હાથમાં મોરલી, પીળું પીતાંબર ધારણ કરનાર ગણેશજીનું સ્વરૂપ ભાવિકો માટે આસ્થાનું કેન્દ્ર
ખાસ-ખબર ન્યૂઝના મેનેજિંગ ડિરેક્ટર (MD) પરેશ ડોડિયાએ સહપરિવાર દાદાના દર્શન કરી મહાઆરતીનો લાભ લીધો હતો
- Advertisement -
ખાસ-ખબર ન્યૂઝ રાજકોટ
રાજકોટના યાજ્ઞિક રોડ પર સર્વેશ્વર ચોકમાં સર્વેશ્વર ચોક ચેરીટેબલ ટ્રસ્ટ દ્વારા દર વર્ષે ગણેશોત્સવનું ભવ્ય આયોજન કરવામાં આવે છે. આ વર્ષે અયોધ્યાના રામમંદિર પર આધારિત પંડાલ ભાવિકો માટે આકર્ષણનું કેન્દ્ર બન્યો છે. આ સાથે જ બાર જ્યોતિર્લિંગ તથા દુંદાળાદેવના દર્શનની અનોખી ઝાંખી જોવા મળી રહી છે. મહોત્સવ દરમિયાન રોજ દાદાને વિશેષ શણગાર અને વિવિધ કાર્યક્રમો યોજવામાં આવે છે. રામ મંદિરમાં શેષનાગ પર બિરાજમાન વાદળી રંગ, હાથમાં મોરલી, પીળું પીતાંબર ધારણ કરનાર કૃષ્ણ ભગવાન સ્વરૂપે 9 ફૂટની ઇકો ફેન્ડલી ગણેશજીની અદ્ભુત પ્રતિમા ભાવિકો માટે આકર્ષણનું કેન્દ્ર રહ્યુ છે. આ એક પ્રકારનું આધ્યાત્મિકતાનો અનોખો સંગમ રજૂ કરે છે. તે ભારતીય સંસ્કૃતિ અને ધર્મના વિવિધ પાસાઓને એકસાથે લાવીને એક સુંદર અને વિશિષ્ટ દશ્ય બનાવે છે. અહીં દરરોજ સવારે 8:30 કલાકે મંગળા આરતી, સાંજે 7:45 કલાકે મહાઆરતી અને રાત્રે 12:00 કલાકે શયન આરતીનો ભવ્ય કાર્યક્રમ યોજાય છે. ટ્રસ્ટના જણાવ્યા મુજબ, રોજ 30,000 થી 40,000 ભાવિકો દર્શન માટે પધારે છે અને પોતાની મનોકામનાઓ પુરી કરે છે. રામ મંદિરમાં બિરાજમાન ગજાનન ગણેશ દાદાને કાલે મહાઅન્નકૂટ ધરાવવામાં આવશે.
ગણેશ મહોત્સવમાં ભાવિકો અને શહેરના શ્રેષ્ઠીગણ તેમજ સમાજના આગેવાનો સહિત રાજકીયક્ષેત્રના તમામ મહાનુભાવો દાદાના દર્શને આવી મહાઆરતીનો લાભ લીધો હતો. ત્યારે મહોત્સવના સાતમાં દિવસે ખાસ ખબર ન્યૂઝના મેનેજિંગ ડિરેક્ટર (ખઉ) પરેશભાઈ ડોડીયા સહપરિવાર, ડીવાયએસપી વી.બી.જાડેજા સહપરિવાર, રાજકોટના એસીપી ગુરુયાણી સહપરિવાર, અમદાવાદ બોપલના પી.આઈ. બી.ટી.ગોહિલ સહપરિવાર, એડવોકેટ હિતેશ મહેતા સહપરિવાર, સુધીરસિંહ જાડેજા નાના મહુવા સહપરિવાર, પુષ્પરાજસિંહ જાડેજા માખાવડ સહપરિવાર, અગ્રણી વેપારી ચિરાગભાઈ પોપટ સહપરિવાર, મોર્ડન હોટલ ગ્રુપના મુકેશભાઈ દોશી સહપરિવાર, વોર્ડ નંબર 9 ભાજપના મહામંત્રી પ્રવીણભાઈ સેગલીયા, કોઠારીયા સ્ટેટ જયદીપસિંહ જાડેજા, વીરપુર સ્ટેટ દેવેન્દ્રસિંહ, એક્સ આર્મીમેન જોશીભાઇ આર.કે.સી, શાસ્ત્રીજી કૌશિકભાઇ ત્રિવેદી અને કાઠિયાવાડી મેટલ્સ વાળા બહાદુરસિંહ કોટીલા સહ પરિવાર સહિતના મહાનુભાવોએ દાદાના દર્શન કરી મહાઆરતીનો લાભ લીધો હતો.
