‘ખાસ ખબર કપ-2026’ના નવમાં દિવસે માધવરાવ સિંધિયા ક્રિકેટ ગ્રાઉન્ડ પર ખેલાડીઓએ બનાવ્યા અનેક રેકોર્ડ
એ-ડિવિઝન પોલીસ અને આર.ટી.ઓ. રાજકોટ વચ્ચે ખેલાયો જંગ : એ-ડિવિઝન પોલીસનો 4 રનથી વિજય
- Advertisement -
ખાસ-ખબર ન્યૂઝ રાજકોટ
રંગીલા રાજકોટના હૃદય સમાન ઐતિહાસિક અને આંતરરાષ્ટ્રીય મેચોના સાક્ષી એવા માધવરાવ સિંધિયા ક્રિકેટ ગ્રાઉન્ડ પર અત્યારે ટેનિસ ક્રિકેટનો માહોલ છવાયેલો છે. ‘ખાસ ખબર’ દ્વારા આયોજિત ‘ખાસ ખબર કપ-2026’ ઓલ ઇન્ડિયા રાત્રિપ્રકાશ ટેનિસ ક્રિકેટ ટૂર્નામેન્ટનો નવમો દિવસ અનેક રેકોર્ડ્સ અને હાઈ-વોલ્ટેજ ડ્રામાનો સાક્ષી બન્યો હતો. સ્ટેડિયમમાં ખેલાડીઓએ એવી રમત બતાવી કે જાણે આંતરરાષ્ટ્રીય વન-ડે મેચ રમાઈ રહી હોય. ઐતિહાસિક માધવરાવ સિંધિયા ઇન્ટરનેશનલ ક્રિકેટ ગ્રાઉન્ડ પર રમાઈ રહેલી ‘ખાસ ખબર કપ-2026’ ટૂર્નામેન્ટ માત્ર રમતગમત પૂરતી સીમિત ન રહેતા રાજકોટના સામાજિક અને રાજકીય શ્રેષ્ઠીઓ માટે એક મિલન સ્થાન બની ગઈ છે. ટૂર્નામેન્ટના નવમા દિવસે ખેલાડીઓને પ્રોત્સાહિત કરવા અને વિજેતાઓને ઈનામ વિતરણ કરવા માટે વિવિધ ક્ષેત્રોના નામાંકિત મહેમાનોએ હાજરી આપી હતી. ટૂર્નામેન્ટના પાંચેય મુકાબલાઓમાં ખેલાડીઓનો ઉત્સાહ વધારવા માટે અનેક દિગ્ગજ મહેમાનો મેદાન પર ઉતરી આવ્યા હતા. દિવસની પ્રથમ મેચમાં આર.આર. રીબડાના બેટ્સમેન જીમી દરબારે માત્ર 23 બોલમાં 8 છગ્ગા અને 3 ચોગ્ગા સાથે 66 રન ફટકારી તરખાટ મચાવ્યો હતો. રીબડાએ 126 રનનો તોતિંગ સ્કોર બનાવ્યો હતો. દેવલી-11 ના બેટ્સમેનો રીબડાના બોલરો સામે ટકી શક્યા નહોતા. રાકેશ કહરે 3 વિકેટ ઝડપી ટીમને જીત અપાવી હતી. બીજી મેચમાં અશોક ભરવાડે (અઇ) ઇતિહાસ રચતા એક જ ઓવરમાં 6 ચોગ્ગા ફટકારીને દર્શકોને અચંબિત કર્યા હતા. સનશાઈને 117 રન બનાવ્યા હતા અને દર્શન કેમ્પને પરાજય આપી આગામી રાઉન્ડમાં પ્રવેશ કર્યો હતો. ત્રીજી મેચમાં વિશ્વકર્મા-11 એ પ્રથમ બેટિંગ કરતા 10 ઓવરમાં 88 રન બનાવ્યા હતા. ડી.એચ. કેમ્પ-અ એ વળતી લડત આપી હતી, પરંતુ વિશ્વકર્માના બોલરોએ શિસ્તબદ્ધ પ્રદર્શન કરીને જીત મેળવી હતી. ચોથા મુકાબલામાં સરકારી તંત્રની બે ટીમો આમને-સામને હતી. એ-ડિવિઝન પોલીસ સ્ટેશનની ટીમે પ્રથમ બેટિંગ કરી 67 રન બનાવ્યા હતા. આર.ટી.ઓ. રાજકોટની ટીમે લક્ષ્યાંકનો પીછો કરવા લડત આપી હતી, પરંતુ એ-ડિવિઝન પોલીસના બોલરો સામે તેઓ 63 રન જ બનાવી શક્યા હતા. દિવસની પાંચમી અને અંતિમ મેચ સુરેન્દ્રનગરની સનશાઈન અને રાજકોટની સત્તાધાર ઉઇં કેમ્પ વચ્ચે રમાઈ હતી. સત્તાધાર કેમ્પે પ્રથમ બેટિંગ કરી 74 રન બનાવ્યા હતા. જવાબમાં સનશાઈન સુરેન્દ્રનગરના બેટ્સમેનોએ આક્રમક વલણ અપનાવી રોમાંચક રીતે મેચ જીતી લીધી હતી.
