સર્વેશ્વર ચોક કા રાજાને ભાવભરી વિદાય, મહાઆરતી બાદ હજારો ભાવિકોની હાજરીમાં વિસર્જન

અંતિમ દિવસે દુંદાળા દેવની ભવ્ય મહાઆરતી યોજાઈ

ઇનામી ડ્રોના વિજેતાઓને ઇનામ મેળવવા ટ્રસ્ટનો સંપર્ક કરવા અપીલ

સર્વેશ્વર ચોક ચેરીટેબલ ટ્રસ્ટ દ્વારા આયોજિત ગણેશ મહોત્સવના અંતિમ દિવસે ભક્તિભાવ અને શ્રદ્ધાભેર વિવિધ ધાર્મિક કાર્યક્રમો યોજાયા હતા. ગણેશ મહોત્સવના સમાપન પ્રસંગે સર્વેશ્વર ચોક ખાતે દુંદાળા દેવની ભવ્ય મહાઆરતી કરવામાં આવી હતી, જેમાં મોટી સંખ્યામાં ભાવિકો ઉપસ્થિત રહી બાપ્પાના દર્શન અને આરતીનો લાભ લીધો હતો. મહાઆરતી દરમિયાન સમગ્ર સર્વેશ્વર ચોક વિસ્તાર ‘ગણપતિ બાપ્પા મોરિયા’ના જયઘોષથી ગુંજી ઉઠ્યો હતો. ભાવિકોએ શ્રદ્ધાપૂર્વક પૂજન-અર્ચન કરી દુંદાળા દેવના આશીર્વાદ મેળવ્યા હતા. મહાઆરતી બાદ ભક્તોમાં ગણેશજીને ભાવભરી વિદાય આપવાનો માહોલ જોવા મળ્યો હતો. ગણેશજીની પ્રતિમાનું વિધિપૂર્વક પૂજન કર્યા બાદ બપોરના શુભ મુહૂર્તમાં હજારો ભાવિકોની ઉપસ્થિતિ વચ્ચે વિસર્જન કરવામાં આવ્યું હતું. વિસર્જન યાત્રા દરમિયાન ભાવિકોમાં ભારે ઉત્સાહ જોવા મળ્યો હતો. ભક્તો દ્વારા ગણપતિ દાદાના જયઘોષ સાથે સમગ્ર વાતાવરણ ભક્તિમય બની ગયું હતું. શ્રદ્ધાળુઓએ આગામી વર્ષે ફરીથી બાપ્પાના આગમનની પ્રાર્થના સાથે ગણેશજીને ભાવભીની વિદાય આપી હતી.આ રીતે સર્વેશ્વર ચોક ખાતે ભક્તિ, શ્રદ્ધા અને ઉત્સાહભેર ઉજવાયેલ ગણેશ મહોત્સવનું ભાવુક માહોલમાં સમાપન થયું હતું. હજારો ભાવિકોની હાજરી અને ‘ગણપતિ બાપ્પા મોરિયા’ના ગગનભેદી નાદ વચ્ચે દુંદાળા દેવને વિદાય આપવામાં આવતા સમગ્ર વિસ્તાર ભક્તિમય બની ગયો હતો.

‘સર્વેશ્વર ચોક કા રાજા’નો ઇનામી ડ્રો જાહેર
ગણેશ મહોત્સવ દરમિયાન સર્વેશ્વર ચોક ચેરીટેબલ ટ્રસ્ટ દ્વારા યોજાયેલા‘સર્વેશ્વર ચોક કા રાજા’ ઇનામી ડ્રોનું પરિણામ પણ જાહેર કરવામાં આવ્યું છે. ડ્રોમાં વિજેતા બનેલા ભાગ્યશાળી વિજેતાઓને પોતાના ઇનામ મેળવવા માટે ટ્રસ્ટનો સંપર્ક કરવા અપીલ કરવામાં આવી છે. ટ્રસ્ટ દ્વારા વિજેતાઓને મોબાઇલ નંબર 98242 14222 પર સંપર્ક કરવા જણાવાયું છે. ઇનામ મેળવવા માટે વિજેતાઓએ પોતાની ટીકીટ સાથે ટ્રસ્ટનો સંપર્ક કરવા અપીલ કરવામાં આવી છે.

સર્વેશ્વર ચોક કા રાજા ઇનામી ડ્રો :
ક્રમ ઈનામ ઈનામની વસ્તુ ટીકીટ નંબર
1 પ્રથમ ઈનામ ઈલેક્ટ્રિક સ્કૂટર 18248
2 બીજું ઈનામ એર કન્ડિશનર(AC) 09210
3 ત્રીજું ઈનામ ટેલીવિઝન 18510
4 ચોથું ઈનામ વોશિંગ મશીન 21472
5 પાંચમું ઈનામ વોશિંગ મશીન 33755
6 છઠ્ઠું ઈનામ એર કૂલર 34199
7 સાતમું ઈનામ એર કૂલર 19822
8 આઠમું ઈનામ એર કૂલર 32882
9 નવમું ઈનામ એર કૂલર 30025
10 દસમું ઈનામ એર કૂલર 13128
11 અગિયારમું ઈનામ સ્માર્ટ વોચ 22621
12 બારમું ઈનામ સ્માર્ટ વોચ 31666
13 તેરમું ઈનામ સ્માર્ટ વોચ 13375
14 ચૌદમું ઈનામ સ્માર્ટ વોચ 30105
15 પંદરમું ઈનામ સ્માર્ટ વોચ 00724
16 સોળમું ઈનામ સ્માર્ટ વોચ 14748
17 સત્તરમું ઈનામ સ્માર્ટ વોચ 35436
18 અઢારમું ઈનામ સ્માર્ટ વોચ 30151
19 ઓગણીસમું ઈનામ સ્માર્ટ વોચ 04604
20 વીસમું ઈનામ સ્માર્ટ વોચ 25061