર ખાતે એક્ટીવામા પેટ્રોલ પુરાવા ગઇ હતી ત્યાં લાઇનમાં ઉભી હતી ત્યારે એક માણસ જે જગ્યાએ પેટ્રોલ પુરતા હતા ત્યા આવેલ અને પેટ્રોલ પુરનાર વ્યક્તી સાથે વાતચીત કરી હતી ત્યાર બાદ પેટ્રોલ પુરનાર વ્યાક્તીએ એક ટિનના ડબ્બામા તેને પેટ્રોલ આપતા મે જણાવેલ કે અમો અહી લાઈનમા ક્યારના ઉભા છીએ અને તમો વચ્ચે કેમ પેટ્રોલ આપો છો તેમ કહેતા પેટ્રોલ લઈ જનાર માણસ મારી ઉપર એક્દમ ઉશ્કેરાઇ ગયેલ અને ભુંડા બોલી ગાળો આપવા લાગેલ અને મને તમારે કઈ કહેવુ નહી, નહીતો હુ તમને જાનથી મારી નાખીશ તેવી ધમકી આપેલ અને થોડિવાર પછી તુરંત જ તે માણસ એક સ્ત્રી સાથે આવેલ અને તે સ્ત્રીએ મને કહેલ કે હુ આની માં છુ અને તારા જેવી મારો દિકરો ૭૦ને રાખી બેઠેલ છે અને કહેલ કે તુ વકીલ હોઈ તો તારા ઘરની અમોને કાયદાની કોઈ બિક નથી અને આ બન્ને માં દિકરાએ મને મારવા માટે હુમલો કરી ગાળો બોલી જાનથી મારી નાખવાની ધમકી આપી હોવાથી મેં ફરિયાદ નોંધાવી હતી.

