T20 વર્લ્ડ કપમાં ભારત-ઈંગ્લેન્ડ વચ્ચે સાંજે 7.00 વાગ્યે સેમિફાઈનલ મુકાબલો
ખાસ-ખબર ન્યૂઝ રાજકોટ
- Advertisement -
ઝ20 વર્લ્ડ કપની બીજી સેમિફાઈનલ મેચ આજે ભારત અને ઇંગ્લેન્ડ વચ્ચે રમાશે. આ મેચ મુંબઈના વાનખેડે સ્ટેડિયમમાં સાંજે 7:00 વાગ્યે શરૂ થશે, જ્યારે ટોસ 6:30 વાગ્યે થશે. બંને ટીમ સેમિફાઈનલમાં સતત ત્રીજી વખત ટકરાશે. આ પહેલા 2022 અને 2024માં બંને આમને-સામને હતી અને બંનેએ એક-એક જીત નોંધાવી છે. ભારતીય ટીમ છઠ્ઠી વખત ઝ20 વર્લ્ડ કપની સેમિફાઈનલમાં પહોંચી છે. આ પહેલા 2007, 2014, 2016, 2022 અને 2024માં ટોપ-4માં જગ્યા બનાવી ચૂકી છે, આ પાંચ તકોમાંથી તેને ત્રણ વખત જીત મળી છે. બીજી તરફ, ઇંગ્લેન્ડ પણ પાંચમી વખત સેમિફાઈનલ રમી રહ્યું છે. આ પહેલા તે 2010, 2016, 2021, 2022 અને 2024માં આ સ્ટેજ સુધી પહોંચ્યું હતું. જેમાંથી ત્રણ સેમિફાઈનલ જીતીને ફાઈનલમાં જગ્યા બનાવી હતી. ભારત અને ઇંગ્લેન્ડ વચ્ચે અત્યાર સુધી કુલ 29 મુકાબલા રમાયા છે. જેમાંથી ભારતે 17 મેચોમાં જીત મેળવી છે, જ્યારે ઇંગ્લેન્ડે 12 મુકાબલા પોતાના નામે કર્યા છે. ઝ20 વર્લ્ડ કપમાં ભારત અને ઇંગ્લેન્ડ વચ્ચે અત્યાર સુધી કુલ 5 મેચ રમાઈ છે. જેમાં ભારતે 3 મેચ જીતી છે, જ્યારે ઇંગ્લેન્ડને 2 મેચમાં સફળતા મળી છે. આ ઝ20 વર્લ્ડ કપમાં ભારત માટે સૂર્યકુમાર યાદવ શાનદાર ફોર્મમાં જોવા મળ્યો છે. તેણે 7 મેચમાં 231 રન બનાવ્યા છે, જેમાં તેનો બેસ્ટ સ્કોર 84* રહ્યો છે. બોલિંગમાં વરુણ ચક્રવર્તીએ શ્રેષ્ઠ પ્રદર્શન કર્યું છે. તેણે 7 મેચમાં 12 વિકેટ ઝડપી છે.
પીચ રિપોર્ટ અને રેકોર્ડ
વાનખેડે સ્ટેડિયમની પીચ સામાન્ય રીતે બેટર્સ માટે મદદરૂપ માનવામાં આવે છે. ચોખ્ખા હવામાનને કારણે ઝાકળ પણ મહત્વની ભૂમિકા ભજવી શકે છે, જેનાથી ટોસ જીતનારી ટીમ પહેલા બોલિંગ કરવાનો નિર્ણય લઈ શકે છે. અહીં 16 ઝ20 ઈન્ટરનેશનલમાં 8 વખત ટાર્ગેટને ચેઝ કરનારી ટીમ અને 8 વખત પહેલા બેટિંગ કરનારી ટીમને જીત મળી છે. 254 રન આ મેદાનનો સૌથી મોટો સ્કોર છે, જે વેસ્ટ ઇન્ડીઝે આ જ વર્લ્ડ કપમાં ઝિમ્બાબ્વે સામે બનાવ્યો હતો. અહીં 32 ઇનિંગ્સમાં 6 વખત 200+ સ્કોર બની ચૂક્યા છે. ઇંગ્લેન્ડની ટીમ જ 2025માં ભારત સામે 97 રનમાં ઓલઆઉટ પણ થઈ ચૂકી છે. વર્તમાન વર્લ્ડ કપમાં અહીં 7 મેચ રમાઈ છે. શરૂઆતની 3 મેચ પહેલા બેટિંગ કરનારી ટીમે જીતી હતી. ત્યારબાદ સતત 3 મેચોમાં ચેઝ કરનારી ટીમને સફળતા મળી. છેલ્લી મેચમાં વેસ્ટ ઇન્ડીઝે પહેલા બેટિંગ કરતા ઝિમ્બાબ્વેને 107 રનથી હરાવ્યું હતું.
