રૅકોર્ડબ્રૅક પરફોર્મન્સ: નિખિલે 3 ઓવરમાં માત્ર 3 રન આપી 7 વિકેટ ઝડપી આસિફ શેખ અને ભરત ભોલાની આક્રમક અડધી સદી

‘ખાસ ખબર કપ-2026’ ક્રિકેટ ટુર્નામેન્ટના આઠમા દિવસે બોલિંગ અને બેટિંગના નવા રેકોર્ડ

ખાસ-ખબર ન્યૂઝ રાજકોટ

રાજકોટના રમતગમત ઇતિહાસમાં આઠમો દિવસ સુવર્ણ અક્ષરે અંકાઈ ગયો છે. ‘ખાસ ખબર કપ-2026’ ઓલ ઈન્ડિયા રાત્રિપ્રકાશ ટેનિસ ક્રિકેટ ટૂર્નામેન્ટના આઠમા દિવસે ક્રિકેટપ્રેમીઓએ રોમાંચ અને રેકોર્ડ્સનો અનોખો સંગમ નિહાળ્યો હતો. શહેરના ઐતિહાસિક માધવરાવ સિંધિયા ઇન્ટરનેશનલ ક્રિકેટ ગ્રાઉન્ડ ખાતે યોજાયેલી મેચોમાં બોલિંગ અને બેટિંગના એવા અદભુત પ્રદર્શન થયા કે દર્શકો આશ્ચર્યચકિત થઈ ગયા હતા. દિવસની શરૂઆત જ ધમાકેદાર રહી હતી. પ્રથમ મેચમાં સાંજ-ડઈંએ આક્રમક બેટિંગ કરી 10 ઓવરમાં 111 રનનો મજબૂત સ્કોર ઉભો કર્યો હતો. ટીમના સ્ટાર બેટ્સમેન આસિફ શેખે માત્ર 19 બોલમાં 5 ચોગ્ગા અને 4 છગ્ગાની મદદથી ઝડપી 50 રન ફટકારી ટીમને મજબૂત સ્થિતિમાં પહોંચાડી હતી. આ ટાર્ગેટનો પીછો કરતી શિવમ ટાઇટન્સની ટીમ 80 રન સુધી જ સીમિત રહી અને સાંજ-ડઈંએ આરામદાયક જીત નોંધાવી હતી.

મહાનુભાવોએ ખેલાડીઓના પરફોર્મન્સ નિહાળી બિરદાવ્યા

ટૂર્નામેન્ટના આઠમા દિવસે ખેલાડીઓને પ્રોત્સાહિત કરવા માટે સામાજિક, શૈક્ષણિક અને પત્રકારત્વ જગતના અનેક દિગ્ગજ મહેમાનોએ હાજરી આપી હતી. જેમાં મુખ્યત્વે જીનિયસ ગ્રુપ ઓફ ઇન્સ્ટિટ્યુશન્સના ફાઉન્ડર અને શિક્ષણવિદ ડી.વી. મહેતા, ‘પરફેટ સૌરાષ્ટ્ર ડેઇલી’ અખબારના ઓનર હિરેનભાઈ હાપલિયા, પ્રખ્યાત ગાયક રાજુભાઈ મજેઠીયા, શ્રેષ્ઠીઓ નીતિશભાઈ પરમાર અને અનીશભાઈ પરમાર, રેનોલ્ટ (છયક્ષફીહિ)ં કંપનીના મુંબઈથી પધારેલા ભીમરાવ રાઠોડ, રામનાથ ગ્રુપના જયેશભાઈ રાજપૂત, અગ્રણીઓ રાજાભાઈ વસાણી, પ્રથમેશભાઈ બગડાઈ, ચેતનભાઈ પ્રજાપતિ, દિગ્વિજયભાઈ રાઠોડ, મેટોડાના પી.એસ.આઇ એન.બી.ઝાલા, ઉપેન્દ્રસિંહ ઝાલા, હરદેવસિંહ જાડેજા, સંજયસિંહ ઝાલા, રાહુલ ઝણકાટ, જયેશભાઇ રાજપુત, રાજાભાઇ પરસાણા, હરનીશભાઇ પરમાર, નિધિશભાઇ પરમાર અને વિકાસભાઈ સહિતના મહાનુભાવો ઉપસ્થિત રહ્યા હતા. ‘ખાસ ખબર’ના ખઉ પરેશભાઈ ડોડિયા અને તેમની ટીમ રાજુ કીકાણી, રાજભા પરમાર, દિપકભાઈ સાપરીયા, લખનભાઈ સોમૈયા (ક.ઊં.સ્ટાર), રજની પટેલ (ડાયરેક્ટર ખાસ ખબર), સંજયસિંહ પરમાર, સમીર દોશી, ધર્મેશ જોશી, (ડાયરેક્ટર ખાસ ખબર), દિપક ચંદારાણા દ્વારા આ સમગ્ર ટુર્નામેન્ટનું આયોજન કરવામાં આવ્યુ છે. તેમજ સર્વેશ્વર ચેરીટેબલ ટ્રસ્ટના દિલિપસિંહ જાડેજા, રામદેવસિંહ જાડેજા, ચેતનસિંહ ખવડ, જતીન માનસતા, જીણુભા, વિજય ગોહેલ, ગુલાબસિંહ જાડેજા, વલ્લભભાઇ સોરાણી, કુમારભાઇ ચૌહાણ, હિતેષભાઇ મહેતા, અમીનભાઇ રાજ્યગુરુ, કલપેશભાઇ દસાડીયા, શૈલેષભાઇ પરમાર, રાજેશભાઇ મજેઠીયા, પરીદીતસિંહ જાડેજા, અશોકભાઇ સૌમેયા, પુષ્પરાજસિંહ જાડેજા, સુધીરસિંહ જાડેજા, અતુલભાઇ કોઠારી, મનીષભાઇ તન્ના અને હિતેષભાઇ કારીયા સહિતના સભ્યો આ ટુર્નામેન્ટને સફળ બનાવવા જહેમત ઉઠાવી રહ્યા છે.

