જૂનાગઢ લોકસભા બેઠકની ગણતરી પૂર્વ તૈયારીઓ શરૂ
વિધાનસભા વાઇઝ એક સાથે 14 ટેબલ પર થશે ગણતરી
- Advertisement -
ચૂંટણી અધિકારી દ્વારા કાઉન્ટિંગ સ્ટાફનું રેન્ડમાઇઝેશન થશે
ખાસ-ખબર ન્યૂઝ જૂનાગઢ, તા.15
જૂનાગઢ લોકસભા સામાન્ય ચૂંટણી ગત તા.7 મેના રોજ ત્રીજા તબક્કાનું મતદાન યોજાય ગયું હતું જયારે જૂનાગઢ લોકસભા બેઠકની મત ગણતરી કૃષિ યુનિવર્સીટી ખાતે તા.4 જૂનના રોજ મત ગણતરી થવાની છે ત્યારે તેની પૂર્વ તૈયારીના ભાગ રૂપે ચૂંટણી અધિકરી અનીલકુમાર રાણાવાસીયા દ્વારા તૈયારીઓ શરૂ કરી દેવામાં આવી છે.જૂનાગઢ અને ગીર સોમનાથ જિલ્લાની કુલ 7 વિધાનસભાનો લોકસભા બેઠકમાં સમાવેશ થાય છે.તે તમામ વિધાનસભા બેઠકની મત ગણતરી કૃષિ ખાતે આવેલ ઇજનેરી અને ટેકનોલોજી કોલેજ ખાતે કરવામાં આવશે.જેની તૈયારીઓ શરુ કરી દેવામાં આવી છે. જૂનાગઢ કૃષિ યુનિ.ખાતે આવેલ ઇજનેરી કોલેજ ખાતે આવેલ અલગ અલગ 7 રૂમમાં સાત વિધાનસભા બેઠકની મત ગણતરી એક સાથે કરવામાં આવશે જેમાં અલગ અલગ રૂમોમાં 14 ટેબલ પર કરવામાં આવશે જેમાં સ્ટ્રોંગરૂમ માંથી 14 ઈવીએમ લાલવવામાં આવશે અને 14 ઈવીએમનો રાઉન્ડ પૂર્ણ થયા બાદ બીજા 14 ઈવીએમ લાવીને મત ગણતરી કરવામાં આવશે હાલ તો તમામ ઈવીએમ અને વીવીપેટને કૃષિ ખાતે આવેલ ઈજનેર કોલેજ ખાતેના સ્ટ્રોંગરૂમમાં ચુસ્ત બંદોબસ્ત સાથે સીસીટીવી કેમેરા સાથે રાખવામાં આવ્યા છે.
- Advertisement -
જે તમામ ઈવીએમની ગણતરી તા.4 જૂનના રોજ સવારથી કરવામાં આવશે. જૂનાગઢ બેઠકની આગામી તા.4 જૂનના મતગણતરી થશે. ગણતરી કેન્દ્ર ખાતે સાતેય વિધાનસભા અલગ-અલગ રૂમમાં રાખવામાં આવ્યા છે. આ રૂમમાં 14 ટેબલ ગોઠવવામાં આવશે. જેમાં એક માઇક્રો ઓબ્ઝર્વર, મદદનીશ સુપરવાઇઝર એક પ્યુન સહિત ચાર કર્મચારીઓ ફરજ બજાવશે. આગામી દિવસોમાં ગણતરી માટે સ્ટાફનું રેન્ડમાઇઝેશન કરવામાં આવશે અને ત્યારબાદ વિધાનસભા દીઠ ફરજ સોંપવામાં આવશે. જૂનાગઢ લોકસભા બેઠક પર કુલ 1847 મતદાન મથક પર એટલા ઇવીએમનો ઉપયોગ થયો હતો અને ગણતરીના દિવસે એક સાથે સાત રૂમમાં 14-14 ઇવીએમ ખુલશે. જૂનાગઢ લોકસભા બેઠક પર 1847 ઇવીમેઅની ગણતરી રાઉન્ડ વાઇસ થશે જેમાં જૂનાગઢમાં 287 ઇવીએમના 20થી વધુ રાઉન્ડ, વિસાવદરમાં 292 ઇવીએમના 20થી વધુ રાઉન્ડ જયારે માંગરોળ 228 ઇવીએમના 16થી વધુ રાઉન્ડ, સોમનાથ 264 ઇવીએમના 18થી વધુ રાઉન્ડ, તાલાલા 253 ઇવીએમના 18થી વધુ રાઉન્ડ, કોડીનારના 251 ઇવીએમના 18થી વધુ રાઉન્ડ, ઊનાના 272 ઇવીએમના 19થી વધુ રાઉન્ડ સાથે મતગણતરી યોજાશે. જેમાં સૌથી વધુ વિસાવદર અને સૌથી ઓછા માંગરોળમાં ઇવીએમની સંખ્યા છે.