ઘર ખર્ચના પૈસા માવતરેથી લાવવા દબાણ કરી, મારકૂટ કરતા પતિ સામે પત્નીની ફરિયાદ

રાજકોટના ગુંદાવાડીમાં ત્રણેક વર્ષથી રહેતા સ્વીટીબેન જયશેભાઇ જળુ ઉ. 29એ કુતિયાણાના ડેંડુકા ગામે રહેતા તેના પતિ જયેશ કાનાભાઇ જળું સામે શારીરિક માનસિક ત્રાસ આપવા અંગે મહિલા પોલીસ સ્ટેશનમાં ફરિયાદ નોંધાવી છે. ફરિયાદમાં જણાવ્યું હતું કે મારા લગ્ન 2023માં થયા હતા લગ્ન બાદ મારુ લગ્નજીવન થોડા દિવસ સારું ચાલેલ બાદ નાની નાની બાબતમા મારા પતિએ મને માનસિક ત્રાસ આપવાનુ ચાલુ કરી દિધેલ. અને મારે લગ્ન પછી રાજકોટ જ રહેવાની બોલી હતી છતા મારા પતિ મને મારા સાસુની તબિયત સારી નથી એવુ ખોટું બહાનુ કાઢી એન કેન પ્રકારે ડાડુકા ગામે મારા સાસરીમા લઈ જતા અને ગામડે હું કાઈ કામ કરતી નથી એમ કહી મારા સાસુ મારા પતિને મારા વિરુધ્ધ કાન ભંભેરણી કરતા જેથી મારા પતિ મારી સાથે ઝઘડો કરતા બાદ મારા પપ્પાની અચાનક તબિયત ખરાબ થઇ ગયેલ અને મારા માતા-પિતાને હું એક જ સંતાન હોય. જેથી મારા મમ્મીએ મને ફોન કરી અને જણાવેલ કે તારા પપ્પાની તબિયત બહુ ખરાબ છે. જેથી તું આવી જા એમ કહેતા હું ડરી ગયેલ અને મેં મારા પતિને આ વાત કરતા મારા પતિ મને જેમ ફાવે તેમ બોલવા લાગી મારી સાથે ઝઘડો કરવા લાગેલ અને મને ઘરેથી કાઢી મુકેલ અને ત્યારે મારે બે એક મહીનાની પ્રેગનેશી હતી. અને મારી તબિયત પણ સારી નહોતી છતા મને એકલીને ઘરેથી કાઢી મુકતા હું બસ સ્ટેશન ગયેલ અને મારા મમ્મીને ફોન કરેલ જેથી મારા મમ્મીએ અમારા સગાને ફોન કરેલ અને મારા સંબધી મારા પતિ સમજાવતા મારા પતિ બસ સ્ટેશને આવી મને તેડી જવાના બદલે બધા વચ્ચે મારી સાથે જઘડો કરવા લાગેલ. બાદ હું રાજકોટ આવી ગયેલ અને થોડા દિવસ પછી અમારા વડિલો રાહે સમાધાન કરી મને રાજ્કોટ ખાતે મારા પતિ સાથે રહેવા મોકલી દીધેલ. બાદ મારા પતિ ઘરમા કોઇ ખર્ચ આપતા નહી જેથી ઘરની કોઈ વસ્તુ લેવાનુ કહેતી તો મારા પતિ કહેતા કે તારી માંના ઘરેથી લયાવ એમ કહી મને મહેણા ટોણા મારી માનસિક ત્રાસ આપતા અને મારે પ્રેગ્નેન્શી હોય અને મારી પણ તબિયત સારી રહેતી ન હોય છતા મારા પતિ મને હોસ્પિટલ લઇ જતા નહી આમ મને માનસિક ત્રાસ આપવાનુ ચાલુ રાખેલ. એક દિવસ હું પ્રેગનેંટ હોય અને ઘરે એકલી હોય છતા મારા પતિ મને ઘણી વખત એકલી મુકી અને ગામડે મારા સાસુ પાસે જતા રહેતા. બાદ હું મારા પતિ ને ફોન કરતી તો મારા પતિ મને સરખો જવાબ આપતા નહી અને ગામડેથી આવી મારી સાથે ઝઘડો કરતા અને કહેતા કે તારી માં જ મારું ઘર હાલવા દેતા નથી. એમ કહી મને અને મારી મમ્મીને જેમ ફાવે તેમ બોલતા અને મારી ઝઘડો કરી મને ઘરેથી કાઢી મુકતા એક દિવસ મારી તબિયત બગડતા મને હોસ્પિટલ લઇ ગયેલ નહી અને મારી સાથે ઝઘડો કરી મારી સાથે હાથ ચાલાકી કરવા લાગેલ જેથી મેં ૧૮૧ અભયમ હેલ્પલાઈનની ટીમ બોલાવતા અમારું સમાધાન કરાવ્યું હતું બાદ મારા પતિ મને મારા પિયરમાથી પૈસા લઈ આવવા બાબતે માનસિક ત્રાસ આપતા હું રક્ષાબંધનના તહેવાર પર રાજીખુશીથી પિયર ગઈ હતી બાદ મારા પતિ કે સાસરીવાળા મને તેડવા આવેલ નહી જેથી મેં સમાધાન કરવા માટે મહિલા પોલીસ સ્ટેશન ખાતે અરજી કરેલ અને સામાવાળાને બોલાવી બન્ને પક્ષોનુ કાઉન્સિંગ કરેલ.છતા પણ મારા પતિ સમાધાન કરેલ નહી જેથી કોર્ટમાં કેસ કર્યા બાદ અંતે ફરિયાદ નોંધાવી હતી.

