ટ્રમ્પ સરકારે ₹68 લાખ ફીનો પ્રસ્તાવ મૂક્યોઃ ભારત-ચીનના વિદ્યાર્થીઓ પર સૌથી વધુ અસર
અમેરિકામાં અભ્યાસ કરતા વિદેશી વિદ્યાર્થીઓ માટે અભ્યાસ પછી નોકરી કરવી મોંઘી પડી શકે છે. ટ્રમ્પ સરકારે દરેક નવા વિદ્યાર્થી માટે ૭૦ હજાર ડોલર એટલે કે આશરે ₹૬૮ લાખની ફી વસૂલવાનો પ્રસ્તાવ મૂક્યો છે. આ ફી ઑપ્શનલ પ્રેક્ટિકલ ટ્રેનિંગ (OPT) માટે રાખવામાં આવી છે. તેના હેઠળ વિદેશી વિદ્યાર્થીઓને અભ્યાસ પૂર્ણ કર્યા પછી અમેરિકામાં નોકરી કરવાની મંજૂરી મળે છે. ફી વિદ્યાર્થીએ નહીં, પરંતુ તેની કોલેજ અથવા યુનિવર્સિટીએ ચૂકવવી પડશે. આ નિર્ણયની સૌથી વધુ અસર ભારત અને ચીનના વિદ્યાર્થીઓ પર પડશે. ૨૦૨૪-૨૫ના આંકડા મુજબ, અમેરિકામાં ભારતના આશરે ૩.૬૩ લાખ અને ચીનના આશરે ૨.૬૬ લાખ વિદ્યાર્થીઓ અભ્યાસ કરી રહ્યા હતા. એટલે કે બંને દેશોના આશરે ૬.૩ લાખ વિદ્યાર્થીઓ અમેરિકામાં અભ્યાસ કરે છે. આમાંથી ઘણા વિદ્યાર્થીઓ અભ્યાસ પૂર્ણ કર્યા પછી OPT મારફતે અમેરિકામાં નોકરી કરે છે. ખાસ કરીને ભારતીય વિદ્યાર્થીઓ મોટી સંખ્યામાં એન્જિનિયરિંગ, ટેક્નોલોજી અને અન્ય વિષયોનો અભ્યાસ કરે છે.
- Advertisement -
