પોલીસ સ્ટેશનમાં અરજી કરી? હવે અવગણના નહીં થાય!

અરજીઓમાં થતા વિલંબને અટકાવવા મોનિટરિંગ વ્યવસ્થા 

34 જિલ્લાની જઙ કચેરી પર દેખરેખ માટે 35 સિનિયર ઈંઙજને જવાબદારી

મહિનામાં બે દિવસ જિલ્લાની મુલાકાત લઈ અરજદારોનો સંપર્ક કરશે

સૂચનોના પાલનની આગામી મુલાકાતે સમીક્ષા, અહેવાલ સીધો ગૃહ વિભાગને મોકલાશે

ખાસ-ખબર ન્યૂઝ રાજકોટ

પોલીસ સ્ટેશનમાં કરાયેલી અરજી પર પોલીસ સમયસર એકશન ન લેતી હોવાની ફરિયાદો વારંવાર ઉઠતી રહે છે. ત્યારે હવે રાજ્ય સરકાર દ્વારા એક નવી વ્યવસ્થા ગોઠવવામાં આવી છે. રાજ્યના 34 જિલ્લાઓની જઙ કચેરીની કામગીરી પર દેખરેખ રાખવા માટે 35 સિનિયર ઈંઙજને જવાબદારી સોંપવામાં આવી છે. જેઓ મહિનામાં બે વાર પોતાને સોંપાયેલા જિલ્લાની મુલાકાત લેશે અને અરજીઓની માહિતી મેળવશે. જરુર પડશે તો અરજદારની પણ મુલાકાત કરશે. જે અરજીઓ દફતરે કરવામાં આવે છે તેની પણ ચકાસણી કરશે. જેથી પોલીસ સ્ટેશનમાં થતી અરજી પર એકશન લેવામાં વિલંબ થતો હોવાની જે ફરિયાદો ઉઠતી હતી તેનું નિરાકરણ આવે તેવી શક્યતા છે.
જે સિનિયર ઈંઙજને જવાબદારી સોંપવામાં આવી છે તેને પોતાના જિલ્લામાં મહિનામાં બે દિવસ મુલાકાત કરવાની રહેશે. માસના પ્રથમ અઠવાડીયામાં ટુર પ્રોગ્રામ બનાવી તેની નકલ અગાઉથી જે તે સંબંધિત એકમને મોકલવાની રહેશે. બીજા અને ત્રીજા અઠવાડીયામાં ટુર પ્રોગ્રામ પુર્ણ કરી, કરેલ કાર્યવાહીનો અહેવાલ માસના ચોથા અઠવાડીયામાં ગૃહ વિભાગ અને પોલીસ મહાનિદેશક અને મુખ્ય પોલીસ અધિકારીની કચેરીએ મોકલી આપવાનો રહેશે. સંબંધિત અધિકારીએ પોલીસ અધીક્ષકની કચેરી, પોલીસ સ્ટેશન, એસ.ડી.પી.ઓ. કચેરીની મુલાકાત લેવાની રહેશે. વર્ષ દરમ્યાન જીલ્લાના મહત્તમ પોલીસ સ્ટેશન આવરી પોલીસ સ્ટેશનની મુલાકાત લેવાની રહેશે. માત્ર એક જ પોલીસ સ્ટેશનની વારંવાર મુલાકાત નહી લઇ શકે.

વિવિધ પ્લેટફોર્મ પર થયેલી અરજીઓને ધ્યાન પર લેવાની રહેશે

મુખ્યમંત્રી કાર્યાલયના સંદર્ભ, નાયબ મુખ્યમંત્રીના કાર્યાલયના સંદર્ભ, ગૃહ વિભાગ તરફથી મળતા પત્રો, પોલીસ મહાનિદેશક અને મુખ્ય પોલીસ અધિકારીની કચેરીના રેફરન્સ, પોલીસ અધિક્ષકની કચેરીઓ તરફથી મળતી અરજીઓ તથા સ્થાનિક કક્ષાએ આવેલા અરજદારની અરજીઓનું યોગ્ય અને સમયમર્યાદામાં નિરાકરણ થયેલ છે કે કેમ? તે જોવાનું રહેશે તેમજ દફતરે થયેલ અરજીઓ પૈકી 10 થી 15 અરજદારનો રૂબરૂ સંપર્ક કરીને ખરેખર તેઓની અરજીઓ દફતરે કરવા લાયક હતી કે કેમ ? તેની ચકાસણી કરવાની રહેશે.

