રૂ. ૬૦ લાખથી વધુના ખર્ચે રાજકોટ તાલુકાના પાંચ ગામોની પીવાના પાણીની રીવાઇઝડ યોજનાને મંજૂરી

રાજકોટ જિલ્લા જળ અને સ્વચ્છતા એકમ(વાસ્મો) દ્વારા રાજકોટ તાલુકાના પાંચ ગામોની પીવાના પાણીની રીવાઇઝડ યોજનાઓને મંજૂરી આપવામાં આવી છે.

રાજકોટ તાલુકાના સણોસરા, હરિપર, ઉમરાળી, બાડપર અને લોધીડા ગામોની કુલ રૂ. ૬૦ લાખ ૬૪ હજાર ૬૮૫ની કિંમતની પીવાના પાણીની સુધારેલી યોજનાઓને મંજૂરી આપવામાં આવી છે. કલેકટર કચેરી ખાતે યોજાયેલી બેઠકમાં આ યોજનાઓને મંજૂરી આપવામાં આવી છે, તેમ રાજકોટ જિલ્લા જળ અને સ્વચ્છતા સમિતિના સભ્ય સચિવ અને કાર્યપાલક ઇજનેરશ્રી એન.જે.રૂપારેલની યાદીમાં જણાવાયું છે.