માધવરાવ સિંધિયા સ્ટેડિયમમાં ખેલાડીઓના ઐતિહાસિક પરફોર્મન્સથી પ્રેક્ષકો મંત્રમુગ્ધ થયા

ટૂર્નામેન્ટમાં દરેક પ્લેયર ઓફ ધ મેચને ‘ખાસ ખબર’, ઉમિયા મોબાઇલ, ટગજ પરફ્યુમ, આઈ.કે. સિલેક્શન, એપસ ફાર્મા અને જાફરી ટી તરફથી આકર્ષક ઇનામો આપવામાં આવ્યા

ગ્રાઉન્ડમાં સ્ક્રીન પર લાઈવ રિપ્લે, ડિજિટલ સ્કોરિંગની સુવિધા સાથે થર્ડ એમ્પાયરે પ્રેક્ષકોમાં ભારે આકર્ષણ જમાવ્યું

બીજા મુકાબલામાં પણ બેટિંગનો જાદુ છવાયો હતો. બાલાજી-ડઈં દ્વારા આપવામાં આવેલા 93 રનના લક્ષ્યાંકનો પીછો કરતી યદુવીર-ડઈંની શરૂઆત નબળી રહી હતી, પરંતુ ભરત ભોલાએ જવાબદારી સંભાળી હતી. તેમણે માત્ર 19 બોલમાં 5 છગ્ગા અને 4 ચોગ્ગાની મદદથી 52 રનની તોફાની ઇનિંગ્સ રમી ટીમને યાદગાર જીત અપાવી હતી. ત્રીજી મેચમાં જેન્યુઈન-ડઈં મોરબીએ શિસ્તબદ્ધ અને સચોટ રમતનું પ્રદર્શન કર્યું હતું. સ્મેશ-ડઈંના 62 રનના ટાર્ગેટને મોરબીની ટીમે સહેલાઈથી હાંસલ કરી બીજા રાઉન્ડમાં પોતાનું સ્થાન સુનિશ્ચિત કર્યું હતું. દિવસનો સૌથી ચર્ચિત મુકાબલો અંતિમ મેચ રહ્યો હતો, જેમાં બોલિંગનો અદભુત ચમત્કાર જોવા મળ્યો હતો. સાંજ-ડઈંના બોલર નિખિલ સામણાણીએ ઐતિહાસિક સ્પેલ ફેંકી માત્ર 3 ઓવરમાં 3 રન આપીને 7 વિકેટ ઝડપી હતી. તેમની આ ઘાતક બોલિંગમાં એક હેટ્રિકનો પણ સમાવેશ થતો હતો, જે ટેનિસ ક્રિકેટના ઈતિહાસમાં દુર્લભ ગણાય છે. નિખિલની આ શાનદાર બોલિંગ સામે યદુવીર-ડઈંની આખી ટીમ માત્ર 40 રન પર ઓલઆઉટ થઈ ગઈ હતી.

આઠમાં દિવસના 4 મેચના પરિણામ

મેચ 1 : સાંજ-XI  Vs શિવમ ટાઇટન્સ
પરિણામ : સાંજ-XIનો 31 રનથી વિજય
ટીમનો સ્કોર : સાંજ-XIએ 10 ઓવરમાં 111 રન બનાવ્યા, જ્યારે શિવમ ટાઇટન્સ 80 રન બનાવી શકી.
મુખ્ય પ્રદર્શન : આસિફ શેખે 19 બોલમાં 50 રન
પ્લેયર ઓફ ધ મેચ : આસિફ શેખ

મેચ 2 : યદુવીર-XI  Vs બાલજી-XI ટીકુભાઇ
પરિણામ : યદુવીર-XIની ભવ્ય વિજય
ટીમનો સ્કોર : બાલાજી-XIના 93 રનના લક્ષ્યાંકને ભરતની વિસ્ફોટક બેટિંગથી હાંસલ કર્યો.
મુખ્ય પ્રદર્શન : ભરત ભોલાના 19 બોલમાં 52 રન
પ્લેયર ઓફ ધ મેચ : ભરત ભોલા

મેચ 3: જેન્યુઇન-XI  Vs રમેશ-XI
પરિણામ : જેન્યુઇન-XIનો વિજય
ટીમનો સ્કોર : મોરબીની ટીમે આક્રમક બેટિંગ કરી લક્ષ્યાંક ખૂબ જ ઝડપથી હાંસલ કર્યો.
મુખ્ય પ્રદર્શન : રમેશ-XIને માત્ર 62 રન પર રોકી દીધી.
પ્લેયર ઓફ ધ મેચ : હેપ્પીભાઇ

મેચ 4 : સાંજ-XI  Vs યદુવીર-XI
પરિણામ : સાંજ-XIનો શાનદાર વિજય.
ટીમનો સ્કોર : યદુવીર-XIની ટીમને 40 રન પર ઓલઆઉટ કરી.
મુખ્ય પ્રદર્શન : નિખિલ સામણાણીએ 3 ઓવરમાં માત્ર 3 રન આપીને 7 વિકેટ
પ્લેયર ઓફ ધ મેચ : નિખિલ સામણાણી