સટ્ટાબાજી એપ કેસમાં EDએ અભિનેત્રી ઉર્વશી રૌતેલા અને ભૂતપૂર્વ સાંસદ મિમી ચક્રવર્તીને સમન્સ પાઠવ્યું

એકટ્રેસ ઉર્વશી રૌતેલા અને મીમી ચક્રવર્તીને એક બેટિંગ એપના કેસમાં એન્ફોર્સમેન્ટ ડિરેક્ટોરેટ દ્વારા સમન્સ મોકલાયું છે. મીમીને તા. 15મી સપ્ટેમ્બરે અને ઉર્વશીને તા. 16મી સપ્ટેમ્બરે ઈડીની દિલ્હી ઓફિસ ખાતે હાજર થવા જણાવાયું છે.

વન એક્સ બેટ નામનાં એક ઓનલાઈન બેટિંગ એપને એન્ડોર્સ કરવાના કેસમાં બંનેની પૂછપરછ થશે. ઈડી આ એપ દ્વારા મની લોન્ડરિંગ તથા વિદેશી હુંડિયામણને લગતા નિયમોના ભંગની તપાસ કરી રહી છે. અગાઉ આ કેસમાં ક્રિકેટર શિખર ધવન તથા સુરેશ રૈનાની પણ પૂછપરછ થઈ ચૂકી છે. ઈડી આ એપ એન્ડોર્સ કરવા માટે કઈ રીતે નાણાં ચૂકવાયાં હતાં તે અંગે તેમને સવાલો કરે તેવી સંભાવના છે.