અમદાવાદમાં બે અકસ્માત : ઇસ્કોન બ્રિજ પાસે ફૂલ સ્પીડમાં જતી સ્વિફ્ટ ડિઝાયર બેકાબૂ, BMW સહિત 3 કાર અડફેટે લીધી
કારચાલક હિમાંશુ સિવિલમાંથી પોલીસને થાપ આપી ફરાર
- Advertisement -
અમદાવાદમાં ગત રાત્રે ઈસ્કોન બ્રિજ અને સાબરમતીમાં એક-એક અકસ્માત થયા છે. જેમાં ઈસ્કોન બ્રિજ પાસે મોડી રાત્રે કાર ચાલકે વાહનોને અડફેટે લીધા હતા. પકવાન ચાર રસ્તા તરફથી ફૂલ સ્પીડમાં આવતી સ્વિફ્ટ ડિઝાયર (GJ38 BC 1018) કારના ચાલક હિમાંશુએ સ્ટીયરિંગ પરથી કાબૂ ગુમાવતા કાર ચક્કર ફરી સર્વિસ રોડ પરની BMW સહિત ત્રણ કારને ટક્કર મારી હતી. આ અકસ્માતમાં કોઈ જાનહાનિ થઈ નથી. અકસ્માતની ઘટના સીસીટીવી કેમેરામાં પણ કેદ થઈ છે. જ્યારે સાબરમતીમાં થયેલા બીજ અકસ્માત અમદાવાદ શહેર ટ્રાફિકના PSI ભરત પંડ્યાએ કર્યો છે. તેમણે નશાની હાલતમાં પોતાની ક્રેટા (GJ04 DA6745)થી અકસ્માત કર્યો હતો. તેમજ ડેકીમાં દારૂની બોટલ હતી. PSI ભરત પંડ્યાને અન્ય પોલીસકર્મી દ્વારા સાબરમતી પોલીસ સ્ટેશન લાવવામાં આવ્યા ત્યારે તે ઊભા જ ન રહ્યા. આ સાથે મીડિયા સમક્ષ વીડિયો લેવા ઊભા રહેવાનું કહ્યું, પરંતુ PSI રોફ જમાવી ત્યાંથી નિકળી ગયા. સામાન્ય રીતે આરોપીને લોકઅપમાં રાખવામાં આવે છે, પરંતુ આ કેસમાં આરોપી PSI હોવાથી તેમને રૂમમાં બેસાડવામાં આવ્યા છે. પોલીસ ઈસ્કોન બ્રિજ પહોંચે તે પહેલા ગાડીઓને અડફેટે લેનાર હિમાંશુને ૧૦૮માં સોલા સિવિલમાં સારવાર અર્થે ખસેડાયો હતો. જો કે સારવાર દરમિયાન પોલીસને થાપ આપીને ફરાર થઈ ગયો હતો. હાલ પોલીસ તેની શોધખોળ શરૂ કરી છે.
અકસ્માત સર્જનાર કારચાલક અમરાઈવાડી વિસ્તારનો રહેવાસી હિમાંશુ હોવાનું સામે આવ્યું છે. તે પોતાના મિત્ર પાસેથી ફોર-વ્હીલર કાર લાવ્યો હતો. કારમાં કુલ ૬ લોકો સવાર હતા. પકવાન ચાર રસ્તા તરફથી ઈસ્કોન બ્રિજ પાસે આવતા જ ચાલકે કાર પરનો કાબૂ ગુમાવ્યો હતો. અકસ્માતના ધડાકાના અવાજથી આસપાસના લોકો તાત્કાલિક ઘટનાસ્થળે ભેગા થઈ ગયા હતા. ઈનોવા કારને વાગેલી ટક્કર એટલી જોરદાર હતી કે તે આગળ પડેલી શર૦ ગાડી સાથે અથડાઈ હતી અને ત્યારબાદ કાર રિવર્સ થઈને ત્યાં સ્થિત એક ઈખઠ કાર સાથે ભટકાઈ હતી. અકસ્માત સમયે ઈખઠ કારમાં ચાલક હાજર હતો, પરંતુ સદ્દનસીબે તેને કોઈ ઈજા પહોંચી ન હતી. સીસીટીવી પણ જોઈ શકાય છે કે, બેફામ સ્પીડમાં આવતી કાર કેવી રીતે દિશા બદલીને એક પછી એક ગાડીઓનો કચ્ચરઘાણ વાળે છે. કારચાલક હિમાંશુએ પોતે જ કાર ચલાવતો હોવાનું અને અકસ્માત સર્જ્યો હોવાનું વિડિયોમાં સ્વીકાર્યું છે.
PSIની કારમાંથી દારૂની બોટલો મળી
અમદાવાદ શહેરના PSI ભરત પંડયાનો પણ એક વીડિયો વાઇરલ થયો છે, જેમાં PSIની (GJ04 DA6745) ક્રેટા કારની ડેકીમાં દારૂની બોટલ હતી. તેમણે દારૂ પીધેલી હાલતમાં સાબરમતીના ત્રાગડ રબારી વાસના નાકે અકસ્માત કર્યો હતો. સ્થાનિકોએ PSI પંડયાને ઘેરીને વીડિયો બનાવી પોલીસને જાણ કરતા સાબરમતી પોલીસ ઘટનાસ્થળે પહોંચી હતી. PSI પંડ્યા અને ગાડીને પોલીસ સ્ટેશન લઈ ગયા હતા. એસીપી ડી.વી રાણાએ જણાવ્યું કે, PSI ભરત પંડ્યા ટ્રાફિક વિભાગમાં નવ મહિનાથી ફરજ બજાવે છે. PSIની કારમાંથી ૯ જેટલી નાની-મોટી દારૂની બોટલો મળી આવી છે. PSI વિરુદ્ધ બે અલગ-અલગ દારૂની બોટલો મળવાની અને નશાની હાલતમાં હોવાની ફરિયાદો નોંધવામાં આવી છે. દારૂની બોટલો ક્યાંથી લાવ્યા તે અંગે તપાસ કરાશે. દારૂની બોટલો પોતાના માટે હતી કે, અન્ય કોઈને આપવાની હતી તે અંગે પણ તપાસ થશે.
- Advertisement -
PSI પંડયાનો વિવાદો સાથે જૂનો નાતો!
PSI ભરત પંડ્યા અગાઉ પણ અનેક વિવાદોમાં સપડાયેલા રહ્યા છે. અગાઉ તેઓ જ્યારે શાહીબાગ પોલીસ સ્ટેશનમાં કાર્યરત હતા, ત્યારે પણ નશાની હાલતમાં વાહન ચલાવીને કેટલીક લારીઓ ઊંધી વાળી દીધી હોવાના આક્ષેપો સાથે તેમનો વીડિયો વાઈરલ થયો હતો. આ ઉપરાંત, થોડા સમય પહેલા જ તેમના બીટમાં ફરજ બજાવતા એક ટીઆરબી જવાને ફરજ દરમિયાન રિપોર્ટ કરતા તેણે જવાનને માર મારવાની ધમકી આપી હતી. આ ધમકીના મામલે તે જવાને પીએસઆઈ સામે ફરિયાદ પણ દાખલ કરાવી હતી.
