ન્યાયાધીશો અને વકીલો વચ્ચે જંગ, વકીલોની જીત

‘ખાસ-ખબર કપ-2026’ના દસમો દિવસ ટેનિસ ક્રિકેટના ઇતિહાસમાં સુવર્ણ અક્ષરે લખાશે 

ન્યાયાધીશો અને વકીલો વચ્ચે જંગ, વકીલોની જીત

ડીજે લાયન્સ ટીમના ટીપુ સુલતાનની સદી : રાજુ પાલડીએ 5 વિકેટ ઝડપી

માધવરાવ સિંધિયા સ્ટેડિયમમાં રનનો હિમાલય ખડકાયો: આખું સ્ટેડિયમ રોમાંચથી ગૂંજી ઉઠ્યું

ખાસ-ખબર ન્યૂઝ રાજકોટ

‘ખાસ ખબર’ દ્વારા આયોજિત ‘ખાસ ખબર કપ-2026’ ઓલ ઇન્ડિયા રાત્રિપ્રકાશ ટેનિસ ક્રિકેટ ટૂર્નામેન્ટના દસમા દિવસે એવા રેકોર્ડ્સ બન્યા કે જેણે આંતરરાષ્ટ્રીય ક્રિકેટના રોમાંચને પણ ઝાંખો પાડી દીધો હતો. ઐતિહાસિક માધવરાવ સિંધિયા ઇન્ટરનેશનલ ક્રિકેટ ગ્રાઉન્ડ પર રમાયેલા પાંચ મુકાબલાઓમાં પ્રેક્ષકોએ બેટિંગ અને બોલિંગનું સર્વોચ્ચ પ્રદર્શન નિહાળ્યું હતું. રાજકોટના રમતગમત ઇતિહાસમાં 17 એપ્રિલ 2026નો દિવસ હંમેશા માટે યાદ રાખવામાં આવશે.
દિવસની પ્રથમ મેચમાં મહાવીર કઊં સ્ટારનો દબદબો રહ્યો હતો. પુજારા-11 ની ટીમને ઓછી રનસંખ્યામાં રોકી દેવામાં આવી હતી. મહાવીર કઊંના બોલર અભિ પરમારે માત્ર 10 બોલમાં 10 રન આપી 4 મહત્વની વિકેટો ઝડપી લઈને મેચ એકતરફી બનાવી દીધી હતી. બીજી મેચમાં ડીજે લાયન્સે શાનદાર રમત બતાવી વિજય મેળવ્યો હતો. ટીમના બેટ્સમેનોએ ચોગ્ગા-છગ્ગાની રમઝટ બોલાવી હતી. પ્રેક્ષકો અને મહેમાનોએ આસિફ ખાનની આક્રમક બેટિંગ નિહાળી. રાજકોટના ન્યાયાધીશો અને વકીલો વચ્ચે રમાયેલી આ મેચ પ્રેક્ષકો માટે આકર્ષણનું કેન્દ્ર બની હતી. જજીસ તરફથી રાણા સર અને બ્રહ્મભટ્ટ સરે શાનદાર બેટિંગ કરી હતી. જોકે, એડવોકેટ-11 ની ટીમે રોમાંચક રીતે મેચ જીતી લીધી હતી. આ મેચમાં રાજસ્થાનના સ્ટાર પ્લેયર રાજુ પાલડીએ જાદુઈ સ્પેલ નાખ્યો હતો. તેમણે 14 રન આપીને 5 વિકેટ (પંજો) ઝડપી લઈને વિશ્વકર્મા-11 ના બેટ્સમેનોને લાચાર બનાવી દીધા હતા. મહાવીર કઊં સ્ટારની આ જીત સાથે તેઓ ટૂર્નામેન્ટમાં મજબૂત સ્થિતિમાં પહોંચ્યા છે. દિવસની અંતિમ મેચ ઇતિહાસની સાક્ષી બની હતી. ડીજે લાયન્સના બેટ્સમેન ટીપુ સુલતાને મેદાન ગજવી મૂક્યું હતું. તેમણે માત્ર 36 બોલમાં 1 ચોગ્ગો અને 16 આકાશી છગ્ગા ફટકારીને અવિશ્વસનીય 110 રન બનાવ્યા હતા. ડીજે લાયન્સે ટૂર્નામેન્ટનો હાઈએસ્ટ ટીમ સ્કોર 158 રન બનાવ્યો હતો.

