ગરમી-હીટવેવ વધશે: મહારાષ્ટ્રનું બ્રહ્મપુરી 47.2 ડિગ્રી સાથે દેશમાં સૌથી ગરમ: મધ્ય પ્રદેશ-ઉત્તર પ્રદેશનાં 8 શહેરોમાં પારો 45 ડિગ્રી પાર
છત્તીસગઢના પાલીમાં મહત્તમ તાપમાન 43 ડિગ્રી પહોંચ્યું. નૌકોનિયા તળાવના કિનારે 150થી વધુ ચામાચીડિયા હીટ સ્ટ્રોકથી મૃત્યુ પામ્યા.
- Advertisement -
ખાસ-ખબર ન્યૂઝ નવી દિલ્હી
દેશમાં આજથી નવતપાની શરૂઆત થઈ ગઈ છે. એનો મતલબ છે કે આગામી 9 દિવસ વધુ ગરમી રહેશે. હીટવેવ અને તાપમાન પણ વધશે. તાપમાન 45 ડિગ્રી થી વધુ રહી શકે છે.
રવિવારે મહારાષ્ટ્રના વિદર્ભ ક્ષેત્રનું બ્રહ્મપુરી સતત ત્રીજા દિવસે દેશનું સૌથી ગરમ શહેર રહ્યું. અહીં તાપમાન 47.2 ડિગ્રી રહ્યું, જે સામાન્ય કરતાં 4.6 ડિગ્રી વધુ છે.
ઉત્તર પ્રદેશમાં બાંદા 46.8 ડિગ્રી તાપમાન સાથે સૌથી ગરમ જિલ્લો રહ્યો. આ ઉપરાંત, પ્રયાગરાજ અને ઉરઈમાં 45.6 ડિગ્રી, ઝાંસીમાં 45.6 ડિગ્રી, આગ્રામાં 45.4 ડિગ્રી અને હમીરપુરમાં 45.2 ડિગ્રી તાપમાન નોંધાયું.
ખઙ ના બે શહેરો, નૌગાંવ અને ખજુરાહોમાં સૌથી વધુ તાપમાન 45.8 ડિગ્રી નોંધાયું. હવામાન વિભાગ મુજબ ઉત્તર અને મધ્ય ભારતમાં 29 મેથી હવામાન બદલાઈ શકે છે. વરસાદની સંભાવના છે.
નવતપામાં તીવ્ર ગરમીથી બીમાર થવાનું જોખમ, ડોક્ટર પાસેથી જાણો આ 9 દિવસમાં શું કરવું, શું ન કરવુંદેશમાં આજથી નવતપા શરૂ થઈ રહ્યા છે. તેની સીધી અસર આપણા સ્વાસ્થ્ય પર થાય છે કારણ કે આ 9 દિવસમાં ગરમી અને હીટવેવ વધુ તીવ્ર બને છે. તેની અસર આપણા હૃદયથી લઈને મગજ સુધી થાય છે. તેથી, નવતપામાં દૈનિક દિનચર્યા અને આહારમાં નાના ફેરફારો કરવા જરૂરી છે.
ગરમીમાં નસકોરી ફૂટવાનું જોખમ વધી જાય છે, સમજો કે નાકમાંથી લોહી આવે તો શું કરવું, શું ન કરવુંઉનાળામાં તાપમાન ઊંચું હોવાથી હવા સૂકી થઈ જાય છે. આનાથી શ્વાસ લેતી વખતે નાકની મ્યુકસ લેયર (શ્લેષ્મ સ્તર)માં બળતરા થવા લાગે છે. આના કારણે રક્તવાહિનીઓ ફાટવાથી ક્યારેક નાકમાંથી લોહી આવી શકે છે.
