કેન્દ્ર સરકાર દ્વારા દર વર્ષે તા. 30 ઓગસ્ટના રોજ ‘રાષ્ટ્રીય લઘુ ઉદ્યોગ દિવસ’ની ઉજવણી કરી
રાજ્યમાં પાંચ વર્ષમાં રૂ. 86,418 કરોડના મૂડી રોકાણ સાથે 3.98 લાખ કરતાં વધુ રોજગારીનું સર્જન
ક્લસ્ટર વિકાસ-માર્કેટિંગ ડેવલપમેન્ટ સહાય યોજના હેઠળ 1,511 એકમને કુલ રૂ. 30 કરોડથી વધુનું ચૂકવણું
ખાસ-ખબર ન્યૂઝ રાજકોટ
- Advertisement -
લઘુ ઉદ્યોગો એ રોજગારી સર્જન, ગરીબી નિવારણ અને ઔદ્યોગિક વિકાસમાં ખૂબ મહત્વની ભૂમિકા ભજવે છે, એટલે કે લઘુ ઉદ્યોગો દેશના આર્થિક વિકાસનો પાયો છે.
જે અંતર્ગત કેન્દ્ર સરકાર દ્વારા દર વર્ષે તા. 30 ઓગસ્ટના રોજ ‘રાષ્ટ્રીય લઘુ ઉદ્યોગ દિવસ’ની ઉજવણી કરવામાં આવે છે. કેન્દ્ર-રાજ્ય સરકાર દ્વારા લઘુ ઉદ્યોગોને પ્રોત્સાહન આપવા અને યુવાઓને રોજગારીની વધુ તકો પૂરી પાડી આર્થિક રીતે સશક્ત બનાવવા માટે અનેક પ્રયાસો કરવામાં આવી રહ્યા છે. જેના પરિણામે રાજ્યમાં વર્ષ 2021-25થી એમ છેલ્લા પાંચ વર્ષમાં અંદાજે રૂ. 86,418 કરોડનું મૂડી રોકાણ તેમજ 3.98 લાખ કરતાં વધુ રોજગારીનું સર્જન થયું છે.
આ ઉપરાંત રાજ્ય સરકાર દ્વારા 1.69 લાખ કરતાં વધુ ક્લેઇમ અરજીઓ સંદર્ભે રૂ. 7,300 કરોડથી વધુની સહાયનું વિતરણ પણ કરવામાં આવ્યું છે.
નાણાકીય વર્ષ 2024-25માં ગુજરાતમાં રૂ. 42,774 કરોડથી વધુના રોકાણ દ્વારા 1.65 લાખ કરતાં વધુ નવી રોજગારીનું સર્જન થયું છે.
આ ઉપરાંત રાજ્ય સરકાર દ્વારા 21 હજાર કરતાં વધુ એકમોને રૂ. 958 કરોડ જેટલી નાણાકીય સહાય પણ પૂરી પાડવામાં આવી છે.
‘ઝીરો ડિફેક્ટ ઝીરો ઇફેક્ટ’-ણઊઉ અંતર્ગત રાજ્યના અંદાજે 1.10 લાખ જેટલા ખજખઊ એકમોનું રજિસ્ટ્રેશન અને 66 હજાર કરતાં વધુ એકમોએ ણઊઉ પ્રમાણપત્ર મેળવતા ગુજરાતે દેશમાં મોખરાનું સ્થાન પ્રાપ્ત કર્યું છે. ણઊઉ રજિસ્ટ્રેશન, સર્ટિફિકેશન તથા વાઈબ્રન્ટ ગુજરાત જેવી વિવિધ પહેલ થકી ગુજરાત દેશના ખજખઊ ક્ષેત્રે અગ્રેસર બન્યું છે.
વધુમાં, રાજ્યમાં છેલ્લાં ત્રણ વર્ષ દરમિયાન અંદાજે 17.39 લાખ ઉદ્યમ રજિસ્ટ્રેશનની નોંધણી થઈ છે, જેમાં 2.91 લાખ કરતાં વધુ મહિલા સાહસિકોની ભાગીદારી નોંધાઈ છે.
ગત વર્ષે 238 સેમિનાર-વર્કશોપ
ગત વર્ષે રૂ. 27.50 લાખની સહાય, કુલ 238 સેમિનાર-વર્કશોપનું આયોજન કરાયુ હતું.
વિલંબિત ચૂકવણીના કેસોના ઝડપથી નિકાલ માટે અમદાવાદ, સુરત, રાજકોટ, ભાવનગર, વડોદરા અને કચ્છ એમ કુલ 6 રીજનલ કાઉન્સિલની રચના કરાઇ.
વિવિધ ક્ષેત્રના ક્લસ્ટર વિકાસ માટે રૂ. 4.5 કરોડની ચૂકવણી
માર્કેટિંગ ડેવલપમેન્ટ સહાય યોજના હેઠળ 1,511 એકમોને રૂ. 26.38 કરોડની ચૂકવણી
વર્ષ 2023માં રાજ્યના 32 જિલ્લામાં વાઈબ્રન્ટ ગુજરાત વાઈબ્રન્ટ ડિસ્ટ્રીક્ટ મહોત્સવની ઉજવણી કરાઇ હતી. જેમાં 2.70 લાખથી વધુ નાગરિકોએ ભાગ લીધો હતો,
વાઈબ્રન્ટ ગુજરાત વાઈબ્રન્ટ ડિસ્ટ્રીક્ટ મહોત્સવમાં 2,600 થી વધારે એકમો દ્વારા ખજ્ઞઞ પણ કરવામાં આવ્યા હતા.