બોગસ નંબર પ્લેટ લગાડેલી કારમાં અંગ્રેજી દારૂની હેરાફેરી કરતો જસદણનો શખ્સ ઝડપાયો

રાજકોટમાં બોગસ નંબર પ્લેટ લગાડેલી કારમાં અંગ્રેજી દારૂની હેરાફેરીનો એલસીબીના સ્ટાફે પર્દાફાશ કરી જસદણ પંથકના રાજાવડલા ગામના પ્રવિણ બચુભાઈ ઝાલાને 67 હજારના અંગ્રેજી દારૂ સાથે ઝડપી લીધો છે. રાજકોટ એલસીબીના સ્ટાફે ચોક્કસ બાતમીના આધારે ભુપગઢથી સરધાર તરફ જતા રોડ પરથી પસાર થયેલી વર્ના કારને અટકાવી તેની ડેકી ચેક કરતા 67 હજારનો દારૂ મળી આવ્યો હતો. વધુ તપાસમાં કાર ઉપર ખોટી નંબર પ્લેટ લગાડાયાનું પણ બહાર આવ્યું હતું ચાલક પ્રવિણની પુછપરછ કરતા ચોટીલાના ફુલઝરથી કુલદીપ શિવકુભાઈ વિકમાએ આ દારૂનો જથ્થો ભરી આપી કોટડાસાંગાણીના સોળીયા ગામના શિવરાજસિંહ જાડેજાને પહોંચાડવાની સુચના આપ્યાની કબૂલાત આપી હતી. જેથી એલસીબીના સ્ટાફે કુલદીપ અને શિવરાજસિંહને વોન્ટેડ દર્શાવી બંનેને ઝડપી લેવા તજવીજ શરૂ કરી છે.

જસદણની યુવતીના વીડિયોમાં બદનક્ષીભર્યું લખાણ કરી શખ્સે વાયરલ કર્યા : પોલીસે છેડતી સહિતનો ગુનો નોંધી ખેડા પંથકના પૂર્વ પ્રેમીની કરી ધરપકડ

જસદણ પંથકની યુવતીના ફોટો-વિડીયો બદનક્ષીભર્યા લખાણ સાથે સોશિયલ મીડિયામાં વાયરલ કરી પૂર્વ પ્રેમીએ પજવણી કરી હોય આ પોસ્ટ યુવતીના પરિવાર સુધી પહોંચતા પૂર્વ પ્રેમીની કરતૂતનો ભાંડો ફૂટતાં જસદણ પોલીસે છેડતી સહીતની કલમો હેઠળ ગુનો નોંધી કઠલાલના શખ્સની ધરપકડ કરી છે. પ્રાપ્ત માહિતી મુજબ જસદણ પંથકની એક યુવતીના અલગ અલગ ફોટોનો વિડીયો બનાવી બદનક્ષીભર્યા લખાણ સાથે ઇન્સ્ટાગ્રામ આઇડી પર પોસ્ટ કરી યુવતી અને તેના પરીવારજનોની સમાજમાં બદનામી થાય તેવા લખાણ સાથેના વિડીયો યુવતીના પરિવાર સુધી પહોંચતા ચકચાર મચી ગઈ હતી યુવતીએ જસદણ પોલીસ મથકે દોડી જઈ અલગ અલગ ઇન્સ્ટાગ્રામ આઇડીના ધારક વિરુદ્ધ ફરીયાદ નોંધાવતા જસદણ પોલીસ છેડતી અને પજવણી સહીતની કલમોં હેઠળ ગુનો નોંધી પીઆઈ જે પી ગોસાઈના માર્ગદર્શન હેઠળની ટીમોએ તાત્કાલિક ઇન્સ્ટાગ્રામ આઇડીની ટેક્નિકલ સર્વેલન્સના આધારે તપાસ કરતા આ આઇડી ખેડાના કઠલાલ ગામના પંકજ રાજેશ ડાભી નામના શખ્સે બનાવ્યાનું ખુલ્યું હતું જેથી તાત્કાલિક જસદણ પોલીસે પંકજ ડાભીની ધરપકડ કરી હતી પોલીસની પૂછપરછમાં પંકજ ડાભીએ કબૂલાત આપી હતી કે, આશરે એકાદ વર્ષ પૂર્વે ભોગ બનનાર યુવતીનો ઇન્સ્ટાગ્રામ મારફતે સંપર્ક થયો હતો. બાદ બંને વચ્ચે પ્રેમ થયો હતો એક વર્ષ સુધી પ્રેમ સંબંધ રહ્યા બાદ યુવતીએ મિત્રતા તોડી નાખવાની વાત કરતા ઉશ્કેરાયેલા શખ્સે અલગ અલગ આઠ ઇન્સ્ટાગ્રામ આઇડી બનાવી યુવતી અને તેના પરીવારની બદનામી કરવાના ઇરાદે અલગ અલગ પોસ્ટ મૂકી વાયરલ કરી હતી. હાલ પોલીસે આરોપીની ધરપકડ કરી વધુ તપાસ હાથ ધરી છે.

