ડુમીયાણી ટોલનાકે કારનો નવો ટેકસ 115, વઘાસીયામાં 110 અને વનાણામાં 80: માસિક પાસના દર પણ જાહેર
2022માં ટોલટેકસ પેટે સરકારે 50855 કરોડ ઉઘરાવ્યા; વધારો પાછો ખેંચવા કોંગ્રેસની માંગ
- Advertisement -
આવતીકાલથી નવા નાણાંકીય વર્ષના પ્રથમ દિવસથી જ વાહનચાલકો માથે નવો બોજ પડશે. રાજકોટથી પોરબંદર સહિતના જુદા-જુદા હાઈવે પરના ટોલનાકાઓ પરના ટોલદરમાં વધારો ઝીંકવામાં આવ્યો છે. ડુમીયાણી, વઘાસીયા, વનાણા જેવા ટોલનાકાઓ પરથી પસાર થતા વાહનચાલકોએ વધુ ટેકસ ચુકવવો પડશે. એવુ બહાર આવ્યું છે કે ગુજરાતમાં કુલ 49 ટોલનાકાઓ પરના ટોલટેકસમાં વધારો ઝીંકવામાં આવ્યો છે.
નેશનલ હાઈવે ઓથોરીટી દ્વારા જાહેર કરાયા મુજબ મોરબી જીલ્લામાં આવતા વઘાસીયા ટોલનાકા પરનો ટોલદર કાર જેવા નાના વાહનો માટે 110 કરાયો છે જયારે લાઈટ કોમર્સીયલ વાહનો માટે 180 તથા બસ-ટ્રક માટે 380 થયો છે. 50 મુસાફરી માટેના માસિક પાસના 3725 થયા છે.
ડુમીયાણી ટોલનાકે કાર જેવા નાના વાહનોએ ટોલટેકસ પેટે રૂા.115 ચુકવવા પડશે. નાના વ્યાપારી વાહનો માટે 185 તથા બસ-ટ્રક માટે 390નો ટેકસ રહેશે. માસિક પાસના 3865 રહેશે તેમાં 50 વકત મુસાફરી થઈ શકશે.
- Advertisement -
વનાણા ટોલનાકા પર કાર જેવા નાના વાહનો માટે ટોલટેકસ રૂા.80 રહેશે. જયારે નાના કોમર્સીયલ વાહન માટે 125 તથા બસ-ટ્રકના રૂા.265 થશે. 50 મુસાફરીની મર્યાદામાં માસિક પાસમાં રૂા.2610 થશે.