દસમાં દિવસના 5 મેચના પરિણામ

મેચ 1 : મહાવીર LK સ્ટાર Vs પુજારા-XI
પરિણામ : મહાવીર LK સ્ટારનો એકતરફી વિજય
ટીમનો સ્કોર : પુજારા-XIના બેટ્સમેનોને ઓછા સ્કોર પર રોકયા
મુખ્ય પ્રદર્શન : અભિ પરમારે 10 બોલમાં 10 રન આપી 4 મહત્વની વિકેટ ઝડપી.
પ્લેયર ઓફ ધ મેચ : અભિ પરમાર

મેચ 2 : ડીજે લાયન્સ Vs બ્રધર્સ-XI
પરિણામ : ડીજે લાયન્સનો શાનદાર વિજય.
મુખ્ય પ્રદર્શન : આસિફ ખાનની આક્રમક બેટિંગ દ્વારા ચોગ્ગા-છગ્ગાની રમઝટ બોલાવી.
પ્લેયર ઓફ ધ મેચ : આસિફ ખાન

મેચ 3: એડવોકેટ-XI Vs જજીસ-XI
પરિણામ : એડવોકેટ-XIનો રોમાંચક વિજય.
ટીમનો સ્કોર : રાણા સર અને બ્રહ્મભટ્ટ સરની જજીસ-ડઈં તરફથી શાનદાર બેટિંગ પ્રદર્શન.
મુખ્ય પ્રદર્શન : નિકુલ વઘાસિયાનો મેચ વિનિંગ દેખાવ
પ્લેયર ઓફ ધ મેચ : નિકુલ વઘાસિયા.

મેચ 4 : મહાવીર LK સ્ટાર Vs વિશ્ર્વકર્મા-XI
પરિણામ : મહાવીર LK સ્ટારનો વિજય.
ટીમનો સ્કોર : જીત સાથે ટુર્નામેન્ટમાં મજબૂત સ્થિતિ પ્રાપ્ત કરી.
મુખ્ય પ્રદર્શન : રાજુ પાલડીએ 14 રન આપી 5 વિકેટ ઝડપી
પ્લેયર ઓફ ધ મેચ : રાજુ પાલડી.

મેચ 5 : ડીજે લાયન્સ Vs સીપીડીએચ કેમ્પ
પરિણામ : ડીજે લાયન્સનો ઐતિહાસિક વિજય.
ટીમનો સ્કોર : ડીજે લાયન્સે 158 રનનો ટુર્નામેન્ટનો હાઈએસ્ટ સ્કોર બનાવ્યો.
મુખ્ય પ્રદર્શન : ટીપુ સુલતાને 36 બોલમાં 110 રન કર્યા (1 ચોગ્ગો અને 16 છગ્ગા).
પ્લેયર ઓફ ધ મેચ : ટીપુ સુલતાન

ડીજે લાયન્સે ટૂર્નામેન્ટનો હાઈએસ્ટ ટીમ સ્કોર 158 રન બનાવ્યો…

ટુર્નામેન્ટમાં દરેક પ્લેયર ઓફ ધ મેચને ખાસ ખબર, ઉમિયા મોબાઇલ, VNSપરફ્યુમ, આઇ.કે.સિલેકશન, એપસ ફાર્મા અને જાફર ટી તરફથી આકર્ષક ઇનામો આપવામાં આવ્યા

આ વર્ષે ટૂર્નામેન્ટને વધુ પ્રોફેશનલ બનાવવા અમ્પાયર્સ અને સ્કોરર્સ વચ્ચે વોકી-ટોકી, જાયન્ટ સ્ક્રીન પર લાઈવ રિપ્લે તેમજ થર્ડ એમ્પાયરે પ્રેક્ષકોમાં ભારે આકર્ષણ જમાવ્યું

વોર્ડ નં.10ના ઉમેદવાર અને ભાજપ અગ્રણી ઘનશ્યામભાઇ હેરભા અને પ્રખર ધારાશાસ્ત્રી ભગીરથસિંહ ડોડિયાએ ખેલાડીઓનો ઉત્સાહ વધાર્યો

