40 હજાર કરોડની નેટવર્થ: પોતાના બાળકો માટે આટલી સંપત્તિ છોડી ગયા ઝુનઝુનવાલા

સામાન્ય પરિવારમાં જન્મેલા પીઢ રોકાણકાર રાકેશ ઝુનઝુનવાલા બિઝનેસ જગતમાં બિગ બુલ તરીકે પણ જાણીતા હતા, રાકેશ ઝુનઝુનવાલાની કુલ સંપત્તિ લગભગ 40 હજાર કરોડ રૂપિયા છે

શેર માર્કેટમાં મોટું નામ ધરાવતા અબજોપતિ રાકેશ ઝુનઝુનવાલાનું રવિવારે 62 વર્ષની વયે નિધન થયું છે, તેમણે મુંબઈની બ્રીચ કેન્ડી હોસ્પિટલમાં અંતિમ શ્વાસ લીધા હતા. તેમનો જન્મ 5 જુલાઈ 1960ના રોજ મુંબઈમાં થયો હતો. સામાન્ય પરિવારમાં જન્મેલા પીઢ રોકાણકાર રાકેશ ઝુનઝુનવાલા બિઝનેસ જગતમાં બિગ બુલ તરીકે પણ જાણીતા હતા. ભારતના વોરેન બફેટ તરીકે જાણીતા રાકેશ ઝુનઝુનવાલાએ પોતાની પાછળ એક વિશાળ બિઝનેસ સામ્રાજ્ય છોડી દીધું છે. શું તમે જાણો છો રાકેશ ઝુનઝુનવાલા તેમના બાળકો માટે કેટલી સંપત્તિ છોડીને ગયા છે ?

રાકેશ ઝુનઝુનવાલાનો પરિવાર

રાકેશ ઝુનઝુનવાલાના પરિવારમાં પત્ની રેખા ઝુનઝુનવાલા, પુત્રી નિષ્ઠા ઝુનઝુનવાલા, પુત્ર આર્યમાન ઝુનઝુનવાલા અને પુત્રી આર્યવીર ઝુનઝુનવાલા છે. રાકેશ ઝુનઝુનવાલાની કુલ સંપત્તિ લગભગ 40 હજાર કરોડ રૂપિયા છે. અહીં જણાવી દઈએ કે, તેમની અકાસા એરમાં સૌથી મોટી હિસ્સેદારી તેમની પત્ની રેખા ઝુનઝુનવાલાની છે. બંનેનો કુલ હિસ્સો 45.97 ટકા છે.

રાકેશ ઝુનઝુનવાલાના નિધનથી વેપારી જગતમાં શોક

માત્ર રૂ. 5,000 થી રૂ. 40,000 કરોડનું સામ્રાજ્ય બનાવનાર રાકેશ ઝુનઝુનવાલાનું રવિવારે મુંબઈમાં 62 વર્ષની વયે નિધન થયું હતું. અહેવાલ મુજબ, સ્વાસ્થ્ય સમસ્યાઓના કારણે, તેમને બ્રીચ કેન્ડી હોસ્પિટલમાં દાખલ કરવામાં આવ્યા હતા, જ્યાં તેમણે સવારે 6.45 વાગ્યે અંતિમ શ્વાસ લીધા હતા. તેમના મૃત્યુના સમાચારથી સમગ્ર વેપારી જગતમાં શોકનું મોજુ ફરી વળ્યું હતું.

Rakesh Jhunjhunwala was indomitable. Full of life, witty and insightful, he leaves behind an indelible contribution to the financial world. He was also very passionate about India’s progress. His passing away is saddening. My condolences to his family and admirers. Om Shanti. pic.twitter.com/DR2uIiiUb7

— Narendra Modi (@narendramodi) August 14, 2022

પીએમ મોદીએ શોક વ્યક્ત કર્યો

ફોર્બ્સની અબજોપતિઓની યાદી અનુસાર રાકેશ ઝુનઝુનવાલા હાલમાં અબજોપતિઓની યાદીમાં વિશ્વના 440મા સૌથી અમીર વ્યક્તિ હતા. તેમના નિધન પર શોક વ્યક્ત કરતા પીએમ મોદીએ ટ્વિટમાં લખ્યું, ‘રાકેશે આર્થિક જગતમાં અદમ્ય યોગદાન છોડી દીધું છે, જીવનથી ભરપૂર, વિનોદી અને સમજદાર ઝુનઝુનવાલા ભારતની પ્રગતિ માટે ખૂબ જ ઉત્સાહી હતા. તેમનું નિધન દુઃખદ છે. તેમના પરિવાર અને ચાહકો પ્રત્યે મારી સંવેદના. ઓમ શાંતિ.’