કાલે દિલ્હીમાં ફરી વંદાઓ ઉભરાશેઃ ભારે ટેન્શન

દિલ્હી આવતી અનેક ટ્રેનો રદ્દ, 57 મેટ્રો સ્ટેશન બંધ, પોલીસે 10 ડિટેન્શન સેન્ટર બનાવ્યા

દિલ્હીમાં કોકરોચ જનતા પાર્ટી (CJP)ના આવતીકાલે યોજાનારા પ્રદર્શનને પોલીસે મંજૂરી આપી નથી. પોલીસ તરફથી કહેવામાં આવ્યું કે પ્રદર્શનની જાણકારી મોડેથી આપવામાં આવી છે. આ દરમિયાન નવી દિલ્હી અને હઝરત નિઝામુદ્દીન સ્ટેશન પર આવતી તમામ મેલ અને એક્સપ્રેસ ટ્રેનો આવતીકાલે રદ રહેશે. મીડિયા અહેવાલો અનુસાર, રેલવેએ આ ટ્રેનોને તેમના પ્રારંભિક સ્ટેશનો પરથી જ રદ કરી દીધી છે. ખરેખરમાં, CJP અને ડાબેરી સંગઠનોએ દેશભરમાં સમર્થકોને કસ્ટડીમાં લેવાનો આરોપ લગાવ્યો છે. પોલીસે વિરોધ પ્રદર્શન પહેલાં ૫૭ મેટ્રો સ્ટેશનો બંધ કરવાનો અને ૧૦ ડિટેન્શન સેન્ટર બનાવવાનો નિર્ણય લીધો છે. આ પહેલા ગુરુવારે રાત્રે કોકરોચ જનતા પાર્ટીએ જણાવ્યું કે પુણેના વિદ્યાર્થીઓને દિલ્હી જતી વખતે રસ્તામાં જ કસ્ટડીમાં લેવામાં આવ્યા. તેમને બસમાંથી અજાણ્યા સ્થળે લઈ જવામાં આવ્યા. આ દરમિયાન, CJPએ મધ્ય પ્રદેશનો એક વીડિયો પણ શેર કર્યો. તેમાં ચાલતી બસમાં યુવાનોને બતાવવામાં આવ્યા છે. એક યુવકે મધ્ય પ્રદેશ પોલીસ દ્વારા કસ્ટડીમાં લેવામાં આવ્યાની વાત કહી. તેમણે કાર્યકર્તાઓના ઘરે જઈને પરિવારોને ડરાવવાનો પણ આરોપ લગાવ્યો. કાલે ૧૦ ઓક્ટોબરે દિલ્હીના જંતર-મંતર ખાતે મુખ્ય ચૂંટણી કમિશનર જ્ઞાનેશ કુમારના રાજીનામા માટે પ્રદર્શન કરશે.