ટુર્નામેન્ટના 10માં દિવસે રાજકોટ શહેર વોર્ડ નં.10ના ઉમેદવાર અને ભાજપ અગ્રણી ઘનશ્યામભાઇ હેરભા, પ્રખર ધારાશાસ્ત્રી ભગીરથસિંહ ડોડિયા ખાસ ઉપસ્થિત રહ્યા હતાં તેમજ રાજકોટના જોઈન્ટ ડિસ્ટ્રિક્ટ જજ જે.જે. બ્રહ્મભટ્ટ, રાજકોટના ચીફ જ્યુડિશિયલ મેજિસ્ટ્રેટ (ઈઉંખ) પી.એમ. શાહ, પ્રિન્સિપલ સીનિયર સિવિલ જજ રાણા સાહેબ, ન્યાયિક ક્ષેત્રના અગ્રણી વઘાસિયા સાહેબ તેમજ ન્યાયિક જગતના પ્રતિષ્ઠિત સભ્યો મિસ્ત્રી સાહેબ, ત્રિવેદી સાહેબ, પટેલ સાહેબ, રબારી સાહેબ, ખંડેલવાલ સાહેબ, વર્મા સાહેબ, ગુપ્તા સાહેબ, હિંગુ સાહેબ, ગગનાણી સાહેબ અને વસાવા સાહેબ ઉપસ્થિત રહ્યા હતા તેમજ ખાસ-ખબરના ડિરેકટર કલાપીભાઇ ભગતે ખાસ હાજરી આપી હતી. બાર એસોસિએશનના પ્રમુખ સુમિત વોરા, નિખિલભાઇ ગૌગિયા, ભરતસિંહ ઝાલા, નિત્યરાજસિંહ જાડેજા, દિપસિંહ રાઠોડ, નિરેનભાઇ જાની, રીબડાના શક્તિસિંહ જાડેજા, અલાઉદ્દીનભાઇ કારિયાણીયા, જયેશભાઇ રાજપૂત, જયુભાઇ રાઠોડ, કેતનભાઇ જરિયા અને ગોપાલભાઇ બોરાણા, રૂપેશભાઇ ડોડિયા હાજર રહ્યા હતા.
‘ખાસ ખબર’ના ખઉ પરેશભાઈ ડોડિયા અને તેમની ટીમ રાજુ કીકાણી, રાજભા પરમાર, દિપકભાઈ સાપરીયા, લખનભાઈ સોમૈયા (ક.ઊં.સ્ટાર), રજની પટેલ (ડાયરેક્ટર ખાસ ખબર), સંજયસિંહ પરમાર, સમીર દોશી, ધર્મેશ જોશી, (ડાયરેક્ટર ખાસ ખબર), દિપક ચંદારાણા દ્વારા આ સમગ્ર ટુર્નામેન્ટનું આયોજન કરવામાં આવ્યુ છે. તેમજ સર્વેશ્વર ચેરીટેબલ ટ્રસ્ટના દિલિપસિંહ જાડેજા, રામદેવસિંહ જાડેજા, ચેતનસિંહ ખવડ, જતીન માનસતા, જીણુભા, વિજય ગોહેલ, ગુલાબસિંહ જાડેજા, વલ્લભભાઇ સોરાણી, કુમારભાઇ ચૌહાણ, હિતેષભાઇ મહેતા, અમીનભાઇ રાજ્યગુરુ, કલપેશભાઇ દસાડીયા, શૈલેષભાઇ પરમાર, રાજેશભાઇ મજેઠીયા, પરીદીતસિંહ જાડેજા, અશોકભાઇ સૌમેયા, પુષ્પરાજસિંહ જાડેજા, સુધીરસિંહ જાડેજા, અતુલભાઇ કોઠારી, મનીષભાઇ તન્ના અને હિતેષભાઇ કારીયા સહિતના સભ્યો આ ટુર્નામેન્ટને સફળ બનાવવા જહેમત ઉઠાવી રહ્યા છે.

સ્ટેડિયમની જાયન્ટ સ્ક્રીન પર રમતનો રોમાંચ જોઈને ઉપસ્થિત હજારો પ્રેક્ષકોમાં અનેરો ઉત્સાહ જોવા મળ્યો હતો: મહેમાનોએ ખેલાડીઓને ઈનામ વિતરણ કરી પ્રોત્સાહિત કર્યા

મહેમાનોનું પુષ્પગુચ્છ અને સ્મૃતિચિહ્ન આપી હાર્દિક સ્વાગત કરવામાં આવ્યું હતું