ભારતમાં આટલો તોતીંગ નફો કરનારી પ્રથમ બેંક બની
ખાસ-ખબર સંવાદદાતા
ભારતની જાહેર ક્ષેત્રની સૌથી મોટી બેંક એવી સ્ટેટ બેંકનો નફો રૂા.50,000 કરોડને આંબી ગયો છે.આટલો જંગી નફો હાંસલ કરનાર ભારતની પ્રથમ બેંક બની છે. સ્ટેટ બેંકે માર્ચ કવાર્ટરનો ચોખ્ખો નફો 16695 કરોડ જાહેર કર્યો છે. જે આગલા વર્ષનાં સમાન કવાટરમાં 9114 કરોડ હતો.સમગ્ર નાણાં વર્ષનો નફો 50,000 કરોડને પાર થયો છે. જઇઈંનાં ચેરમેન દિનેશ ખારાએ કહ્યું કે બેંક ધિરાણમાં મોટા વધારાની સાથોસાથ એસેટ ગુણવતા સુધારવાને પગલે એનપીએ જોગવાઈમાં કાપથી પરફોમન્સમાં વૃધ્ધિ છે. ચાલુ વર્ષે પણ ધિરાણ વધવાના તથા કોમોડીટીના ભાવ વ્યાજબી સ્તરે રહેવાથી પરફોર્મન્સ જળવાવાનો વિશ્વસ છે. તેઓએ કહ્યું કે નફાની દ્રષ્ટિએ બેંક માટે રેકોર્ડ બન્યો છે.નવા વર્ષે ધિરાણ દરમાં 12 થી 14 ટકાનાં વદારાની અપેક્ષા છે.થાપણમાં સમાન વૃદ્ધિ ન થાય તો પણ ધિરાણ વૃધ્ધિને પહોંચી વળવા એસએલઆર મર્યાદાથી પણ વધારાનાં ચાર લાખ કરોડ ઉપલબ્ધ રાખ્યા છે. 1.50 લાખ કરોડની કોર્પોરેટ લોન પાઈપલાઈનમાં છે.અન્ય 1.80 લાખ કરોડની લોન મંજુર થયેલી છે.
