દિલ્હી નજીક 2 નવા શહેર વસાવવાનું આયોજન, આગામી જુલાઈથી કાર્ય શરૂ

ખાસ-ખબર સંવાદદાતા
નોઈડા અને ગ્રેટર નોઈડા ઓથોરિટી આગામી 3 મહિનામાં ન્યૂ નોઈડા અને ન્યૂ ગ્રેટર નોઈડાની સ્થાપના માટે કામ શરૂ કરશે. તેઓ આગામી બે શહેરો માટે માસ્ટરપ્લાનને અંતિમ રૂપ આપશે. જે બાદ તેઓ જમીન ખરીદવાનું શરૂ કરશે. સીઈઓ રિતુ માહેશ્વરીએ જુલાઈથી કામ શરૂ કરવાની ડેડલાઈન નક્કી કરી છે. બંને શહેરો માટે નોટિફિકેશન પહેલા જ જાહેર કરી ચૂકાયુ છે.
નોઈડા અને ગ્રેટર નોઈડામાં જમીનની સંભવિત અછતના કારણે આ બંને શહેરોને વિકસિત કરવામાં આવી રહ્યા છે. ગ્રેટર નોઈડામાં અમુક જમીન બચી છે, પરંતુ નોઈડા લગભગ સંપૂર્ણ રીતે વિકસિત થઈ ચૂક્યુ છે. રાજ્યના વિકાસને પાટા પર લાવવા માટે અધિકારી આ બંને શહેરોની યોજના બનાવી રહ્યા છે. આ બંને શહેરોમાં જમીનની કિંમતો નોઈડા અને ગ્રેટર નોઈડા કરતા ઓછી હશે.
દાદરી અને ખુર્જાની જમીનો વચ્ચે નવુ નોઈડા બનાવવામાં આવશે. દાદરી-નોઈડા-ગાઝિયાબાદ ઈન્વેસ્ટમેન્ટ રીજન જેને ન્યૂ નોઈડા કહેવામાં આવી રહ્યુ છે, 87 ગામમાંથી સંપાદિત જમીનનો ઉપયોગ કરીને બનાવવામાં આવશે. અધિકારીઓએ સ્કુલ ઓફ પ્લાનિંગ એન્ડ આર્કિટેક્ચરને પસંદ કર્યુ છે. સાથે જ આ વિસ્તારને જમીની સ્તરે વિકસિત કરવા માટે નોઈડા ઓથોરિટીને જવાબદારી આપવામાં આવી છે. ન્યૂ ગ્રેટર નોઈડા ગ્રેટર નોઈડાના ફેઝ 2 ની યોજના છે. આ પ્રોજેક્ટની દેખરેખ ગ્રેટર નોઈડા ઓથોરિટી કરી રહી છે. તેમણે એક ખાનગી કંપનીને ડ્રાફ્ટ તૈયાર કરવા માટે કહ્યુ છે. ન્યૂ ગ્રેટર નોઈડામાં ગૌતમ બુદ્ધ નગર સિવાય હાપુડ, બુલંદશહર અને ગાઝિયાબાદના 150 ગામને સામેલ કરવામાં આવ્યા છે. આનુ ક્ષેત્રફળ 28000 હેક્ટર હશે.