ઓઈલ માર્કેટિંગ કંપનીઓ 1 ઓક્ટોબર, 2025થી ઈંધણના ભાવમાં સુધારો. દિલ્હીમાં કોમર્શિયલ એલપીજી સિલિન્ડરની કિંમતમાં રૂ. 15.50નો વધારો જોવા મળશે. એવિએશન ટર્બાઇન ઇંધણમાં પણ પ્રતિ કિલોલીટર રૂ. 3,000થી વધુનો વધારો થશે. ઘરેલું એલપીજી સિલિન્ડરની કિંમતો યથાવત રહેશે. આ પુનરાવર્તનો માસિક સમીક્ષાનો ભાગ છે.
દેશમાં ચાલી રહેલા જીએસટી બચત ઉત્સવ વચ્ચે એલપીજી સિલિન્ડરના ભાવમાં આજથી વધારો થયો છે. જેમાં 1 ઓક્ટોબરથી 19 કિલોગ્રામના કોમર્શિયલ ગેસ સિલિન્ડરના ભાવમાં રૂપિયા 16 સુધીનો વધારો કર્યો છે. જોકે, કંપનીઓએ 14.2 કિલોગ્રામના ઘરેલુ એલપીજી સિલિન્ડરના ભાવમાં કોઈ ફેરફાર કર્યો નથી.
- Advertisement -
મુંબઈમાં ભાવ 16 રૂપિયા વધીને 1547 થયો
ઇન્ડિયન ઓઇલની સત્તાવાર વેબસાઇટ અનુસાર દિલ્હીમાં સિલિન્ડરમાં ભાવમાં રૂપિયા 15નો વધારો કરવામાં આવ્યો છે. જેના લીધે તે હવે રૂપિયા 1580 ને બદલે રૂપિયા 1595 માં મળશે.
જયારે કોલકાતામાં આ સિલિન્ડરમાં રૂપિયા 16નો વધારો થયો છે જે હવે રૂપિયા 1700 માં મળશે. જયારે મુંબઈમાં 19 કિલોગ્રામના કોમર્શિયલ ગેસ સિલિન્ડરનો ભાવ રૂપિયા 16 વધીને રૂપિયા 1547 થયો છે. જ્યારે ચેન્નાઈમાં સિલિન્ડરનો ભાવ રૂપિયા 16 વધીને 1754 કરવામાં આવ્યો છે.
- Advertisement -
અસર ચીજ વસ્તુઓના ભાવ પર પડશે
જોકે, કોમર્શિયલ ગેસ સિલિન્ડરના ભાવમાં વધારો થતા તેની અસર હોટલ, રેસ્ટોરન્ટ અને અન્ય સ્થળો તેનો ઉપયોગ કરતા લોકોને થશે. તેમજ તેની અસર વેચાતી ચીજ વસ્તુઓના ભાવ પર પડી શકે છે.
ઘરેલુ એલપીજી સિલિન્ડરના ભાવ યથાવત
જયારે ઓઈલ કંપનીઓએ 14.2 કિલોગ્રામના ઘરેલુ એલપીજી સિલિન્ડરના ભાવ યથાવત રાખ્યા છે. હાલના ભાવ દિલ્હીમાં રૂપિયા 853. 00, કોલકાતામાં રૂપિયા 879.00 , મુંબઈમાં રૂપિયા 852.50 અને ચેન્નાઈમાં રુપિયા 868.50 છે.