RR રીબડાએ 126 રનનો સ્કોર ખડકી દેવલી-XIને આપી મ્હાત
- Advertisement -
ટુર્નામેન્ટમાં દરેક પ્લેયર ઓફ ધ મેચને ‘ખાસ-ખબર’, ઉમિયા મોબાઇલ, ટગજ પરફ્યુમ, કોર મોબાઈલ, આઇ.કે.સિલેકશન, એપસ ફાર્મા અને જાફર ટી તરફથી આકર્ષક ઇનામો આપવામાં આવ્યા
ખેલાડીઓનો ઉત્સાહ વધારવા માટે અનેક દિગ્ગજ મહેમાનો હાજર રહ્યા રાજકોટ આર.ટી.ઓ.ના ઇન્દ્રજીતસિંહ ટાંક, એ-ડિવિઝન પોલીસ સ્ટેશનના પી.આઈ. ભાટિયા, સી.આઈ.ડી. ક્રાઈમના પી.આઈ. આર. જે. બારડ, પંચનાથ હોસ્પિટલના ટ્રસ્ટી અને ભાજપ અગ્રણી દેવાંગ માંકડ, રાજકોટ શહેર ભાજપના ઉપપ્રમુખ કૌશિક ચાવડા, રાજકોટ મહાનગરપાલિકાના સીટી એન્જિનિયર અતુલભાઇ રાઠોડ, ટાઇમ્સ ઓફ ઇન્ડિયાના સૌરાષ્ટ્ર હેડ જય ઉદાણી, દિવ્ય ભાસ્કરના ફોટોગ્રાફર પ્રકાશ રાવરાણી, રાજકોટ અપડેટ ન્યૂઝના સંદીપ લખતરિયા, સાંજ સમાચારના સરફરાઝ પઠાણ, પોલીસ જવાન મહેન્દ્રસિંહ ઝાલા, પોલીસ જવાન ઉપેન્દ્રસિંહ ઝાલા, ડોક્ટર વસીમ મનસુરી, ઉદ્યોગપતિ રૂપેશભાઇ માટલિયા, ઉદ્યોગપતિ અમિતભાઇ ધાબળીયા, સામાજિક અગ્રણી ગોપાલભાઇ પરમાર(બાબુ અદા) સહિતના રાજકોટના આગેવાનો ઉપસ્થિત રહ્યા હતા. ‘ખાસ ખબર’ના ખઉ પરેશભાઈ ડોડિયા અને તેમની ટીમ રાજુ કીકાણી, રાજભા પરમાર, દિપકભાઈ સાપરીયા, લખનભાઈ સોમૈયા (ક.ઊં.સ્ટાર), રજની પટેલ (ડાયરેક્ટર ખાસ ખબર), સંજયસિંહ પરમાર, સમીર દોશી, ધર્મેશ જોશી, (ડાયરેક્ટર ખાસ ખબર), દિપક ચંદારાણા દ્વારા આ સમગ્ર ટુર્નામેન્ટનું આયોજન કરવામાં આવ્યુ છે. તેમજ સર્વેશ્વર ચેરીટેબલ ટ્રસ્ટના દિલિપસિંહ જાડેજા, રામદેવસિંહ જાડેજા, ચેતનસિંહ ખવડ, જતીન માનસતા, જીણુભા, વિજય ગોહેલ, ગુલાબસિંહ જાડેજા, વલ્લભભાઇ સોરાણી, કુમારભાઇ ચૌહાણ, હિતેષભાઇ મહેતા, અમીનભાઇ રાજ્યગુરુ, કલપેશભાઇ દસાડીયા, શૈલેષભાઇ પરમાર, રાજેશભાઇ મજેઠીયા, પરીદીતસિંહ જાડેજા, અશોકભાઇ સૌમેયા, પુષ્પરાજસિંહ જાડેજા, સુધીરસિંહ જાડેજા, અતુલભાઇ કોઠારી, અલ્લાઉદીનભાઇ કારીયણીયા મનીષભાઇ તન્ના અને હિતેષભાઇ કારીયા સહિતના સભ્યો આ ટુર્નામેન્ટને સફળ બનાવવા જહેમત ઉઠાવી રહ્યા છે.