દર મહિને એક કે બે પોલીસ સ્ટેશનની મુલાકાત લેવાની રહેશે

દર માસે એક કે બે પોલીસ સ્ટેશનની મુલાકાત લઈ આ મુજબ અરજદારોની અરજી ચકાસી અરજદારોને રૂબરૂ મળવાનું રહેશે. ઉક્ત વીઝીટ અંગેની સૂચના સંબંધિત પોલીસ કમિશનર કે જિલ્લા પોલીસ વડાઓને લેખિતમાં આપવાની રહેશે અને તેનો અહેવાલ પોલીસ મહાનિદેશક અને મુખ્ય પોલીસ અધિકારીને મોકલી આપવાનો રહેશે. સદરહુ અહેવાલમાં આપેલ સૂચનાનું અચૂક પાલન થયું છે તેની સમીક્ષા આગામી રૂબરૂ મુલાકાત દરમિયાન કરવાની રહેશે. પોલીસ મહાનિદેશક અને મુખ્ય પોલીસ અધિકારીશ્રીએ તેઓને મળેલ તમામ અહેવાલોની ચકાસણી કરી તેઓના રીમાર્કસ સહિત સંયુક્ત અહેવાલ ગૃહ વિભાગને મોકલી આપવાનો રહેશે. રેન્જ પોલીસ મહાનિરીક્ષક, પોલીસ કમિશનર, જિલ્લા પોલીસ વડાઓએ પણ પોતાના કાર્યક્ષેત્રના પોલીસ સ્ટેશનો માટે દર માસે સમાન પ્રકારની કાર્યવાહી કરવાની રહેશે.

રેન્જ અને જિલ્લામાં સિનિયર IPS અધિકારીને જવાબદારી
ક્રમ રેન્જ/જિલ્લો નામ હોદ્દો
1 અમદાવાદ ગ્રામ્ય દીપક મેઘાણી ઉઈંૠ
2 આણંદ સુજાતા મજમુદાર ઉઈંૠ
3 ખેડા-નડિયાદ નિર્લિપ્ત રાય ઉઈંૠ
4 ગાંધીનગર ખુરશીદ અહેમદ અઉૠઙ
5 મહેસાણા પરીક્ષીતા રાઠોડ ઈંૠ
6 સાબરકાંઠા ગગનદીપ ગંભીર ઈંૠ
7 અરવલ્લી વિશાલકુમાર વાઘેલા ઉઈંૠ
8 વડોદરા ગ્રામ્ય નિર્લિપ્ત રાય ઉઈંૠ
9 છોટાઉદેપુર સરોજ કુમારી ઉઈંૠ
10 ભરૂચ આર.વી. ચુડાસમા ઉઈંૠ
11 નર્મદા સુધા પાડે ઉઈંૠ
12 પંચમહાલ-ગોધરા સુધા પાંડે ઉઈંૠ
13 મહિસાગર ડો. જી.એ. પંડયા ઉઈંૠ
14 દાહોદ વિશાલકુમાર વાઘેલા ઉઈંૠ
15 સુરત ગ્રામ્ય આર.ટી. સુશરા ઉઈંૠ
16 તાપી ડો. સુધીર દેસાઇ ઉઈંૠ
17 વલસાડ પી.એલ.માલ ઈંૠ
18 નવસારી આર.વી. ચુડાસમાં ઉઈંૠ
19 ડાંગ સરોજ કુમારી ઉઈંૠ
20 રાજકોટ ગ્રામ્ય મનોજ નીનામાં ઈંૠ
21 મોરબી ડો.જી.એ.પંડ્યા ઉઈંૠ
22 સુરેન્દ્રનગર ચૈતન્ય માંડલિક ઉઈંૠ
23 જામનગર આર.પી. બારોટ ઉઈંૠ
24 દેવભૂમિ દ્વારકા પી.એલ.માલ ઈંૠ
25 જૂનાગઢ તરૂણ કુમાર દુગ્ગલ ઉઈંૠ
26 ગીર સોમનાથ આર.પી. બારોટ ઉઈંૠ
27 પોરબંદર હિતેશ જોયશર ઉઈંૠ
28 ભાવનગર હિતેશ જોયશર ઉઈંૠ
29 બોટાદ તરૂણ કુમાર દુગ્ગલ ઉઈંૠ
30 અમરેલી આર.ટી. સુશરા ઉઈંૠ
31 પશ્ચિમ કચ્છ-ભુજ અજય ચોધરી અઉૠઙ
32 પુર્વ કચ્છ-ગાંધીધામ અજય ચોધરી અઉૠઙ
33 બનાસકાંઠા ચૈતન્ય માંડલિક ઉઈંૠ
34 પાટણ ડો. સુધીર દેસાઈ ઉઈંૠ
35 વાવ-થરાદ મનોજ નીનામા ઈંૠ