10 લિટર દાઝ્યું તેલ, 7 કિલો ચટણી અને 15 કિલો ન્યૂઝ પેપરનો નાશ; હાઈજીન મુદ્દે 13 પેઢીઓને ફટકારાઈ નોટિસ
બિગ બોસ હોટલ, વિશ્રાંતિ ગૃહ અને શિવા પાણીપુરી સહિતના એકમોમાંથી શાક, ગ્રેવી અને પાણીના સેમ્પલ ભરાયા
- Advertisement -
ખાસ-ખબર ન્યૂઝ મોરબી, તા.20
શહેરમાં લોકોના આરોગ્ય સાથે ચેડાં કરતા ખાદ્ય પદાર્થોના વેચાણ સામે મોરબી મહાનગરપાલિકાની ફૂડ શાખાએ લાલ આંખ કરી છે. જિલ્લા ફૂડ અધિકારી નીરવભાઈ ચૌધરી અને ફૂડ સેફ્ટી ઇન્સ્પેક્ટર હિમાનીબેન ત્રિવેદીના માર્ગદર્શન હેઠળ નેહરુ ગેટ નાસ્તા ગલી અને સનાળા રોડ પર સઘન સર્ચ ઓપરેશન હાથ ધરવામાં આવ્યું હતું. આ ડ્રાઈવ દરમિયાન કુલ 16 પેઢીઓની તપાસ કરી 10 જેટલા ખાદ્ય નમૂનાઓ લેબોરેટરી પરીક્ષણ માટે લેવામાં આવ્યા હતા.
ફૂડ વિભાગ દ્વારા લેવામાં આવેલા નમૂનાઓમાં વિશ્રાંતિ ગૃહ હોટલમાંથી બટેકા, ઢોકળી અને સેવ-ટમેટાનું શાક, શિવા પાણીપુરીમાંથી પાણીપુરીનું પાણી, વિશ્વાસ નાસ્તા હાઉસમાંથી બટેકાનું શાક, ભેળ અને ભજીયા તેમજ ભક્તિનગર સર્કલ પાસે આવેલી બિગ બોસ (ઇઈંૠઇઘજજ) હોટલમાંથી પંજાબી ગ્રેવી અને દાળના સેમ્પલનો સમાવેશ થાય છે. આ તમામ નમૂનાઓ તપાસ અર્થે લેબોરેટરીમાં મોકલાયા છે અને જો રિપોર્ટ નેગેટિવ આવશે તો ઋજજઅઈં એક્ટ-2006 મુજબ કડક કાર્યવાહી કરવામાં આવશે.
તપાસ દરમિયાન હોટલ અને રેસ્ટોરન્ટ્સમાંથી 7 કિલો અખાદ્ય ચટણી અને 10 લિટર દાઝેલા તેલનો સ્થળ પર જ નાશ કરવામાં આવ્યો હતો. આ ઉપરાંત, નાસ્તો પીરસવા માટે ઉપયોગમાં લેવાતા આશરે 15 કિલો છાપેલા ન્યૂઝ પેપરના જથ્થાનો પણ નાશ કરાયો હતો. ફૂડ શાખાએ કુલ 30 પેઢીઓની પ્રાથમિક તપાસ કરી હતી, જેમાંથી લાયસન્સ અને હાઈજીન (સ્વચ્છતા)ના નિયમોનું ઉલ્લંઘન કરનાર 13 પેઢીઓને કારણદર્શક નોટિસ પાઠવી તકેદારી રાખવા તાકીદ કરી છે.
