સોનું ઘટીને રૂ.1,40,700 અને ચાંદી રૂ.2,10,737 પર પહોંચી : ઓલ-ટાઇમ હાઈથી ચાંદીના ભાવ અડધા થયા
આંતરરાષ્ટ્રીય બજારમાં પણ ભારે વેચવાલી; સોનું 3 વર્ષમાં પહેલીવાર 4,000ની સપાટીથી નીચે સરક્યું
- Advertisement -
કોમોડિટી માર્કેટમાંથી આ સમયના સૌથી મોટા સમાચાર સામે આવી રહ્યા છે. મલ્ટી કોમોડિટી એક્સચેન્જ પર ગુરુવારે સોના અને ચાંદીના ભાવમાં મોટો ઘટાડો જોવા મળ્યો છે. આજે એમસીએક્સ ગોલ્ડ રૂ.1,478 સસ્તું થઈને રૂ.1,40,700 પ્રતિ 10 ગ્રામ પર આવી ગયું છે. છેલ્લા 3 દિવસની વાત કરીએ તો સોનાના ભાવમાં પ્રતિ 10 ગ્રામ રૂ.7,4 તફિંભસ નો ઘટાડો થયો છે, જે ઓલ-ટાઇમ હાઈ લેવલ રૂ.1,93,096 થી અત્યાર સુધીમાં કુલ રૂ.52,396 જેટલું સસ્તું થઈ ચૂક્યું છે.
બીજી તરફ, ચાંદીના ભાવમાં પણ જોરદાર ગાબડું પડ્યું છે. એમસીએક્સ પર ચાંદી ગઈકાલના બંધ ભાવની સરખામણીએ આજે રૂ.11,298 તૂટીને પ્રતિ કિલો રૂ.2,10,737 પર આવી ગયા છે, જેના કારણે છેલ્લા 3 દિવસમાં ચાંદી કુલ રૂ.21,728 સસ્તી થઈ છે. ચાંદી તેના ઓલ-ટાઇમ હાઈ રેટ રૂ.4,20,048 સ્પર્શ્યા બાદ અત્યાર સુધીમાં રૂ.2,09,311 તૂટી ચૂકી છે, એટલે કે તેના સર્વોચ્ચ સ્તરથી લગભગ અડધી કિંમતે પહોંચી ગઈ છે. આંતરરાષ્ટ્રીય બજારમાં પણ બુધવારે સોનાનો ભાવ 3.8% તૂટીને 3,960 પ્રતિ ઔંસની નીચે ચાલ્યો ગયો છે, જે છેલ્લા 3 વર્ષમાં પહેલીવાર 4,000 ના સ્તરની નીચે આવ્યો છે, જ્યારે ચાંદી પણ ડિસેમ્બર મહિના પછી પહેલીવાર 60 પ્રતિ ઔંસની નીચે સરકી ગઈ છે.