દેવપરા અને લીલાખાની સીમમાં સરકારી જમીન પર ચાલતા બેલા ચોરીનું કૌભાંડ ઝડપાયું

જસદણના દેવપરા અને લીલાખા ગામ ગામની સીમમાંથી ગેરકાયદે બેલાની ચોરીના કૌભાંડનો પર્દાફાશ રેન્જ આઇજી ટીમે કર્યો છે પોલસીએ દરોડો પાડી ચાર ટ્રેકટર અને સાત ચરખી સહીત 27 લાખનો મુદ્દામાલ કબ્જે કર્યો હતો. સરકારી જમીન પર ત્રણ શખ્સો બેરોકટોક ચરખી ચલાવતા હોવાનું સામે આવ્યું છે. દરોડાની વિગત અનુસાર રાજકોટ રેન્જ આઈજી નિર્લિપ્ત રાય દ્વારા રેન્જ હસ્તકના જિલ્લાઓમાં ગેરકાયદેસર પ્રવૃતિ આચરનારા શખ્સો ઉપર અંકુશ લાવવા તથા સરકારી સંપતીને તેમજ કુદરતી સંપતીને નુકશાન કરતા શખ્સો વિરુધ્ધ કડક કાર્યવાહી કરવાની આપેલ સૂચનાથી રાજકોટ રેન્જ ટીમના પીઆઈ અપૂર્વ પટેલની રાહબરીમાં પીએસઆઈ પી.એન.મોરી, બી.સી.મીયાત્રા અને સી.એમ.કાંટેલીયાની રાહબરી હેઠળની ટીમો વર્કઆઉટમાં હતી. તે દરમિયાન પીએસઆઈ બી.સી.મીયાત્રા તથા તેમની ટીમના કુલદિપસિહ ચુડાસમા, વકારભાઇ અરબ, દિવ્યેશભાઇ સુવા, અનીરુધ્ધસિહ જાડેજા તથા નિકુલભાઇ પંપાણીયાને હકિકત મળી હતી કે, જસદણ પોલીસ મથક વિસ્તારના દેવપરા અને લીલાપર ગામની સીમમાં પુનમ વાછાણી, મગન વાછાણી અને અંકીત વાછાણી નામના શખ્સો સરકારી જમીનમાંથી ગેરકાયદેસર ખોદકામ કરી ખનીજ પથ્થરની ખાણ ચલાવી રહ્યા છે બાતમી આધારે પીએસઆઈ બી.સી.મિયાત્રાની ટીમે દરોડો પાડી દેવપરા અને લીલાપર ગામની સીમમાંથી ગેરકાયદે બેલાની ચોરીનું કૌભાંડ ઝડપી પાડ્યું હતું. પોલીસે અલગ અલગ ચાર ટ્રેકટર અને સાત ચરખીઓ મળી કુલ 27 લાખનો મુદ્દામાલ કબ્જે કરી ટ્રેકટરના ડ્રાઈવરોને હસ્તગત કરી સ્થાનીક પોલીસને બોલાવી આગળની કાર્યવાહી અર્થે ખાણ ખનીજ વિભાગને જાણ કરવામાં આવી હતી.

