રૂપિયા ૩૫ લાખનાં વિદેશી દારૂનાં કેસમાં નાસતા ફરતાં ભરૂચનાં કુખ્યાત બુટલેગર નયન ઉર્ફે બોબડો કાયસ્થને જેલ હવાલે કરતી એલ.સી.બી.

ગત જાન્યુઆરી માસમાં કેલોદ ગામની સીમમાં ભુખી ખાડી પાસે આવેલ મરઘા ફાર્મ પાસે સ્ટેટ મોનીટરીંગ સેલ, ગુ.રા.ગાંધીનગર દ્વારા રેઇડ કરી, ભારતીય બનાવટનાં વિદેશી દારૂનું કટીંગ કરી રહેલ ૯ આરોપીઓને ૪ અલગ-અલગ વાહનો સાથે ઝડપી પાડી ભારતીય બનાવટનાં વિદેશી દારૂાબીયરની અલગ-અલગ બ્રાન્ડની પેટીઓ નંગ-૭૨૨ કુલ બોટલ નંગ-૧૯૫૫૬ કિંમત રૂપિયા ૩૪,૪૭,૬૮૦/- નાં વિદેશી દારૂ સહિત કુલ રૂપિયા ૬૨,૬૫,૭૨૦/- નાં મુદ્દામાલ કબ્જે કરવામાં આવેલ, આ વિદેશી દારૂનો વિપુલ જથ્થો ભરૂચ નાં કુખ્યાત બુટલેગર “નયન ઉર્ફે નયન બોબડો કિશોરભાઇ કાયસ્થ, રહે. દાંડીયા બજાર, ભરૂચ નાએ મંગાવેલ હોવાનું ફલીત થતા નયન બોબડા સહિત કુલ-૧૭ આરોપીઓ વિરૂધ્ધ ભરૂચ તાલુકા પોલીસ સ્ટેશનમાં ગુનો રજીસ્ટર થયેલ. આ ગુનાની તપાસ પોલીસ ઇન્સ્પેક્ટર શ્રી એલ.સી.બી. ને સોંપવામાં આવતા આરોપી “નયન ઉર્ફે નયન બોબડો કાયસ્થ તથા તેના સાગરીતોને પકડી પાડવા સારૂં ચક્રો ગતિમાન કરવામાં આવેલ. દરમ્યાન આરોપી નયન બોબડો સુરત શહેરના ઇચ્છાપુર પો.સ્ટે.માં દારૂના કેસમાં પકડાય ગયેલ, જેથી ટ્રાન્સફર વોરંટ આધારે ગુનાનાં કામે કબ્જો મેળવી કાયદેસર કાર્યવાહી કરી, જેલ હવાલે કરવામાં આવેલ છે. આ ગુનામાં સંડોવાયેલ અન્ય આરોપીઓની ધરપકડ કરવા તજવીજ જારી છે.
અહેવાલ: મનિષ કંસારા, ભરૂચ