નવમાં દિવસના પાંચ મેચના પરિણામ
1. આર.આર. રીબડા Vs દેવલી-XI
પરિણામ : આર.આર. રીબડાનો વિજય.
મુખ્ય પ્રદર્શન : જીમી દરબારે 23 બોલમાં 66 રન (8 છગ્ગા અને 3 ચોગ્ગા).
ટીમ સ્કોર : રીબડાએ 126 રનનો તોતિંગ સ્કોર બનાવ્યો.
રાકેશ કહાર : 3 વિકેટ ઝડપી વિરોધી ટીમને હરાવી.
પ્લેયર ઓફ ધ મેચ : રાકેશ કહાર.
2. સનશાઈન-XI સુરેન્દ્રનગર Vs દર્શન કેમ્પ-XI
પરિણામ : સનશાઈન-XI સુરેન્દ્રનગરનો વિજય.
મુખ્ય પ્રદર્શન : અશોક ભરવાડના એક જ ઓવરમાં 6 ચોગ્ગા ફટકારી ઐતિહાસિક રેકોર્ડ બનાવ્યો.
ટીમ સ્કોર : સનશાઈન-XIએ 117 રન બનાવ્યા.
પ્લેયર ઓફ ધ મેચ : અશોક ભરવાડ.
3. વિશ્ર્વકર્મા-XI Vs ડી.એચ. કેમ્પ-A
પરિણામ : વિશ્ર્વકર્મા-XIનો વિજય.
મુખ્ય પ્રદર્શન : વિશ્વકર્મા-XIએ 10 ઓવરમાં 88 રન બનાવ્યા.
પ્લેયર ઓફ ધ મેચ : નિકુલ વઘાસિયા.
4. સનશાઈન સુરેન્દ્રનગર Vs સત્તાધાર DH કેમ્પ
પરિણામ : સનશાઈન સુરેન્દ્રનગરનો રોમાંચક વિજય.
મુખ્ય પ્રદર્શન : સત્તાધાર DH કેમ્પે પ્રથમ બેટિંગ કરી 74 રન બનાવ્યા.
સનશાઈન સુરેન્દ્રનગર : આક્રમક બેટિંગ દ્વારા હાઈ-વોલ્ટેજ મેચમાં લક્ષ્યાંક હાંસલ કર્યો.
પ્લેયર ઓફ ધ મેચ : બાબુભાઇ સનશાઈન
5. એ-ડિવિઝન પોલીસ Vs આર.ટી.ઓ. રાજકોટ
પરિણામ : એ-ડિવિઝન પોલીસનો 4 રનથી વિજય.
મુખ્ય પ્રદર્શન : એ-ડિવિઝન પોલીસે પ્રથમ બેટિંગ કરી 67 રન બનાવ્યા.
બોલિંગ : આર.ટી.ઓ. રાજકોટને 63 રન પર રોકી રાખ્યા.
પ્લેયર ઓફ ધ મેચ : ભરતસિંહ પરમાર.
