જિલ્લાભરમાં કાર્યરત અન્ય ૨૨૫ ગ્રામસંગઠ્ઠનો મહિલાઓને આર્થિક રીતે પગભર કરવાની દિશામાં રાજયસરકારની નેત્રદિપક કામગીરી
રાજકોટ જિલ્લા લાઇવલીહુડ મિશનના નેજા હેઠળ ગત માસે નવા પાંચ ગ્રામસંગઠ્ઠનોની રચના કરવામાં આવી છે.
શહેરી અને ગ્રામ્ય મહિલાઓને આર્થિક રીતે સ્વાવલંબી બનાવવા માટે રાજયસરકારે જિલ્લા ગ્રામ વિકાસ એજન્સીના માર્ગદર્શન હેઠળ મિશન મંગલમ અને લાઇવલીહુડ મિશનના માધ્યમથી રાજયભરની બહેનો માટે મિશન મંગલમ અને સખીમંડળની યોજના અમલમાં મુકી છે. આ તમામ સખીમંડળના બે-બે પ્રતિનિધિઓ મળીને ગ્રામ્ય સ્તરે ગ્રામસંગઠ્ઠનોની રચના કરવામાં આવે છે. જે સામાજિક ઉન્નતિ, રોજગારી, આરોગ્ય વગેરે જેવા ક્ષેત્રોમાં સક્રિય કામગીરી કરે છે. રાજકોટ જિલ્લાના ૨૨૫ ગ્રામસંગઠ્ઠનો ગ્રામ્ય વિસ્તારોમાં સામાજિક ઉન્નતિની ઉમદા કામગીરી કરી રહયા છે. જુલાઇ-૨૦૨૧ દરમ્યાન ધોરાજી, કોટડાસાંગાણી, જસદણ, વીંછીયા અને રાજકોટ તાલુકામાં એક એક નવા ગ્રામ સંગઠ્ઠનો બનાવવામાં આવ્યા છે, જે વિવિધ સ્તરે ગ્રામ્ય માળખું વધુ સુવિધાયુકત બને તેવા પ્રયત્નો કરશે, તેમ નેશનલ રૂરલ લાઇવલીહુડ મિશનના જિલ્લા આસીસ્ટન્ટ પ્રોજેકટ મેનેજર સરોજબેન મારડિયાની યાદીમાં જણાવાયું છે.
