ગાંધીનગર મહાનગર પાલિકાના 11 વોર્ડની 44 બેઠકો માટે ત્રણ ઓકટોબરના રોજ યોજાયેલી ચૂંટણીની મત ગણતરી શરૂ થઈ છે. જેમાં 5 સ્થળોએ મત ગણતરી કેન્દ્રો ઉભા કરવામાં આવ્યા છે. જેમાં સૌ પ્રથમ બેલેટ વોટની ગણતરી હાથ ધરવામાં આવી છે. તેમજ તેના બાદ ઇવીએમ મશીનની ગણતરી હાથ ધરવામાં આવશે.
ગાંધીનગરમાં પાંચ સ્થળોએ મતગણતરી કેન્દ્રો ઉભા કરવામાં આવ્યા છે.
- Advertisement -
– ગવર્નમેન્ટ સાયન્સ કોલેજ, સેક્ટર ૧૫ ખાતે વોર્ડ નં. ૧ અને ૨ , કુલ ઈવીએમ ૪૨
– આઈઆઈટી , સેક્ટર ૧૫ ખાતે વોર્ડ નં. ૩ અને ૪ , કુલ ઈવીએમ ૪૮
– કોમર્સ કોલેજ, સેક્ટર ૧૫ ખાતે વોર્ડ નં. ૫ અને ૬, કુલ ઈવીએમ ૪૭
– સ્વર્ણિમ સ્પોર્ટ્સ યુનિવર્સિટી, સેક્ટર ૧૫ ખાતે વોર્ડ નં. ૭ અને ૮ , કુલ ઈવીએમ ૫૪
– સરકારી કોલેજ, સેક્ટર ૧૫ ખાતે વોર્ડ નં. ૯ , ૧૦ અને ૧૧, કુલ ઈવીએમ ૯૩
ગાંધીનગર મહાનગરપાલિકામાં કોની સત્તા આવશે. જનતા કયા પક્ષને પસંદ કરશે તે ચિત્ર બપોરે 2 કે ત્રણ વાગ્યાની આસપાસ સ્પષ્ટ થઈ શકે છે.
