બંગાળમાં ઝખઈની ‘મમતા’ પૂરી, મોદીમય બન્યું
ભાજપને 198 બેઠક પર લીડ: 6% મત વધવાથી 121 બેઠકોને ફાયદો, ઝખઈને એટલું જ નુકસાન
- Advertisement -
ખાસ-ખબર ન્યૂઝ નવી દિલ્હી
આજે સવારથી બંગાળની 293 બેઠકો પર મતોની ગણતરી ચાલુ છે. ફાલ્ટાની એક બેઠક પર 21 મેના રોજ ફરી મતદાન થશે. પ્રારંભિક વલણોમાં ભાજપને બહુમતી મળી છે.
ભાજપ 198 અને ટીએમસી 88 બેઠકો પર આગળ ચાલી રહી છે. અત્યાર સુધી ભાજપને 45%, ટીએમસીને 42% વોટ મળતા દેખાઈ રહ્યા છે.
ભવાનીપુર બેઠક પર મમતા બેનર્જી આગળ છે. સુવેન્દુ અધિકારી પાછળ ચાલી રહ્યા છે. મોદીએ જ્યાં ઝાલમુરી ખાધી હતી તે વિસ્તારમાં ભાજપ ચારેય બેઠકો પર આગળ છે. આ બેઠકો ઝાડગ્રામ, બિનપુર, ગોપીવલ્લભપુર અને નયાગ્રામ છે
બંગાળમાંથી પાપ, તુષ્ટિકરણ, અધર્મ, અને હિંસાને જાકારો
- Advertisement -
ખાસ-ખબર ન્યૂઝ નવી દિલ્હી
પશ્ચિમ બંગાળ અને આસામ સહિત પાંચ રાજ્યોમાં ચિત્ર હવે સ્પષ્ટ થઈ ગયું છે. બંગાળમાં ટીએમસી અને ભાજપ વચ્ચેનું અંતર 100 બેઠકો સુધી વધી ગયું છે.
ચૂંટણી પંચના આંકડા મુજબ બંગાળમાં ભાજપ 192 બેઠકો પર આગળ છે, જ્યારે ટીએમસી 94 બેઠકો સુધી મર્યાદિત છે. એવું કહી શકાય કે બંગાળમાં ભાજપની સુનામી આવી ગઈ છે. તેમજ ભાજપ આસામમાં સ્પષ્ટ બહુમતી મેળવી રહી છે.
બંગાળની 293 બેઠકો પર મતોની ગણતરી ચાલુ છે. ફાલ્ટાની એક બેઠક પર 21 મેના રોજ ફરી મતદાન થશે. પ્રારંભિક વલણોમાં ભાજપને બહુમતી મળી છે. હાલ ભાજપ 194 અને ટીએમસી 93 બેઠકો પર આગળ ચાલી રહી છે. અત્યાર સુધી ભાજપને 45%, ટીએમસીને 42% મત મળતા દેખાઈ રહ્યા છે.
મમતા બેનર્જીએ કહ્યું કે ચૂંટણી પંચ મનમાની કરી રહ્યું છે. અંતિમ રાઉન્ડ પછી જીત અમારી જ થશે. બીજી તરફ આસનસોલમાં ટીએમસી ઓફિસ કેમ્પમાં તોડફોડ કરવામાં આવી.
ભવાનીપુર બેઠક પર મમતા બેનર્જી આગળ છે. સુવેન્દુ અધિકારી પાછળ ચાલી રહ્યા છે. મોદીએ જ્યાં ઝાલમુરી ખાધી હતી તે વિસ્તારમાં ભાજપ ચારેય બેઠકો પર આગળ છે. આ બેઠકો ઝાડગ્રામ, બિનપુર, ગોપીવલ્લભપુર અને નયાગ્રામ છે.
પશ્ચિમ બંગાળમાં સંવેદનશીલ વાતાવરણને જોતાં ગણતરી કેન્દ્રો પર કડક સુરક્ષા વ્યવસ્થા કરવામાં આવી છે. બંગાળમાં ઉજવણી ચાલી રહી છે, ત્યારે આસનસોલ, બેરકપોર અને બાંકુરામાં ટીએમસી અને ભાજપ કાર્યકરો વચ્ચે અથડામણના અહેવાલો મળી રહ્યા છે. સંભવિત ચૂંટણી હિંસાને રોકવા માટે બંગાળમાં કેન્દ્રીય દળો તૈનાત કરવામાં આવ્યા છે.
2021ની સરખામણીમાં આ વખતે ભાજપનો વોટ શેર લગભગ 6% વધુ દેખાઈ રહ્યો છે. ચૂંટણી પંચ મુજબ, અત્યારે ભાજપને લગભગ 45% મત મળ્યા છે અને પાર્ટી ગત વખત કરતાં 82 બેઠકો વધુ મેળવી રહી છે.
કચ્છથી લઈ કોલકાતા સુધી ભાજપ કાર્યકરોમાં ખુશીનો માહોલ
ભારતીય જનતા પાર્ટીના કાર્યકરોએ કોલકાતાના 6 મુરલીધર સેન લેન સ્થિત પાર્ટી મુખ્યાલયમાં ઝાલમુરી સાથે ઉજવણી કરી હતી. પશ્ચિમ બંગાળ વિધાનસભા ચૂંટણીના પ્રારંભિક વલણોમાં ભારતીય જનતા પાર્ટી બહુમતી તરફ આગળ વધતા તેની અસર મ ગુજરાતમાં પણ જોવા મળી. અહીં વસતા બંગાળી સમાજના લોકો અને સ્થાનિક શ્રમિકોએ ભાજપના પ્રદર્શનને પરંપરાગત વાનગીઓ વહેંચીને વધાવી લીધું છે.
કોલકાતામાં ભાજપ પાર્ટી ઓફિસમાં ઝાલમુરી સાથે જશ્ન
આજે સાંજે PM મોદી દિલ્હી કમલમ ખાતે કાર્યકરોને સંબોધશે