મોચી બજારમાં ચાલતા ગેરકાયદે કતલખાના પર દરોડો

રાજકોટની આજી ડેમ ચોકડી પાસે રામ પાર્કમાં રહેતા અને કોટડાસાંગાણીમાં કૃપા ફાઉન્ડેશન નામે સંસ્થા ચલાવતા જયેન્દ્રભાઈ અનિલભાઈ ચંદવાણીયાએ એ ડિવિઝન પોલીસમાં નોંધાવેલી ફરિયાદમાં જણાવ્યું હતું કે તેમને માહિતી મળી હતી કે મોચી બજાર ખાટકીવાસમાં આવેલ રફીક મંઝિલ નામના મકાનમાં ગેરકાયદે કતલખાનું ચાલી રહ્યું છે આ બાતમી આધારે એ ડિવિઝન પોલીસ મથકના પીએસઆઈ વી કે ઝાલા સહિતને સાથે રાખીને દરોડો પાડતા મકાનમાંથી માસના ટુકડા મળી આવ્યા હતા જેથી ત્યાં હાજર શખ્સનું નામઠામ પૂછતાં પોતે અલ્તાફ ઇબ્રાહીમભાઇ મુસાણી હોવાનું જણાવતા તેની અટકાયત કરી પોલીસ સ્ટેશને લઇ જઈ પૂછતાછ કરતા પોતાની પાસે કોઈ લાયસન્સ નહીં હોવાનું જણાવતા અને તેના ઘરમાંથી બે પાડાના મૃત અવષેશો મળી આવતા તેના વિરુદ્ધ પશુ પ્રત્યે ઘાતકી પણાની કલમ હેઠળ ગુનો નોંધી ધરપકડ કરી હતી.

દારૂના 48 ચપલા સાથે એક શખ્સની ધરપકડ

રાજકોટમાં દારૂ જુગારના કેસો કરવાની સૂચના અન્વયે એલસીબી ઝોન 2ના પીએસઆઈ એસ વી ચુડાસમા, એએસઆઈ જયંતીભાઈ ગોહિલ, હરપાલસીંહ જાડેજા, કુલદીપસિંહ રાણા, શક્તિસિંહ ગોહિલ, સત્યજિતસિંહ જાડેજા, ધર્મરાજસિંહ ઝાલા, સહદેવસિંહ જાડેજા અને મૈસુરભાઈ કુંભારવડિયા સહિતની ટિમ પેટ્રોલિંગમાં હતી ત્યારે સ્ટાફને મળેલી બાતમી આધારે કોઠી કમ્પાઉન્ડ ગેટ પાસે વોચ ગોઠવી હતી દરમિયાન બાતમીવાળો શખ્સ મોં.સા. લઈને નીકળતા તેને અટકાવી જડતી લેતા તેની પાસેથી દારૂના 48 ચપલા ભરેલૂ ઝબલું મળી આવતા તેનું નામઠામ પૂછતાં પોતે આજી ડેમ ચોકડી પાસે ભીમરાજનગરમાં રહેતો રાહુલ રમેશભાઈ બોરીચા હોવાનું જણાવતા પોલીસે તેના વિરુદ્ધ ગુનો નોંધી ધરપકડ કરી દારૂ, વાહન સહીત 51,080 રૂપિયાનો મુદામાલ કબ્જે કર્યો હતો.

આર.કે. પાર્કમાં જુગાર રમતી પાંચ મહિલા ઝડપાઇ

રાજકોટમાં દારૂ જુગારના કેસો કરવાની સૂચના અન્વયે તાલુકા પોલીસ મથકના પીએસઆઈ બી.આર.ભરવાડ, બલભદ્રસિંહ જાડેજા સહિતનો સ્ટાફ પેટ્રોલિંગમાં હતો ત્યારે સ્ટાફને મળેલી બાતમી આધારે મહિલા પોલીસને સાથે રાખીને આરકે પાર્કમાં દરોડો પાડી રહેણાંક મકાનમાં જુગાર રમતા જુલીબેન નિલેશભાઈ ગાંધી, સોનલબેન નીખિલભાઈ પટેલ, રીનાબેન મેહુલભાઈ મણવર, ક્રિષ્નાબેન સમીરભાઈ સેવક અને મીતાબેન પ્રજ્ઞેશભાઈ હર્ષની ધરપકડ કરી રોકડા 37,650 કબ્જે કર્યા છે.