રાજકોટના મહિલા તબીબને મની લોન્ડ્રીંગની ધમકી આપી ડિજિટલ અરેસ્ટ કરી 12.90 લાખ પડાવી લીધા

TRIAના સીનીયર ઓફીસર અને મુંબઈ ક્રાઇમ બ્રાંચની ઓળખ આપી ધમકાવી ફસાવ્યા

મ્યુચ્યુઅલ ફંડ વિડ્રો અંગે ભાઈને મેઈલ જતા તેણે જ સાયબર ફ્રોડ થયાની જાણ કરતા ફરિયાદ નોંધાવી

સાયબર ગઠિયાઓ પોલીસની એક્સપર્ટ ટિમ હોવા છતાં પોતાના કામ પાર પાડવામાં સફળ થઇ રહ્યા છે રાજકોટના મહિલા તબીબને ડિજિટલ અરેસ્ટ કરી સાયબર માફિયાઓએ 12.90 લાખ પડાવી લેતા સાયબર ક્રાઇમ પોલીસે ગુનો નોંધી તપાસ હાથ ધરી છે પહેલાં TRIAના સીનીયર ઓફીસરની ઓળખ આપી ડરાવ્યાં અને બાદમાં મુંબઈ ક્રાઇમ બ્રાંચના અધિકારીની ઓળખ આપી રૂપીયા પડાવી લીધા હતાં.

રાજકોટમાં અયોધ્યા ચોક પાસે અયોધ્યા રેસીડેન્સીમાં રહેતાં અને પલંગ ચોક પાસે હોમયોપેથીક કલીનીક ચલાવતા રશ્મિબેન હેતલકુમાર શુક્લા ઉ.52એ નોંધાવેલ ફરીયાદમાં જણાવ્યું હતું ગઇ તા. 09ના સવારે અનુજ અગ્રવાલ નામના વ્યક્તીનો ફોન આવેલ જે હિન્દીમા બોલતો અને તેણે TRIAના સીનીયર એડવાઇઝરી ઓફીસર તરીકેની ઓળખ આપી જણાવેલ કે, તેણીના આધાર કાર્ડનો ઉપયોગ કરી ચેમ્બુર મુંબઈ ખાતેથી એરટેલનુ સીમ કાર્ડ કાઢવામા આવેલ છે અને આ નંબર ફ્રોડમા ઉપયોગ થાય છે તેમજ આ નંબર વિરૂધ્ધ ઘણી કમ્પલેન ચેમ્બુર CBIને મળેલ છે આ બાબતે મુંબઇ ક્રાઇમ બ્રાંચ ખાતે એફઆઈઆર થયેલ છે જેથી આ કોલ હુ મુંબઈ ક્રાઈમ બ્રાંચમા ફોરવર્ડ કં છુ ત્યાર બાદ મુંબઈ ક્રાઇમ બ્રાંચમાથી દેવી સિંઘ નામના વ્યક્તીએ કોલ ઉપાડેલ જે પણ હિન્દીમા વાત કરતો અને તેણે આધાર કાર્ડ બાબતે થોડી વાત કરી જણાવેલ કે, તમને વોટસએપ ઉપર ક્નફેસન લખાવવા વિડિયો કોલ આવશે તેમા તમારી હક્કિત લખાવી દેજો જે બાદ સાદો કોલ કટ કરતા જ વોટસએપમા વિડિયો કોલ આવેલ તે શખ્સ હીન્દીમા વાત કરતો અને તેનું નામ વિજય ખન્ના અને મુંબઇ ક્રાઇમ બ્રાંચમાથી વાત કરે છે તેમ જણાવેલ હતું. પણ વિડિયો કોલમા માત્ર મુંબઇ ક્રાઇમ બ્રાંચનો લોગો જ આવતો કોઈ વ્યકતી દેખાતા નહી અને તેને કહેલ કે, તમારા આધાર કાર્ડ પરથી કેનરા બેંકમા એકાઉન્ટ ખુલેલ છે આ બેંક એકાઉન્ટ મોટા ફ્રોડમાં વપરાયેલ છે તેમજ મની લોન્ડ્રીંગમાં ઉપયોગ થયેલ છે અને આ કેસમા નરેસ ગોયેલ નામના વ્યક્તીને તેઓએ પકડેલ છે જેના ઘરે તમારા નામના એટીએમ કાર્ડ મળી આવેલ છે આ મની લોન્ડરિંગના પૈસામાથી મહીનાના ચાર લાખ રૂપીયા મળે છે, તથા કેનરા બેંકનુ એ.ટી.એમ. કાર્ડ તથા તેણીના નામ વાળા અન્ય ડોક્યુમેંટ વોટસએપ મારફતે મોકલતો હતો.

ત્યાર બાદ આ વિજય ખાન્નાએ જણાવેલ કે, મોટા સાહેબ સમાધાન પવાર સર તમને પોલીસ ક્લીયરન્સ સર્ટીફીકેટ આપશે. તેજ વોટસએપ નંબર ઉપરથી સમાધાન પવાર નામનો વ્યક્તી હિન્દીમા વાત કરી જણાવેલ કે, મારે કલાકે-કલાકે વિડિયો કોલ કરવાનો જ્યા સુધી મારુ વેરીફીકેશનનો થાય ત્યા સુધી. ત્યાર બાદ તેણીની માલીકીની તમામ મિલકત તથા તમામ બેંક એકાઉન્ટમા પડેલ નાણા તેમજ મ્યુચ્યુલ ફંડના રોકાણ બાબતેની માહીતી તથા સ્ટોક માર્કેટમા કરેલ ઇન્વેસ્ટમેંટ બાબતેની તમામ માહીતી માંગતો હતો જેથી તેને આપી દીધેલ હતી ત્યાર બાદ આ જ અજાણ્યા નંબર ઉપરથી સમાધાન પવારએ કહેલ તમારા પાસે રહેલ તમામ નાણા મનીલોંડ્રીંગના છે કે નહી તે બાબતે ક્રોસ વેરીફીકેશન માટે હાઇકોર્ટ દ્વારા ઓર્ડર આપવામા આવેલ છે કે, તમારા નાણા તેઓએ એક આર.બી.આઇ. નો લેટર મોકલેલ તેમા એકાઉન્ટ નંબર હતા. જેમા નાણા ટ્રાંસફર કરવા કહેલ અને તેને આપેલ બેંક એકાઉન્ટ નંબરોમા કુલ 12.90 લાખ ટ્રાન્સફર કરેલ હતાં જે બાદ સામે વાળાએ કહ્યું કે, તમારા નાણા તમને વેરીફીકેશન થઈ ગયા પછી એક દીવસમાં પરત આપી દેવામાં આવશે. પરંતુ ત્યાર બાદ ફરી જણાવેલ કે, તેણીના નામે રહેલ મ્યુચ્યલ ફંડમા રહેલ રકમ તથા સ્ટોકમાર્કેટમા કરેલ ઇન્વેસ્ટમેંટની રકમ વીડ્રો કરી વેરીફીકેશન માટે આપવી પડશે જેથી મ્યુચ્યુલ ફંડ વિડ્રો કરવા પ્રોશેસ કરતા મ્યુચ્યુલ ફંડમા તેણીના ભાઇ જયેશભાઇનું ઇ-મેઇલ આઇ.ડી. રજીસ્ટર હોય તેઓને મ્યુચ્યુલ ફંડ વિડ્રો બાબતે ઇ-મેઇલ મળતા આ બાબતે પુછતા હક્કિત જણાવતા ભાઈએ જણાવેલ કે તમારી સાથે ફ્રોડ થયેલ છે જેથી આ બનાવ બાબતે સાયબર ક્રાઇમ હેલ્પલાઇન નંબર 1930 પર કોલ કરી સાયબર ક્રાઈમમાં ફરીયાદ નોંધાવી હતી. જે અંગેની તપાસ સાયબર ક્રાઈમ પીઆઈ બી.બી.જાડેજા અને ટીમ ચલાવી રહી છે.